ផឹកស៊ីមធ្យម ងំដៀមដាមថា «ឆ្កែ» លុះបុរសរងគ្រោះចេញមកមើលកា.ប់ជាច្រើនកាំបិ.ត
- ភ្នំពេញ
បុរសម្នាក់ស្រវឹងស្រាខឹងរឿងជម្លោះចាស់ រួចជេរថា «ឆ្កែ» ដៀមដាមជាច្រើនដង ខណៈពេលដើរចេញពីបន្ទប់ក៏យកកាំបិ.ត
បុរសម្នាក់ស្រវឹងស្រាខឹងរឿងជម្លោះចាស់ រួចជេរថា «ឆ្កែ» ដៀមដាមជាច្រើនដង ខណៈពេលដើរចេញពីបន្ទប់ក៏យកកាំបិ.ត
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ស្រវឹងស្រាខឹងរឿងជម្លោះចាស់ ក៏ជេរដៀមដាមជនរងគ្រោះដោយប្រើពាក្យថា «ឆ្កែ» ជាច្រើនដង លុះជនរងគ្រោះដើរចេញពីបន្ទប់មកមើល ក៏ស្រាប់តែជនបង្កយកកាំបិ.តកា.ប់ទៅលើជនរងគ្រោះចំនួន៤កាំបិ.ត ត្រូវចំកញ្ចឹង.កមួយកាំបិ.ត បណ្តាលឱ្យរងរបួសយ៉ាងធ្ងន់ធ្ងរដេរជាង១០ថ្នេរ បង្កអោយមានការភ្ញាក់ផ្អើលកាលពីវេលាម៉ោង៨យប់ ថ្ងៃទី២៥ ខែតុលា ឆ្នាំ២០២២ នៅខាងក្រោយផ្សារអូដឹម ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ផុន ភូ ភេទប្រុស អាយុ៣០ឆ្នាំ មុខរបរកម្មករសំណង់ ស្នាក់នៅបន្ទប់ជួលក្នុងភូមិកើតហេតុខាងលើ និងមានស្រុកកំណើតនៅស្រុកបាភ្នំ ខេត្តព្រៃវែង មានប្រពន្ធឈ្មោះ ទូច រាប អាយុ២៩ឆ្នាំ មុខរបរកម្មកររោងចក្រ មានស្រុកកំណើតនៅស្រុកស្នួល ខេត្តក្រចេះ។ ចំណែកជនបង្កវិញមិនបានស្គាល់ឈ្មោះទេ។
បើប្រភពព័ត៌មានពីជនរងគ្រោះបាននិយាយថា នៅមុនពេលកើតហេតុ គាត់ត្រឡប់មកពីធ្វើការវិញ មិត្តភក្តិរបស់គាត់ម្នាក់បាននាំគាត់ទៅផឹកស្រាបៀរមួយកំប៉ុង ដោយសារស្រាមានតែពីរកំប៉ុង ដូច្នេះមិត្តភក្តិរបស់គាត់ហូបមួយកំប៉ុង ហើយគាត់ហូបមួយកំប៉ុង។ នៅពេលគាត់កំពុងតែហូបស្រាបៀរនោះ ក៏ស្រាប់តែឮសូរសំឡេងជនបង្កបានស្រែកជេរដៀមដាមដាក់រូបគាត់នៅបន្ទប់ជួលជិតគ្នា ពេលនោះគាត់ចេញពីបន្ទប់ភ្លាម ស្រាប់តែជនបង្កយកកាំបិ.តប៉័ងរត់ទៅកា.ប់គាត់ភ្លាមៗ ខណៈរូបគាត់មិនមានអីតដៃនោះទេ គឺជនបង្កបានកា.ប់ទៅលើរូបគាត់ចំនួន៣កាំបិ.តតែខុស ហើយកា.ប់មួយកាំបិ.តទៀតចំកញ្ចឹង.កផ្នែកខាងក្រោយ បណ្តាលឲ្យរយះរងរបួសធ្ងន់ដេរជាង១០ថ្នេរតែម្តង។
