លោកឧកញ៉ាម្នាក់ និងអង្គរក្ស បានប្រើហិ.ង្សាវា.យកម្ទេចកញ្ចក់រថយន្តក្រុង ដោយសារខឹងសម្បាររឿងអ្នកបើកបររថយន្តក្រុងបើកកៀររថយន្តរបស់លោកឧកញ៉ា និងបានយកទូរស័ព្ទដៃប្រ៊ូឡានវា.យកំទេចចោលទៀត ដោយសារតែ
ខេត្តស្វាយរៀង ៖ លោកឧកញ៉ាម្នាក់ និងអង្គរក្ស បានប្រើហិ.ង្សាវា.យកម្ទេចកញ្ចក់រថយន្តក្រុង ដោយសារខឹងសម្បាររឿងអ្នកបើកបររថយន្តក្រុងបើកកៀររថយន្តរបស់លោកឧកញ៉ា និងបានយកទូរស័ព្ទដៃប្រ៊ូឡានវា.យកំទេចចោលទៀត ដោយសារតែប្រូរថយន្តក្រុងថតសកម្មភាពលោកឧកញ៉ា និងអង្គរក្ស វា.យកញ្ចក់រថយន្តរបស់គេ។
បើតាមសមត្ថកិច្ចបានឲ្យដឹងថា ករណីនេះ បានកើតឡើងកាលពីវេលាម៉ោង១០និ១៥នាទីព្រឹកថ្ងៃទី២៨ ខែតុលា ឆ្នាំ២០២២ នៅលើផ្លូវជាតិលេខ១ ស្ថិតនៅក្នុងភូមិបាវិត សង្កាត់បាវិត ក្រុងបាវិត។
ទាក់ទិននឹងករណីខាងលើនេះដែរ លោកវរសេនីយ៍ទោ ហែម សុវណ្ណារិទ្ធ អធិការ នៃអធិការដ្ឋាននគបាលក្រុងបាវិត បានឲ្យដឹងថា ករណីឈានដល់ការប្រើហិ.ង្សានេះ មូលហេតុដោយសារអ្នកបើកបររថយន្តក្រុង បានបើកកៀរថយន្តរបស់លោកឧកញ៉ា លី យូកៀក ធ្វើឲ្យរថយន្តលោកឧកញ៉ា លី យូកៀក គេចធ្លាក់ផ្លូវ។
លោកអធិការបន្តទៀតថា ក្រោយមក លោកឧកញ៉ា ក៏បានទូរស័ព្ទមកសុំអន្តរាគមន៍ឲ្យសមត្ថកិច្ចស្ទាក់រថយន្តបង្ក ដើម្បីធ្វើការដោះស្រាយ។ បន្ទាប់មកសមត្ថកិច្ចនគបាលក្រុងបាវិត ក៏បានដាក់កម្លាំងស្ទាក់រថយន្តបង្ក តាមការប្តឹងសុំអន្តរាគមន៍ពីជនរងគ្រោះ (សមត្ថកិច្ចទទួលបានបណ្តឹងភ្លាម ក៏ដាក់កម្លាំងចុះស្ទាក់បាន នៅសង្កាត់បាវិត ក្រុងបាវិត)។
ប្រភពដដែលបន្តថា ពេលដែលលោកឧកញ៉ាមកដល់បានហៅអ្នកបើកបររថយន្តក្រុងឲ្យចុះពីលើរថយន្ត ដើម្បីដោះស្រាយ ក៏ប៉ុន្តែអ្នកបើកបររថយន្តក្រុង មិនព្រមចុះពីលើរថយន្ត ទើបធ្វើឲ្យលោកឧកញ៉ាខឹង ហើយអង្គរក្សលោកឧកញ៉ា ក៏បានយកដុំថ្មវា.យបំបែកកញ្ចក់រថយន្តដើម្បីឲ្យអ្នកបើកបរចុះមកដោះស្រាយ។ ខណៈពេលនោះ ប្រ៊ូរថយន្តក្រុងបានយកទូរស័ព្ទដៃ ថតរូបលោកឧកញ៉ា និងអង្គរក្ស បន្ទាប់មកលោកឧកញ៉ាបានឲ្យអ្នកថតនោះលុបរូបភាពចេញ ក៏ប៉ុន្តែជននោះមិនព្រមលុប ទើបលោកឧកញ៉ាយកទូរស័ព្ទវា.យកម្ទេចចោលតែម្តង។
ក្រោយមកសមត្ថកិច្ចក៏បានអញ្ជើញលោកឧកញ៉ា និងអង្គរក្ស ព្រមទាំងអ្នកបើកបររថយន្តក្រុង ទៅអធិការដ្ឋានក្រុងបាវិត ដើម្បីដោះស្រាយ ក៏ប៉ុន្តែភាគីអ្នកបើករថយន្តក្រុងមិនព្រមចូលខ្លួនដោះស្រាយទេ គឺរត់គេចខ្លួន ហើយបានឲ្យម្ចាស់ក្រុមហ៊ុនរថយន្តក្រុងចូលមកដោះស្រាយវិញ។ ចំណែកភាគីលោកឧកញ៉ា លី យូកៀក មិនយល់ព្រម គឺលោកឧកញ៉ា សុំឲ្យអ្នកបើកបររថយន្តក្រុងចូលខ្លួនមកដោះស្រាយ សុំទោសលោកឧកញ៉ា ដើម្បីបញ្ចប់រឿង និងឲ្យសមត្ថកិច្ចធ្វើកិច្ចសន្យា ឱ្យជនបង្កនោះបើកបរត្រូវគោរពច្បាប់ចរាចរណ៍ផ្លូវគោក និងអប់រំអ្នកបើកបរត្រូវមានក្រមសីលធម៌ សុជីវធម៌ គោរពអាទិភាព កុំបើកវ៉ាជែងកន្លែងគ្រោះថ្នាក់។
