ក្រោយព្យួរហ្គង់ឈប់វ៉ៃមួយរយៈធំ កែវ រំចង់ ប្រកាសចូលរួមប្រកួតកីឡាជាតិ
- ភ្នំពេញ
រាជធានីភ្នំពេញ ៖ កែវ រំចង់ បាននិយាយថា រូបគេនឹងចូលរួមប្រកួតកីឡាជាតិ លើកទី៣ ដែលគ្រោង
រាជធានីភ្នំពេញ ៖ កែវ រំចង់ បាននិយាយថា រូបគេនឹងចូលរួមប្រកួតកីឡាជាតិ លើកទី៣ ដែលគ្រោង
រាជធានីភ្នំពេញ ៖ កែវ រំចង់ បាននិយាយថា រូបគេនឹងចូលរួមប្រកួតកីឡាជាតិ លើកទី៣ ដែលគ្រោងធ្វើឡើងនៅថ្ងៃទី២០ ខែវិច្ឆិកា ឆ្នាំ២០២២ លើប្រភេទវិញ្ញាសា Kickboxing ក្នុងប្រភេទទម្ងន់៨១គីឡូក្រាម ។ បើស្ដាប់តាមសម្ដី កីឡាកររូបនេះហាក់មានចេតនាចង់ជាប់ជម្រើសជាតិកម្ពុជា ដើម្បីមានឱកាសបានប្រកួតក្នុងព្រឹត្តិការណ៍ស៊ីហ្គេម ឆ្នាំ២០២៣ នៅកម្ពុជា។
ព័ត៌មាន កែវ រំចង់ ងាកមកប្រឡូកវិស័យប្រដាល់វិញបានធ្វើឲ្យមហាជនហាក់មានអារម្មណ៍ភ្ញាក់ផ្អើល ព្រោះតែកីឡាកររូបនេះបានព្យួរហ្គង់ឈប់វ៉ៃមួយរយៈពេលធំមកហើយ រហូតបណ្ដោយខ្លួនឲ្យឡើងទម្ងន់ដល់ទៅជិត៩០គីឡូក្រាម ។ មានការចោទសួរថា តើការចូលរួមប្រកួតកីឡាជាតិលើកទី៣នេះ ជាការបោះជំហានដើម្បីបានជាប់ជម្រើសជាតិកម្ពុជា ឬយ៉ាងណា? សំណួរនេះត្រូវបានកែវ រំចង់ ឆ្លើយតបថា លោកគិតបែបហ្នឹងមែន ។ មួយទៀត បើសិនបានជាប់ជម្រើសជាតិ ហើយបានប្រកួតក្នុងព្រឹត្តិការណ៍ស៊ីហ្គេមឆ្នាំ២០២៣មែននោះ លោកប្ដេជ្ញាថា នឹងយកមេដាយមាសឲ្យបាន ដើម្បីជូនជាតិ។
កីឡាករដដែលបន្ថែមថា រូបលោកបានដើរច្រើនប្រទេស ហើយបានសិក្សាច្រើនពីវិញ្ញាសា Kickboxing នេះ ធ្វើឲ្យលោកយល់ច្បាស់ និងដឹងថា វាមានភាពងាយស្រួលជាងការវ៉ៃគុនខ្មែរ ។
ដោយផ្អែកលើចំណុចខាងលើនេះហើយ ទើបលោកជឿថា ប្រសិនបើលោកបានក្លាយជាកីឡាករជម្រើសជាតិប្រកួតក្នុងព្រឹត្តិការណ៍ស៊ីហ្គេម នឹងទទួលបានលទ្ធផលល្អមិនខាន ៕
ចែករំលែកព័តមាននេះ