EU ៖ សេដ្ឋកិច្ចប្រទេស G20 នឹងមិនអាចសម្រេចគោលដៅកំណើន
កាលពីថ្ងៃសៅរ៍ រដ្ឋមន្ត្រីហិរញ្ញវត្ថុសហភាពអឺរ៉ុប (EU) ទទួលស្គាល់ថា ប្រទេសមានសេដ្ឋកិច្ចធំជាងគេលើពិភពលោកចំនួន២០ (G-20) នឹងមិនអាចសម្រេចគោលដៅកំណើនសេដ្ឋកិច្ចបន្ថែមទេ តាមរយៈ
កាលពីថ្ងៃសៅរ៍ រដ្ឋមន្ត្រីហិរញ្ញវត្ថុសហភាពអឺរ៉ុប (EU) ទទួលស្គាល់ថា ប្រទេសមានសេដ្ឋកិច្ចធំជាងគេលើពិភពលោកចំនួន២០ (G-20) នឹងមិនអាចសម្រេចគោលដៅកំណើនសេដ្ឋកិច្ចបន្ថែមទេ តាមរយៈការធ្វើកំណែទម្រង់នៅត្រឹមឆ្នាំ២០១៨ និងអំពាវនាវរកមូលហេតុដែលធ្វើឲ្យពួកគេបរាជ័យ ។
កាលពីឆ្នាំ២០១៤ ប្រទេស G20 បានព្រមព្រៀងគ្នាជំរុញកំណើនសេដ្ឋកិច្ចយ៉ាងហោចណាស់២% បន្ថែមទៀតក្នុងរយៈពេល៥ឆ្នាំ តាមរយៈការធ្វើកំណែទម្រង់ បន្ថែមថវិកាជាង២ទ្រីលានដុល្លារអាមេរិកដល់សេដ្ឋកិច្ចសកល និងបង្កើតការងាររាប់លាន ។
« យើងទំនងជាមិនអាចឈានដល់មហិច្ឆតាកំណើន២%ក្នុងរយៈពេល៥ឆ្នាំ នៅត្រឹមឆ្នាំ២០១៨ទេ » ។ នេះបើតាមឯកសារគោលអនុម័តដោយរដ្ឋមន្ត្រីហិរញ្ញវត្ថុសហភាពអឺរ៉ុប សម្រាប់កិច្ចប្រជុំមេដឹកនាំហិរញ្ញវត្ថុប្រទេស G20 នៅថ្ងៃទី២០-២១ មេសា នៅទីក្រុងវ៉ាស៊ីនតោន ។
ឯកសារទទួលដោយសារព័ត៌មាន Reuters ឲ្យដឹងថា ៖ « យើងគួរតែឆ្លុះបញ្ចាំងពីទំនាក់ទំនងសមរម្យសម្រាប់គោលដៅ២ក្នុង៥, បង្កើតការវាយតម្លៃចែករំលែក និងយល់ដឹងពីមូលហេតុដែលយើងមិនអាចសម្រេចគោលដៅនេះបានពេញលេញ ។ វាសំខាន់ណាស់ដើម្បីពន្លឿនការអនុវត្តកំណែទម្រង់រចនាសម្ព័ន្ធ និងវិនិយោគក្នុងផ្នែកហេដ្ឋារចនាសម្ព័ន្ធដែលមានផលិតភាព » ។
ឯកសារនេះបង្ហាញថា ៖ « គណៈប្រតិភូ EU ក្នុងកិច្ចប្រជុំក្រុមប្រទេស G20 នៅទីក្រុងវ៉ាស៊ីនតោន នឹងនិយាយម្ដងទៀតថា ក្រុមប្រទេស G20 គួរតែចៀសវាងរាល់ទម្រង់គោលនយោបាយសេដ្ឋកិច្ចគាំពារនិយមទាំងអស់, គាំទ្រកិច្ចព្រមព្រៀងទីក្រុងប៉ារីស ស្តីពីបម្រែបម្រួលអាកាសធាតុ, កិច្ចការទាក់ទងនឹងហិរញ្ញវត្ថុបៃតង និងវិធីសាស្ត្រពហុភាគីដើម្បីបង់ពន្ធ និងបទប្បញ្ញត្តិហិរញ្ញវត្ថុ » ។
សេចក្តីប្រកាសនេះមានស្ដង់ដាក្នុងកិច្ចប្រជុំ របស់ក្រុមប្រទេស G20 កាលពីមុន ប៉ុន្តែឥឡូវនេះ បែរជាមានបញ្ហាចាប់តាំងពីលោក Donald Trump ក្លាយជាប្រធានាធិបតីសហរដ្ឋអាមេរិកនៅឆ្នាំមុន ។
ក្នុងកិច្ចប្រជុំមួយកាលពីខែមីនា នៅទីក្រុង Baden ប្រទេសអាល្លឺម៉ង់ រដ្ឋមន្ត្រីហិរញ្ញវត្ថុក្រុមប្រទេស G20 បានបរាជ័យចំពោះកិច្ចសន្យារក្សាពាណិជ្ជកម្មសកលបែបសេរី និងបើកចំហ ដោយសារគោលនយោបាយសេដ្ឋកិច្ចគាំពារនិយមកើនឡើងនៅសហរដ្ឋអាមេរិក ។
ប្រធានហិរញ្ញវត្ថុក្រុមប្រទេស G20 បានដកចេញនូវការសន្យាផ្តល់ហិរញ្ញវត្ថុប្រឆាំងនឹងការប្រែប្រួលអាកាសធាតុ បន្ទាប់ពីលោក Trump ហៅការកើនឡើងកំដៅផែនដីថា ជារឿងកំប្លែងមួយ ៕
ចែករំលែកព័តមាននេះ