វិធី4យ៉ាងក្រោយពេលបរិភោគអាហារមានជាតិកូឡេស្តេរ៉ូលខ្ពស់

ថ្ងៃទី ២០ ខែ មេសា ឆ្នាំ ២០១៧

ម៉ោង ០៧:០០

កូឡេស្តេរ៉ូលគឺជាអាស៊ីដខ្លាញ់ដែលផលិតនៅក្នុងថ្លើម និងមានសារសំខាន់សម្រាប់មុខងាររាងកាយជាច្រើន ។ ទោះជាយ៉ាងណាក្តីនៅពេលដែលវាគ្មានតុល្យភាពក្នុងរាងកាយរបស់អ្នក វាអាចនឹងបង្កគ្រោះថ្នាក់ដល់រាងកាយរបស់យើង។

ការបន្ថយកម្រិតកូឡេស្តេរ៉ូលគឺជារឿងសំខាន់បំផុតដែលអ្នកត្រូវតែយកចិត្តទុកដាក់ ហើយអ្នកអាចធ្វើដូចនេះបានដោយការទទួលទានរបបអាហារដែលល្អចំពោះសុខភាព ។ ប៉ុន្តែប្រសិនបើអ្នកភ្លេចខ្លួនទទួលទានអាហារដែលបង្កើនកម្រិតកូឡេស្តេរ៉ូលក្នុងរាងកាយរបស់អ្នក ខាងក្រោមនេះគឺជាគោលការណ៍មួយចំនួនដែលអ្នកអាចអនុវត្តតាមដើម្បីទប់ស្កាត់ផលប៉ះពាល់របស់វាចំពោះរាងកាយ ។

១-ធ្វើលំហាត់ប្រាណ
បន្ទាប់ពីការបរិភោគអាហារដែលមានខ្លាញ់ច្រើន សូមកុំធ្វើលំហាត់ប្រាណ ខ្លាំងៗ ។ វាជាការល្អប្រសើរប្រសិនបើអ្នកគ្រាន់តែដើរលេងមួយភ្លែត ។ ការធ្វើដូចនេះវានឹងជួយក្នុងការដុតកាឡូរីបន្ថែមទៀត ។

២-ផឹកទឹកក្តៅ ឧណ្ណៗ
ការទទួលទានទឹកក្តៅ ឧណ្ណៗមួយ ឬពីរកែវអាចជួយបណ្តេញអាហារដែលមានជាតិខ្លាញ់នេះចេញពីរាងកាយ ។ ជាលទ្ធផលវានឹងជួយរក្សាសុខភាពថ្លើម ក្រពះ ពោះវៀនឲ្យមានសុខភាពល្អ និងការពារពួកវាពីការខូចខាត។

៣-កុំចូលគេង ភ្លាមៗបន្ទាប់ពីបរិភោគអាហាររួច
សូមព្យាយាមក្នុងការរក្សាគម្លាតឲ្យបានពីពីរទៅបីម៉ោងរវាងពេលវេលាដែលអ្នកបានបរិភោគរួច និងពេលដែលអ្នកចូលគេង។ ប្រសិនបើឹអ្នកចូលគេង ភ្លាមៗបន្ទាប់ពីបរិភោគអាហាររួច ថាមពលក្នុងខ្លួនរបស់អ្នកនឹងមិនត្រូវបានប្រើប្រាស់ឡើយ ហើយវានឹងរក្សាទុកនៅក្នុងរាងកាយក្រោមទម្រង់ជាជាតិខ្លាញ់ ។

៤-ចៀសវាងការបរិភោគរបស់ត្រជាក់ក្រោយពីបរិភោគអាហារដែលមានជាតិខ្លាញ់
ការទទួលទានរបស់ត្រជាក់ដូចជាការ៉េមបន្ទាប់ពីការបរិភោគអាហារដែលមានជាតិខ្លាញ់ អាចមានផលប៉ះពាល់ដល់ថ្លើម ក្រពះ និងពោះវៀន ។ ហេតុដូចនេះចូរចៀសវាងការបរិភោគអាហារត្រជាក់បន្ទាប់ពីការបរិភោគអាហារដែលសម្បូរទៅដោយជាតិខ្លាញ់ ៕