ថ្ងៃនេះ! ម្ចាស់មេដាយមាសទ្វីបអាស៊ី ខាន់ ចេសា ប្រកួតជើងឯកពិភពលោក
- ភ្នំពេញ
រាជធានីភ្នំពេញ ៖ ថ្ងៃនេះ(០២ វិច្ឆិកា)កីឡាការិនី និងកីឡាករជឺជីតស៊ូជម្រើសជាតិកម្ពុជា នឹងប្រកួត
រាជធានីភ្នំពេញ ៖ ថ្ងៃនេះ(០២ វិច្ឆិកា)កីឡាការិនី និងកីឡាករជឺជីតស៊ូជម្រើសជាតិកម្ពុជា នឹងប្រកួតជើងឯកជឺជីតស៊ូពិភពលោក នៅទីក្រុង Abu Dhabi ប្រទេសអារ៉ាប់រួម។
កីឡាការិនីជឺជីតស៊ូជម្រើសជាតិកម្ពុជា ខាន់ ចេសា ដែលជាម្ចាស់មេដាយមាសទ្វីបអាស៊ី ឆ្នាំ២០១៨ នឹងប្រកួតវិញ្ញាសា Jiu Jitsu (Newaza) ទម្ងន់៥២គីឡូក្រាម នៅថ្ងៃទី២ ខែវិច្ឆិកា ។ ចំណែក
នៅថ្ងៃទី៣ ខែវិច្ឆិកា កីឡាករ ហួរ សេងហុងប្រកួតវិញ្ញាសា Jiu Jitsu (Newaza) ទម្ងន់៦៩
គីឡូក្រាម និងកីឡាករ ថន អេនដ្រូ ប្រកួតវិញ្ញាសាJiu Jitsu (Newaza)ទម្ងន់៦២គីឡូក្រាម។
ការចូលរួមប្រកួតជើងឯកពិភពលោកនេះក៏ជាផ្នែកមួយរបស់ក្រុមកីឡាករ កីឡាការិនីជឺជីត
ស៊ូកម្ពុជា ក្នុងការបង្កើនសមត្ថភាព និងពង្រឹងបច្ចេកទេសដើម្បីជាការត្រៀមខ្លួនសម្រាប់ស៊ីហ្គេម ឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
ប្រតិភូកីឡាជឺជីតស៊ូកម្ពុជាដឹកនាំដោយលោក ថោង បញ្ញាធន អមដោយលោក Jasper Paas ជាជនជាតិហូឡង់ ។ បន្ទាប់ពីបានធ្វើដំណើរទៅដល់ទីក្រុង Abu Dhabi កីឡាការិនី ខាន់ ចេសា ក៏ដូចជាកីឡាករពីរនាក់បានហ្វឹកហាត់ជាមួយឪពុក និងគ្រូបង្វឹក ៕
ចែករំលែកព័តមាននេះ