បុរសជនជាតិចិនម្នាក់ ត្រូវបានកម្លាំងអាវុធហត្ថខណ្ឌចំការមន ឃាត់ខ្លួន រួមទាំងអាវុធខ្លីចំនួន១ដើម យកទៅធ្វើការសាកសួរ បន្ទាប់ពីបុរសរូបនោះបានធ្វើការបា.ញ់បោះសេរីអស់ជាច្រើនគ្រា.ប់បង្កឱ្យមានការភ្ញាក់ផ្អើលដល់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជនជាតិចិនម្នាក់ ត្រូវបានកម្លាំងអាវុធហត្ថខណ្ឌចំការមន ឃាត់ខ្លួន រួមទាំងអាវុធខ្លីចំនួន១ដើម យកទៅធ្វើការសាកសួរ បន្ទាប់ពីបុរសរូបនោះបានធ្វើការបាញ់បោះសេរីអស់ជាច្រើនគ្រា.ប់បង្កឱ្យមានការភ្ញាក់ផ្អើលដល់ប្រជាពលរដ្ឋ កាលពីវេលាម៉ោង១១និង២០នាទីយប់ ថ្ងៃទី២៧ ខែតុលា ឆ្នាំ២០២២ នៅជិតភោជនីយដ្ឋាន «ពិភពសាច់ញាតិអាំង១៦៨» ផ្លូវ៤៥៦ កែងផ្លូវ១០៥ ស្ថិតក្នុងសង្កាត់ទួលទំពូងទី១ ខណ្ឌចំការមន។
សេចក្តីរាយការណ៍បន្តថា បុរសជាជនជាតិចិនខាងលើនេះ សមត្ថកិច្ចមិនទាន់អោយស្គាល់អត្តសញ្ញាណនៅឡើយទេ គ្រាន់តែដឹងថា ដកហូតបានអាវុធខ្លីចំនួន១ដើម និងសំបកកន្ទុះចំនួន៦គ្រាប់តែប៉ុណ្ណោះ ។
យោងតាមប្រភពព័ត៌មានពីប្រជាពលរដ្ឋបានអោយដឹងថា មុនពេលកើតហេតុ គេបានឃើញបុរសជាជនជាតិចិនខាងលើ បានចុះពីលើរថយន្តស៊េរីទំនើបមួយគ្រឿង ហើយក៏មិនដឹងថា តើមានរឿងធ្វើនោះទេ? ក៏ស្រាប់តែដើរតាមបណ្ដោយផ្លូវ៤៥៦ ក្នុងទិសដៅពីកើតទៅលិច លុះមកដល់ចំណុចកើតហេតុ ក៏បានដកកាំភ្លើ.ងខ្លីបាញ់ឡើងទៅលើមេឃចំនួន៦គ្រា.ប់ផ្ទួនៗគ្នា ដែលធ្វើអោយបងប្អូនប្រជាពលរដ្ឋរស់នៅជិតនោះ ភ័យស្លន់ស្លោនាំគ្នារត់ពួនបាត់អស់។
ប្រភពដដែលបានបន្តទៀតថា បន្ទាប់ពីបាញ់ហើយ បុរសជាជនជាតិរូបនោះ ក៏បានយកកាំភ្លើ.ងដាក់ចូលទៅក្នុងកាបូបវិញ ហើយដើរបន្តទៅមុខបាន១០០ម៉ែត្រ ក៏ត្រូវបងប្អូនប្រជាពលរដ្ឋរាយការណ៍ជូនកម្លាំងអាវុធហត្ថខណ្ឌចំការមន ចុះទៅអន្តរាគមន៍ធ្វើការចាប់ឃាត់ខ្លួនបុរសជនជាតិចិនរូបនេះបានភ្លាមៗ រួមទាំងអាវុធខ្លីចំនួន១ដើម និងសំបកកន្ទុះចំនួន៦គ្រា.ប់ យកទៅធ្វើការសាកសួរនៅមូលដ្ឋានកងរាជអាវុធហត្ថខណ្ឌចំការមនតែម្ដងទៅ៕
ចែករំលែកព័តមាននេះ