លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា បានអញ្ជើញជាអធិបតីក្នុងពិធីបើកព្រឹត្តិការណ៍អុំទូកប្រពៃណីខ្នាតអន្តរជាតិ និងទូកបីសន្លឹកនៅន្លេវ៉ៃគោ នារសៀលថ្ងៃទី២៩ ខែតុលា ឆ្នាំ២០២២ មានមន្ត្រីរាជការ និង
ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា បានអញ្ជើញជាអធិបតីក្នុងពិធីបើកព្រឹត្តិការណ៍អុំទូកប្រពៃណីខ្នាតអន្តរជាតិ និងទូកបីសន្លឹកនៅន្លេវ៉ៃគោ នារសៀលថ្ងៃទី២៩ ខែតុលា ឆ្នាំ២០២២ មានមន្ត្រីរាជការ និងប្រជាពលរដ្ឋចូលរួមទសហសនាជិត១សែននាក់។
បើតាមគណៈកម្មការរៀបចំប្រណាំងទូកបានឲ្យដឹងថា តាមកម្មវិធីប្រណាំទូកនេះ មានរយៈពេល២ថ្ងៃ គឺចាប់ពីថ្ងៃទី២៩-៣០ ខែតុលា ឆ្នាំ២០២២ ដោយចំណុះទូកចូលរួមប្រកួតទាំងអស់ សរុប៥០ទូក ក្នុងនោះទូកអន្តរជាតិមាន ៤៤ទូក និងទូកក្តាបីសន្លឹក មាន៦ទូក ក្នុងនោះមាននារី១ទូក ដើម្បីចូលរួមអបអរសាទរក្នុងឱកាសនៃព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ នាពេលខាងមុខពិធីអុំទូកនេះ។
លោកជំទាវបានមានប្រសាសន៍ថា ពិធីប្រណាំងទូកនេះ អាចដំណើរទៅបាន ដោយសារតែប្រទេសជាតិ មានសុខសន្តិភាពបរិបូរណ៍ មានការអភិវឌ្ឍន៍លើគ្រប់វិស័យ ក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងមានចូលរួមយ៉ាងច្រើនកុះករពីសំណាក់ប្រជាជនមកពីបណ្តាខេត្តនានា ដែលធ្វើឲ្យពិធីនេះ ប្រព្រឹត្តទៅយ៉ាងអធិកអធម្ម ហើយក៏មានស្តង់តាំងពិព័រណ៌ជាង ៥០០ស្តង់ មកតាំងទំនិញលក់ផងដែរ៕
ចែករំលែកព័តមាននេះ