ADផ្ទាំងផ្សព្វផ្សាយពាណិជ្ជកម្ម

Picture

ត្រឹម១ខែបើកឱ្យប្រើសាកល្បងដោយឥតគិតថ្លៃផ្លូវល្បឿនលឿនទទួលបានយានយន្តជិត៤៤ម៉ឺនគ្រឿង

3 ខែ មុន
  • ភ្នំពេញ

រាជធានី​ភ្នំពេញ ៖ បើ​តាម​កំណត់​ត្រា​ស្ថិតិ​យានយន្ត និង​ស្ថានភាព​ចរាចរណ៍​ក្នុង​រយៈពេល​៣១​ថ្ងៃ​នៃ​ការ​បើក​ឱ្យ​ប្រើប្រាស់​សាកល្បង​ដោយ​ឥត​គិតថ្លៃ ដោយ​រាប់​ចាប់ពី​ម៉ោង​៧:០០​នាទី​ព្រឹក ថ្ងៃ​ទី​០១ ខែតុលា ឆ្នាំ​២០២២ ដល់​ម៉ោង​២៤:០០​នាទី​យប់ ថ្ងៃ​ទី​៣១…

រាជធានី​ភ្នំពេញ ៖ បើ​តាម​កំណត់​ត្រា​ស្ថិតិ​យានយន្ត និង​ស្ថានភាព​ចរាចរណ៍​ក្នុង​រយៈពេល​៣១​ថ្ងៃ​នៃ​ការ​បើក​ឱ្យ​ប្រើប្រាស់​សាកល្បង​ដោយ​ឥត​គិតថ្លៃ ដោយ​រាប់​ចាប់ពី​ម៉ោង​៧:០០​នាទី​ព្រឹក ថ្ងៃ​ទី​០១ ខែតុលា ឆ្នាំ​២០២២ ដល់​ម៉ោង​២៤:០០​នាទី​យប់ ថ្ងៃ​ទី​៣១ ខែតុលា ឆ្នាំ​២០២២ មាន​យានយន្ត​ចំនួន​៤៣៧៣៨១​គ្រឿង បាន​ធ្វើ​ចរាចរណ៍​លើ​ផ្លូវ​ល្បឿន​លឿន​ភ្នំពេញ​-​ព្រះ​សីហ​នុ ដោយ​ចេញចូល​តាម​ស្ថានីយ​ទាំង​៨​ទីតាំង ខណៈ​ដែល​ករណី​គ្រោះថ្នាក់​មាន​ចំនួន​១៩​ករណី (​ស្មើនឹង​០,០០៤% បើ​ធៀប​ទៅ​នឹង​ទំហំ​ចរាចរណ៍​ដែល​បាន​កត់ត្រា​)​។

Picture

នេះ​បើ​យោង​តាម​ក្រសួង​សាធារណការ និង​ដឹង​ជញ្ជូន បាន​បញ្ជាក់​បន្ថែម​ថា ក្នុង​ចំណោម​យានយន្ត​ចំនួន​ជិត​៤៤​ម៉ឺន​គ្រឿង ដែល​បាន​ចរាចរណ៍​ក្នុង​ពេល​បើក​ឱ្យ​ប្រើប្រាស់​សាកល្បង​ដោយ​ឥត​គិតថ្លៃ​មួយ​ខែ​នេះ​មាន​ករណី​ប្រឹក្សា​យោបល់ សាកសួរ​ព័ត៌មាន និង​ស្វែងរក​ជំនួយ​សង្គ្រោះ សរុប​ចំនួន ១២៩១​ខ្សែ បាន​ធ្វើការ​ទាក់ទង​ទៅ​កាន់​លេខ ១៣៩៩ ដែល​ជា​លេខ​ទូរស័ព្ទ​សង្គ្រោះ​របស់​ក្រុមហ៊ុន​។

Picture

សូម​ជម្រាប​ជូន​ដែរ​ថា ៖ ក្រុមហ៊ុន​ផ្លូវ​ល្បឿន​លឿន ភ្នំពេញ​-​ក្រុងព្រះសីហនុ នឹង​ផ្តើម​គិតថ្លៃ​សេវា​ធ្វើ​ដំណើរ ចាប់​ថ្ងៃ​ទី​០១ ខែវិច្ឆិកា ឆ្នាំ​២០២២ វេលា​ម៉ោង​០៧:០០​នាទី​ព្រឹក នេះ​តទៅ​ហើយ​។ ចំពោះ​សេវា​ធ្វើ​ដំណើរ នឹង​ត្រូវ​គណនា​តាម​ចម្ងាយ​ជាក់ស្តែង​នៃ​ការ​បើកបរ និង​តាម​ប្រភេទ​យានយន្ត​។ ក្រុមហ៊ុន​ក៏​មានការ​បញ្ចុះតម្លៃ​សេវា​ចំនួន ២០% ជូន​ដល់​បងប្អូន​អ្នក​ធ្វើ​ដំណើរ​ផង​ដែរ ចាប់ពី​ថ្ងៃ​ទី​០១ ខែវិច្ឆិកា ឆ្នាំ​២០២២ រហូត​ដល់​ថ្ងៃ​ទី​៣១ ខែតុលា ឆ្នាំ​២០២៣​។

Picture

ក្រសួង​សាធារណការ និង​ដឹក​ជញ្ជូន សូម​សំណូមពរ​ដល់​បងប្អូន​ប្រជាពលរដ្ឋ​គ្រប់​រូប ចូលរួម​ស្វែង​យល់ និង​អនុវត្ត​តាម​សេចក្តីណែនាំ​ឱ្យ​បាន​ម៉ឺងម៉ាត់ ចំពោះ​គ្រប់​លក្ខខណ្ឌ​ក្នុង​ការ​បើកបរ​លើ​ផ្លូវ​ល្បឿន​លឿន​នេះ និង​គោរព​ច្បាប់​ចរាចរណ៍​ផ្លូវគោក​ឱ្យ​បាន​ខ្ជាប់ខ្ជួន ដើម្បី​ការ​ធ្វើ​ដំណើរ​របស់​ប្រកប​ទៅ​ដោយ​ភាព​សប្បាយ​រីករាយ និង​សុខ​សុវត្ថិភាព​។«​សូម​បើកបរ​ដោយ​ស្មារតី​ទទួលខុសត្រូវ និង​ការ​យោគយល់​»«​ថ្ងៃនេះ ថ្ងៃស្អែក​កុំឱ្យ​មាន​គ្រោះថ្នាក់​ចរាចរណ៍​»៕

Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023