រាជធានីភ្នំពេញ ៖ ផ្លូវល្បឿនលឿនភ្នំពេញ-ក្រុងព្រះសីហនុ ចាប់ផ្តើមគិតកម្រៃពីថ្ងៃទី០១ ខែវិច្ឆិកា ឆ្នាំ២០២២ វេលា ០៧:០០ព្រឹកនេះតទៅ។ នេះបើយោងតាមផេកក្រសួងសាធារណការ និងដឹកជញ្ជូនបានផ្សាយព្រឹកនេះ។
ក្រសួងសាធារណការបានបន្តថា ការបង់ប្រាក់នឹងត្រូវធ្វើឡើងតាមចម្ងាយជាក់ស្តែង។ឧទាហរណ៍ចម្ងាយ 187.05km «ភ្នំពេញ-ក្រុងព្រះសីហនុ»បង់ 12$ (បានចុះតម្លៃមកត្រឹម 80%រួច) សម្រាប់យានយន្តដែលត្រូវបង់កម្រៃ Type «A»ខាងក្រោម៖
- រថយន្តប្រភេទគ្រួសារ 7កៅអី ចុះក្រោម
- រថយន្តផ្ទុកទំនិញ ក្រោម 2តោន
- ទោចក្រយានយន្តកម្លាំងចាប់ពី 500cc ឬ 27kW ឡើង មានបិទ លតាបត្រ (ស្ទីគ័រ) សម្គាល់អនុញ្ញាតដោយក្រសួង។
តារាងកម្រៃលម្អិតត្រូវគិតតាមចម្ងាយ និងប្រភេទយានយន្ត ជាក់ស្តែង ដូចមានក្នុងតារាងជូនភ្ជាប់។ តារាងកម្រៃ ក៏មានបិទនៅតាមផ្ទាំងព័ត៌មាន ច្រកចេញចូលផ្លូវល្បឿនលឿនផងដែរ។
ក្រសួងសាធារណកាបានបន្ថែមថា រាល់យានយន្តចូលប្រើប្រាស់ផ្លូវល្បឿនលឿន ត្រូវមាន៖
– ផ្លាកលេខសម្គាល់យានយន្ត
-ត្រួតពិនិត្យលក្ខណៈបច្ចេកទេស (ឆៀក) មានសុពលភាព
-កាតព្វកិច្ចផ្សេងៗតាមច្បាប់ដែលបានកំណត។
សូមបងប្អូន ចូលរួមគោរពច្បាប់ចរាចរណ៍ បើកបរដោយសុវត្ថិភាព ថ្ងៃនេះថ្ងៃស្អែកកុំឱ្យមានគ្រោះថ្នាក់ចរាចរណ៍ទាំងអស់គ្នា។សូមបញ្ជាក់ថា ក្រសួងសាធារណការ និងដឹកជញ្ជូន បានឲ្យអ្នកបើកបរលើផ្លូវល្បឿនលឿននេះ ដោយមិនយកប្រាក់១ខែពេញ(តុលា)៕
ចែករំលែកព័តមាននេះ