ស្ងាត់ៗ! វៀតណាមគ្រោងដាក់លក់រថយន្តហោះលើកដំបូងនៅឆ្នាំ២០២៤
វៀតណាម ៖ ក្រុមហ៊ុនវៀតណាម Airlios ដែលមានមូលដ្ឋានក្នុងទីក្រុងហាណូយ បានបង្ហាញរថយន្ត
វៀតណាម ៖ ក្រុមហ៊ុនវៀតណាម Airlios ដែលមានមូលដ្ឋានក្នុងទីក្រុងហាណូយ បានបង្ហាញរថយន្ត
វៀតណាម ៖ ក្រុមហ៊ុនវៀតណាម Airlios ដែលមានមូលដ្ឋានក្នុងទីក្រុងហាណូយ បានបង្ហាញរថយន្តអគ្គិសនីអាចហោះហើរបាន ដែលខ្លួនគ្រោងដាក់លក់ជាលក្ខណៈពាណិជ្ជកម្មនៅក្នុងឆ្នាំ២០២៤ ខាងមុខ។ នេះបើយោងតាមប្រភពពីសារព័ត៌មាន VnExpress ចេញផ្សាយកាលពីថ្ងៃទី០១ ខែវិច្ឆិកា ឆ្នាំ២០២២។
ក្រុមហ៊ុនបានលើកឡើងនៅឯការតាំងពិព័រណ៍នាពេលថ្មីៗនេះថា The Single Seater (កៅអីទោល) ឬហៅថា Airlios អាចហោះហើរនៅកម្ពស់១០ម៉ែត្រ ក្នុងរយៈពេល ១០វិនាទី នៅក្នុងល្បឿន ១០០គីឡូម៉ែត្រក្នុងមួយម៉ោង។
ជាមួយគ្នានោះ ក្រុមហ៊ុនបន្ថែមថា Airlios មានសមត្ថភាពអាចហោះហើរនៅកម្ពស់ ១២០ម៉ែត្រ ដែលមានកម្ពស់ដូចនឹងអគារ៤៤ជាន់។ Airlios មានថ្មចំនួន ៨គ្រាប់ ដែលសាកពេញក្នុងរយៈពេល ៧ ទៅ ៩នាទី នៅស្ថានីយ៍សាកថ្ម ៣០ គីឡូវ៉ាត់។ Airlios ភាគច្រើនផលិតចេញពីអាលុយមីញ៉ូម និងសរសៃកាបូន លក្ខណៈពិសេសរបស់វា គឺអាចហោះហើរបានទាំងដោយស្វ័យប្រវត្តិ និងការបញ្ជាដោយផ្ទាល់។
គំរូមួយត្រូវបានធ្វើតេស្ត ដោយហោះបានយ៉ាងជោគជ័យក្នុងរយៈចម្ងាយ ៣៣គីឡូម៉ែត្រក្នុងរយៈពេល ២០នាទី នៅកម្ពស់ក្រោម ១២០ម៉ែត្រ។ ដោយត្រូវបានសាកល្បងនៅរយៈពេល ១រយម៉ោង និង ១ពាន់គីឡូម៉ែត្រផងដែរ។
លោក Mai Thien Vu ប្រធានផ្នែកបច្ចេកវិទ្យារបស់ក្រុមហ៊ុនបានប្រាប់សារព័ត៌មាន VnExpress ថា «ឥឡូវនេះ គម្រោងនេះបានបញ្ចប់ ៧០ ទៅ ៨០% ហើយ ។ យើងគ្រោងនឹងចាប់ផ្តើមការហោះហើរលើកដំបូងនៃកំណែពាណិជ្ជកម្មរបស់ Airlios នៅចុងឆ្នាំ២០២៣»។
លោកបានបន្ថែមទៀតថា អ្នកគ្រប់គ្រង និងវិស្វករក្រុមហ៊ុន Airlios បានចាប់ផ្តើមគិតអំពីការផលិតរថយន្តអាចហោះហើរបាន កាលពី៥ឆ្នាំមុន។ ប្រសិនបើ Airlios ត្រូវបានគេដាក់ឱ្យដំណើរការតាមការគ្រោងទុក នោះវាអាចនឹងក្លាយជារថយន្តហោះហើយដំបូងគេនៅអាស៊ីអាគ្នេយ៍។
ចំពោះកំណែស្តង់ដារ Airlios នឹងមានតម្លៃប្រហែល ៨១,០០០ដុល្លារ ដោយមានតម្លៃទាបជាងបើប្រៀបធៀបនឹង Jetson ផលិតផលរបស់ប្រទេសស៊ុយអែត ដែលមានតម្លៃ ៩២,០០០ដុល្លារ។ ប៉ុន្តែ Airlios ក៏នឹងផ្តល់ជូនម៉ូដែលផ្សេងទៀត ដែលមានតម្លៃរហូតដល់ ៩៩,០០០ដុល្លារ។
សូមជម្រាបថា ការចាប់ផ្តើមអាជីវកម្មជាច្រើននៅក្នុងប្រទេសមួយចំនួនបានចាប់ផ្តើមធ្វើការលើរថយន្តអាចហោះហើរ ទោះបីជាមានការបើកដំណើរការពាណិជ្ជកម្មតិចតួចយ៉ាងណាក៏ដោយ។ ក្នុងនោះ សិង្ហបុរី ម៉ាឡេស៊ី និងឥណ្ឌូណេស៊ី គ្រោងនឹងបើកដំណើរការសេវាកម្មតាក់ស៊ីហោះហើរនាពេលអនាគត៕
ចែករំលែកព័តមាននេះ