ទឹកត្រជាក់ដាក់ទឹកកកមួយកែវពេញអាចល្អបំផុត សម្រាប់អ្នកក្នុងរដូវក្តៅ ឬបន្ទាប់ពីការធ្វើការងារដ៏ហត់នឿយមួយ ។ ទឹកត្រជាក់ ក៏ត្រូវបានគេនិយាយផងដែរថា វាអាចជួយអោយរាងកាយមានថាមពលល្អ នៅក្នុងពេលព្រឹក ។ តែទោះជាយ៉ាងណាក្តី ការផឹក ទឹកក្តៅឧណ្ឌៗ គឺពិតជាបានផ្តល់នូវអត្ថប្រយោជន៍ជាច្រើន ចំពោះសុខភាព ។
មិនថា ទឹកក្តៅឧណ្ឌៗ ឬត្រជាក់ ក៏ដោយការរក្សាឱ្យរាងកាយអ្នកមានជាតិទឹកគ្រប់គ្រាន់ គឺជាវិធីដ៏វិសេសមួយក្នុងការរក្សា សុខភាព និងអារម្មណ៍របស់អ្នកឱ្យបានស្រស់ថ្លា ។ តែអ្នកគួរធ្វើការពិចារណាឡើងវិញ អំពីការជ្រើសរើស យកទឹកក្តៅឧណ្ណៗមកផឹក ឱ្យបានប៉ុន្មានកែវជារៀងរាល់ថ្ងៃ ។
ខាងក្រោមនេះ គឺគុណសម្បត្តិនៃការផឹកទឹកក្តៅឧណ្ណៗ ៖
-ជួយធ្វើអោយមុខងាររបស់ដំណើការរបស់ការរំលាយ អាហារ និងពោះវៀនល្អប្រសើរជាងមុន
-ការផឹកទឹកក្តៅឧណ្ឌៗ ក្នុងអំឡុងពេលនៃការទទួលទានអាហារ អាចជំនួយដល់ដំណើរការនៃការរំលាយអាហារ ។ វាជួយក្នុងការ បំបែកអាហារ នៅក្នុងក្រពះ នេះ បើយោងតាមសម្តីរបស់គ្រូពេទ្យជំនាញផ្នែកក្រពះពោះវៀន លោកវេជ្ជបណ្ឌិត Michael F.Picco ។ ទឹកក្តៅ ក៏អាចជួយផងដែរ ក្នុងការរំលាយ អាហារ ចាស់ៗ ដែលនៅសល់ជាប់ នៅក្នុងបំពង់រំលាយអាហារ, ជួយសម្អាត ពោះវៀន ដោយការលាងជម្រះបំពង់អាហារ ផ្នែកខាងក្នុង ជាមួយនឹងទឹកក្តៅឧណ្ឌៗនេះ ។
ម្យ៉ាងវិញទៀត ការផឹកវាជាប្រចាំ ក៏អាចជួយផងដែរ ក្នុងការយកចេញនូវការកើនឡើង នូវកាកសណល់ នៅក្នុងបំពង់អាហារ ។ ការផឹកទឹកក្តៅឧណ្ឌៗ ដែលលាយជាមួយនឹងទឹកក្រូចឆ្មារ ក៏អាចជួយសម្អាតកាកសំណល់ នៅក្នុងរាងកាយ បានផងដែរ ហើយ ជាលទ្ធផលនោះវានឹងធ្វើឱ្យមុខងាររបស់ពោះវៀន មានដំណើរការទៅបាន រលូនជាងមុន ។ ជម្ងឺរាក និងបញ្ហាទល់លាមក ក៏អាច នឹងត្រូវបង្ការបានផងដែរ ។
ជួយបញ្ចេញជាតិពុលចេញពីក្នុងចិត្ត និងរាងកាយការផឹកទឹកក្តៅឧណ្ឌៗឱ្យបានពីរ បី ដង នៅក្នុងមួយសប្តាហ៍ គឺផ្តល់គុណសម្បត្តិ ក្នុងការបន្សាបជាតិពុល ។ នេះបើតាមសម្តីរបស់ប្លុកមួយ ដែលនិយាយអំពីអត្ថប្រយោជន៍ ចំពោះសុខភាពនៃការផឹកទឹក ។ នៅពេលដែលអ្នកផឹកទឹកក្តៅ ឬក្តៅឧណ្ណៗនោះ កម្តៅរាងកាយរបស់អ្នកនឹងកើនឡើង ។ ហើយជាលទ្ធផលវានឹងធ្វើអោយបែកញើស ដែលជាដំណើរការធម្មជាតិមួយ ក្នុងការជួយអោយរាងកាយត្រជាក់ស្រួល និងបន្ថែមនូវសារប្រយោជន៍មួយទៀត គឺជួយបញ្ចេញ ជាតិពុលចេញពីក្នុងខ្លួន ។
វិធីនេះ គឺអាចជួយក្នុងការសម្អាតចរន្តឈាម ។ វា ប្រៀបដូចជាការចូលទៅក្នុងបន្ទប់សូណាដូច្នោះដែរ ។ ដោយសារតែជាតិពុល ត្រូវបានយកចេញពីក្នុងរាងកាយបាននោះ មានអ្នកថែរក្សាសុខភាពតាមបែបធម្មជាតិជាច្រើនបានជឿថា ការផឹកទឹកក្តៅឧណ្ណៗ ក៏ អាចជួយធ្វើអោយអារម្មណ៍ផ្លូវចិត្តស្រស់ស្រាយបានដែរ ។
ជួយសម្អាតច្រមុះ និងបំពង់កការផឹកទឹកក្តៅ ឬក្តៅឧណ្ឌៗ អាចជាវិធីដ៏មានប្រសិទ្ធភាពជួយក្នុងការជួយសម្អាត និងសម្រាល ដល់ អាការៈនៃការតឹងច្រមុះ ដោយសារតែជម្ងឺផ្តាសាយ , អាលែហ្សី ឬគ្រុនផ្តាសាយជាដើម ។ ការផឹកទឹកនេះ ក៏អាចជួយបន្ថយ នូវ ការប្រមូលផ្តុំឡើងនៃស្លេស្ម នៅក្នុងរន្ធ ច្រមុះ ។
ភាពជាក់ស្តែង នៃការផឹកទឹកតែម្យ៉ាងគត់នោះ គឺវាជួយយកចេញនូវឥទ្ធិពលរបស់កាហ្វេអ៊ីននៃការធ្វើអោយបាត់បង់ជាតិទឹក ដែលមាននៅក្នុងប្រភេទ ភេសជ្ជៈក្តៅៗដទៃទៀត មានដូចជាទឹកតែ និងកាហ្វេ ដែលអ្នកគួរតែធ្វើការ ចៀសវាង នៅពេលដែលអ្នក មាន ជម្ងឺ ។ លើសពីនេះទៅទៀត ទឹកក្តៅឧណ្ណៗអាចជួយប្រឆាំងនឹងការក្អក ដោយការយកចេញ នូវកំហាក ឬស្លេស្ម ចេញពីក្នុង ផ្លូវដង្ហើម ។
ប្រភព: www.health.com.kh
ចែករំលែកព័តមាននេះ