តារាសម្តែងដ៏ល្បីអ្នកនាង សឿ សុធារ៉ា កំពុងតែជួបទុក្ខធំ ដោយម្តាយបង្កើតរបស់នាងបានទទួលមរណភាព កាលពីរាត្រីថ្ងៃទី២៨ ខែតុលា ឆ្នាំ២០២២ ក្នុងជន្មាយុ៧៩ឆ្នាំដោយរោគាពាធ។ម្តាយរបស់តារារូបនេះកំពុងតម្កល់ធ្វើបុណ្យនៅវត្តវិហារត្រាញ់ ស្ថិតនៅតាមបណ្តោយផ្លូវជាតិលេខ២…
តារាសម្តែងដ៏ល្បីអ្នកនាង សឿ សុធារ៉ា កំពុងតែជួបទុក្ខធំ ដោយម្តាយបង្កើតរបស់នាងបានទទួលមរណភាព កាលពីរាត្រីថ្ងៃទី២៨ ខែតុលា ឆ្នាំ២០២២ ក្នុងជន្មាយុ៧៩ឆ្នាំដោយរោគាពាធ។ម្តាយរបស់តារារូបនេះកំពុងតម្កល់ធ្វើបុណ្យនៅវត្តវិហារត្រាញ់ ស្ថិតនៅតាមបណ្តោយផ្លូវជាតិលេខ២ ក្នុងក្តីសោកសង្រែក និងអាឡោះអាល័យយ៉ាងខ្លាំង។
អ្វីដែលធ្វើអោយមហាជនមិនគួរអោយជឿនោះ ក្រោយជួបទុក្ខធំនាពេលនេះអ្នកនាង សឿ សុធារ៉ា ស្ទើតែគ្មានលុយគ្រប់គ្រាន់សម្រាប់រៀបចំពិធីបុណ្យស.ពជូនម្តាយរបស់ខ្លួន នាពេលនេះឡើយ ដោយសារអ្នកនាងកំពុងធ្លាក់ខ្លួនដុនដាបរឿងលុយកាក់នេះ។
បើយោងតាមការបញ្ជាក់ពីលោក សាវីន ហ្វីលីព ដែលបានទៅជួបផ្ទាល់ជាមួយអ្នកនាង សឿ សុធារ៉ា នោះបានអះអាងប្រាប់កោះសន្តិភាពតាមសារអេឡិចត្រូនិចថា តារាស្រីរូបនេះកំពុងតែជួបទុក្ខផ្ទួនៗដោយម្តាយបានទទួលមរណភាព ខណៈពេលដែលនាងកំពុងជួបវិបត្តិថវិកាដែលធ្វើអោយនាងធ្លាក់ខ្លួនដុនដាបខ្លាំង។
លោកបញ្ជាក់ថា តាមការអោយដឹងពីអ្នកនាង សឿ សុធារ៉ា នាងបានត្រូវកូនតុងទីនបោកបន្តដែលត្រូវអោយនាងបង្ខំចិត្តលក់ទ្រព្យសងគេស្ទើរគ្មានសល់។ លោកបន្ថែមថា សូម្បីដែលផ្ទះនាងរស់នៅរាល់ថ្ងៃនេះក៏ជាផ្ទះឈ្មោះរបស់គេដែរ ដោយសារផ្ទះនេះត្រូវនាងបញ្ចាំយកលុយទៅសងធនាគារអស់ហើយ។
យ៉ាងណា បើតាមលោក សាវីន ហ្វីលីព ដោយសារឃើញការលំបាកនាពេលនេះលោកក៏បានចេញមុខប្រកាសស្វែងរកសប្បុរសជននានា ដើម្បីជួយជាថវិកាសម្រាប់នាងធ្វើបុណ្យជូនម្តាយនាពេលនេះ។លោកបញ្ជាក់ថា ក្រោយការប្រកាសរបស់លោករហូតមកទល់នាពេលនេះមានសិល្បករ និងសប្បុរសជននានាបានចូលរួមជាបន្តបន្ទាប់។
យ៉ាងណាចំពោះមុខលោក សាវីន ហ្វីលីព អ្នកនាង សឿ សុធារ៉ា បានសម្តែងក្តីរំភើបលាយឡំទឹកភ្នែកសម្តែងក្តីអរគុណដល់លោក និងសប្បុរសជននានាដែលបានជួយថវិកាដល់រូបនាងនាពេលនេះ ដែលចំនួនថវិកាដែលបានជួយនាងនោះគិតមកដល់ពេលនេះមានចំនួនប្រមាណជាង៤ពាន់ដុល្លារហើយ។
ជាការកត់សម្គាល់ អ្នកនាង សឿ សុធារ៉ា បានរស់នៅស្ពាយឈ្មោះមេម៉ាយកូន២ បន្ទាប់ពីអ្នកនាងបានសម្រេចចែកផ្លូវគ្នាជាមួយអតីតស្វាមី គឺលោក សាពូន មីដាដា។ ក្រោយការលេងលះគ្នានោះនាងបានខិតខំពុះពារចិញ្ចឹមកូន និងម្តាយចាស់ជរា ខណៈពេលដែលនាងក៏កំពុងវណ្ឌកជាមួយបំណុលតុងទីនផងដែរ។
ទោះជាយ៉ាងណា ដំណឹងអកុសលសម្រាប់មរណភាពម្តាយរបស់នាងនាពេលនេះបានធ្វើអោយមហាជន ជាពិសេសបណ្តាអ្នកគាំទ្របានសម្តែងក្តីរន្ធត់ និងចូលរួមរំលែកទុក្ខដល់រូបនាង និងបានសុំអោយនាងមានភាពរឹងមាំចំពោះរឿងរ៉ាវដែលបានកើតឡើងនាពេលនេះផងដែរ៕
ចែករំលែកព័តមាននេះ