ប្រភពដដែលបន្តទៀតថា អ្នកបើកបររថយន្តក្រុងមិនព្រមចូលខ្លួន ដោយសារខ្លាចសមត្ថកិច្ចឃាត់ខ្លួន ចំណែកម្ចាស់ក្រុមហ៊ុនក៏មិនហ៊ានដោះស្រាយបញ្ចប់រឿងដែរ ដូច្នេះសមត្ថកិច្ចឃាត់រថយន្តក្រុងទុក និងធ្វើរបាយការណ៍បញ្ជូនសំណុំរឿងមកស្នងការដ្ឋាននគបាលខេត្ត ដើម្បីដោះស្រាយបន្ត។
ចំណែកមហាជនវិញ ក៏បានលើកឡើងថា គួរឃាត់ខ្លួនអ្នកបើកបររថយន្យក្រុងមកធ្វើកិច្ចសន្យា និងអប់រំ ដោយកន្លងមក គឺអ្នកបើកបររថយន្តក្រុងបើកព្រហើនណាស់ គ្មានគោរពច្បាប់ចរាចរណ៍ ហើយគ្មានសុជីវធម៌ទេ បើកបរល្បឿនលឿន វ៉ាជែងកន្លែងគ្រោះថ្នាក់។
ចំណែកមហាជនបានមើលឃ្លីបវីដេអូដែលបណ្តាញសង្គមហ្វេសប៊ុកបង្ហោះពីសកម្មភាពលោកឧកញ៉ា និងអង្គរក្ស យកដុំថ្មវា.យកម្ទេចកញ្ចក់រថយន្តក្រុង និងវា.យកំទេចទូរស័ព្ទដៃប្រ៊ូឡានក្រុងនោះ បានផ្ទុះខមមិនរិះគន់យ៉ាងចាស់ដៃនូវសកម្មភាពរបស់លោកឧកញ៉ា និងអង្គរក្ស។
ពាក់ព័ន្ធក្នុរករណីខាងលើ ដោយមានអ្នកច្បាប់ចូលខមមិន លើកអំពីច្បាប់ស្តីពី បទ ល្មើសប្រឆាំងនឹងទ្រព្យសម្បត្ដិ មាត្រា ៤១០, បទធ្វើឱ្យខូចខាតដោយចេតនា អំពើប្រព្រឹត្ដដោយចេតនា ដោយបំផ្លិចបំផ្លាញ ធ្វើឱ្យទ្រុឌទ្រោម ឬធ្វើឱ្យខូចខាតទ្រព្យសម្បត្ដិរបស់អ្នកដទៃនោះ ត្រូវផ្ដន្ទាទោសដាក់ពន្ធនាគារពី៦ខែ ទៅ២ឆ្នាំ និងពិន័យជាប្រាក់ពី ១.០០០.០០០រៀល ទៅ ៤.០០០.០០០ រៀល លើកលែងតែការខូចខាតមានលក្ខណៈស្រាល ។ មាត្រា ៤១១. ស្ថានទម្ងន់ទោស បទល្មើសដែលមានចែងក្នុងមាត្រា ៤១០ (បទធ្វើឱ្យខូចខាតដោយចេតនា) នៃក្រមនេះ ត្រូវផ្ដន្ទាទោសដាក់ពន្ធនាគារពី ២ ឆ្នាំ ទៅ ៥ ឆ្នាំ និងពិន័យជាប្រាក់ពី ៤.០០០.០០០ រៀល ទៅ ១០.០០០.០០០ រៀល នៅក្នុងករណីដូចតទៅ ៖
១- កាលបើបទល្មើសនេះ បានប្រព្រឹត្ដដោយបុគ្គលច្រើនរូបធ្វើសកម្មភាពក្នុងឋានៈជាចារី សហចារី អ្នកផ្ដើមគំនិត ឬជាអ្នកសមគំនិត ។
២-កាលបើបទល្មើសនេះ បានប្រព្រឹត្ដនៅក្នុងទីកន្លែងជាលំនៅឋាន ។
៣-កាលបើបទល្មើសនេះ បានប្រព្រឹត្ដនៅក្នុងទីកន្លែង សម្រាប់តម្កល់មូលនិធិ តម្លៃ ទំនិញ ឬសម្ភារៈ ។
៤-កាលបើបទល្មើសនេះ បានប្រព្រឹត្ដនាំឱ្យខូចប្រយោជន៍ដល់សំណង់គ្រឹះស្ថាន សាធារណៈ ឬផ្លូវសាធារណៈ ។
៥-កាលបើបទល្មើសនេះ បានប្រព្រឹត្ដនាំឱ្យខូចប្រយោជន៍ដល់ដំណាំ ឬ កសិផល ។
៦-កាលបើបទល្មើសនេះ បានប្រព្រឹត្ដនាំឱ្យខូចបង្គោលព្រំដែនអន្ដរជាតិនៃ ព្រះរាជាណាចក្រកម្ពុជា។
ចាំមើលទៀត… តើការបញ្ចេញកំហឹងរបស់ឧកញ៉ា និងអក្សរក្ស មានទោសតាមច្បាប់ដែរឬអត់?
ព័ត៌មានពិស្តារនឹងបន្តមានផ្សាយនៅលើកាសែតកោះសន្តិភាព។
ចែករំលែកព័តមាននេះ