រលាកត្រចៀករ៉ាំរ៉ៃប្រយ័ត្នមានដង្កូវ
នៅពេលត្រចៀកមានអាការរមាស់ ឬឈឺបន្តិចបន្តួច សូមកុំបណ្តោយរហូតត្រចៀកឈឺចាប់ខ្លាំង គឺត្រូវតែទៅជួបគ្រូពេទ្យឯកទេស ។
ភាគច្រើនអាការរមាស់ និងមានការឈឺចាប់នេះ គឺ
នៅពេលត្រចៀកមានអាការរមាស់ ឬឈឺបន្តិចបន្តួច សូមកុំបណ្តោយរហូតត្រចៀកឈឺចាប់ខ្លាំង គឺត្រូវតែទៅជួបគ្រូពេទ្យឯកទេស ។
ភាគច្រើនអាការរមាស់ និងមានការឈឺចាប់នេះ គឺអាចបណ្តាលមកពីជំងឺរលាកត្រចៀក ។ ជំងឺនេះបណ្តាលមកពីការឆ្លងចូលរបស់ពពួកមេរោគបាក់តេរី និងពពួកផ្សិត ។ មេរោគទាំងនេះ ចូលតាមត្រចៀកតាមរយៈការខ្វះអនាម័យ ការត្បារ ការខ្វេះ ការកាយអាចម៍ត្រចៀក ជាមួយសម្ភារដែលមានមេរោគទាំងនោះ ។
ការកើតមានជំងឺរលាកត្រចៀកលើសពី៣ខែឡើងទៅ អាចប្រឈមទៅនឹងបញ្ហាធ្ងន់មួយចំនួនដូចជា ៖
-ទុកយូរពេក អាចបណ្តាលឱ្យមេរោគស៊ីក្រដាសត្រចៀក ។
-អាចបណ្តាលឱ្យកើតមានបញ្ហាងាប់មួយចំហៀងមុខ ។
-បាត់ក្លិន ។
-វៀចមាត់ ។
-អាចកើតមានជំងឺរលាកស្រោមខួរក្បាល ដែលនាំឱ្យអ្នកជំងឺប្រកាច់ ហើយស្លាប់បាន ។
-រលាកត្រចៀកទុកយូរពេក សាច់ក្នុងត្រចៀកអាចរលួយ ធ្វើឱ្យមានក្លិនស្អុយ ថ្ងៃណាមួយបើសិនជាលោកអ្នកធ្វេសប្រហែសបណ្តាលឱ្យសត្វរុយពងដាក់ ហើយអាចកើតមានដង្កូវក្នុងត្រចៀក ដែលនេះមិនមែនជារឿងលេងសើចទេ ពោលគឺករណីធ្លាប់កើតមានរួចមកហើយ ។
ក្នុងដំណាក់កាលនេះ ត្រូវព្យាបាលដោយការវះកាត់ ។ មានតែការវះកាត់យកសាច់ រលួយៗចេញ និងប៉ះក្រដាស់ត្រចៀកឡើងវិញ ។ ដូច្នេះលោកអ្នកមិនគួរមើលរំលងជំងឺនេះទេ ពិសេសប្រយ័ត្នកើតមានដង្កូវក្នុងត្រចៀក គួរតែយកទៅព្យាបាលឱ្យបានទាន់ពេលវេលាទើបជាការប្រសើរ ។
ដូច្នេះដើម្បីការពារការកើតមានជំងឺរលាកត្រចៀក លោកអ្នកគួរតែអនុវត្តតាមវិធីបីយ៉ាងដូចខាងក្រោមនេះ ៖
១-ការពារកុំឱ្យសើម និងត្រូវជូតផ្តិតឱ្យបានស្អាត ព្រោះកាលណាត្រចៀកសើម អាចធ្វើឱ្យដុះផ្សិត ហើយរមាស់ធ្វើឱ្យលោកអ្នកទ្រាំមិនបាន រហូតដល់យករបស់មិនស្អាត ខ្វារ ឆ្កឹះ ដែលអាចធ្វើឱ្យមេរោគឆ្លងចូលនាំឱ្យកើតមានបញ្ហារលាកត្រចៀកបានយ៉ាងងាយ ។
២-ត្រូវតែសម្អាត និងអនាម័យទាំងក្រៅស្លឹកត្រចៀក និងខាងក្នុងត្រចៀក ។
៣-ជាទូទៅតាមច្បាប់ក្បួនពេទ្យអាចម៍ត្រចៀកមិនឱ្យលាងសម្អាត ខ្វេះ កាយ ត្បារនោះទេ ព្រោះវាជាលក្ខណៈធម្មជាតិ និងជាប្រព័ន្ធការពារ និងអាចចេញមកខាងក្រៅដោយខ្លួនឯងពិសេសការពារកុំឱ្យសត្វល្អិត ផ្សេងៗចូលបានថែមទៀតផង ដូច្នេះទម្លាប់ត្បារ ខ្វេះ កាយទាំងនេះគួរតែកែប្រែដោយការជូតសម្អាតវិញ ។
សូមប្រញាប់ជួបជាមួយគ្រូពេទ្យភ្លាម ប្រសិនបើអ្នកសង្កេតឃើញត្រចៀកលោកអ្នក ឬកូនលោកអ្នកមានបញ្ហាមួយចំនួនដូចជា ស្តាប់មិនសូវច្បាស់ អាចម៍ត្រចៀកមានលក្ខណៈរឹង ឈឺក្នុងត្រចៀក រមាស់ត្រចៀកខ្លាំង មានទឹករងៃហូរ មានខ្ទុះ មានឈាម មានក្លិនស្អុយ និងលាយឡំជាមួយនឹងសញ្ញាក្តៅខ្លួន ៕
ចែករំលែកព័តមាននេះ