ប្រភពព័ត៌មានបានបន្តទៀតថា បន្ទាប់ពីកា.ប់ជនរងគ្រោះរងរបួសធ្ងន់ហើយ ជនបង្កក៏បានចូលទៅក្នុងបន្ទប់ជួលរបស់ខ្លួនវិញ ហើយដេកចាក់សោពីខាងក្នុងធ្វើដូចអត់មានរឿងអីកើត ឡើង ចំណែកជនរងគ្រោះក៏ត្រូវបានក្រុមគ្រួសារ និងបងប្អូនអ្នកជិតខាងដឹកយកទៅសង្គ្រោះបន្ទាន់នៅគ្លីនិកឯកជន។
ក្រោយពេលកើតហេតុ បងប្អូនប្រជាពលរដ្ឋនៅជិតទីតាំងកន្លែងកើតហេតុ ខ្លាចជនបង្ករត់បាត់ក៏បាននាំគ្នាយកសោមួយទៀតមកចាក់ពីខាងក្រៅ រួចប្ដឹងសមត្ថកិច្ចឲ្យជួយអន្តរាគមន៍តែម្តង។ ខណៈពេលកម្លាំងនគរបាលប៉ុស្តិ៍ រួមនឹងប្រជាការពារភូមិ បានទៅដល់ទីតាំងកន្លែងកើតហេតុ ក៏បានវា.យកម្ទេចសោ និងស្រែកឲ្យជនបង្កបើកទ្វារ តែជនបង្កមិនព្រមបើកទ្វារនោះទេ បន្ទាប់មកខាងសមត្ថកិច្ចនគរបាលប៉ុស្តិ៍ ក៏បាននាំគ្នាធាក់ទ្វារជាច្រើនជើង នៅតែមិនព្រមបើកទៀត។ ពេលនោះកុំតែបានប្រពន្ធរបស់ជនបង្ក អង្វរឲ្យប្តីរបស់ខ្លួនបើកទ្វារ ទើបព្រមបើកទ្វារ ហើយក៏ត្រូវនគរបាលប៉ុស្តិ៍ឃាត់ខ្លួនជនបង្កយកទៅសួរនាំនៅប៉ុស្តិ៍នគរបាលសង្កាត់ចោមចៅទី៣តែម្តង។
ក្រោយពេលឃើញឃាត់ខ្លួន ជនបង្កបានសារភាពប្រាប់សមត្ថកិច្ចឱ្យតដឹងថា មុនកើតហេតុ ដោយសារតែជនរងគ្រោះយកស្នួលហាលខោអាវមកវា.យគាត់មុន ទើបគាត់យកកាំបិ.តបុ័ងតោកា.ប់ទៅលើជនរងគ្រោះបែបនេះតែម្តង ។
តែបើតាមប្រភពព័ត៌មានពីបងប្អូនប្រជាពលរដ្ឋនៅទីតាំងកន្លែងផ្ទះជួលខាងលើវិញ បានបញ្ជាក់ឱ្យដឹងថា មុនកើតហេតុ នៅពេលថ្ងៃ គេឃើញជនបង្កផឹកស៊ីជាមួយមិត្តភក្តិមួយក្រុមនៅជិតទីតាំងកន្លែងកើតហេតុជាច្រើនម៉ោងមកហើយក្នុងសភាពស្រវឹងស្រា លុះរហូតដល់ម៉ោងកើតហេតុ ក៏ឃើញជនរងគ្រោះអង្គុយផឹកស៊ីជាមួយមិត្តភក្តិម្នាក់ទៀត បន្ទាប់មកជនបង្កដែលធ្លាប់មានជម្លោះជាមួយជនរងគ្រោះកន្លងមកផងនោះ ក៏បានជេរដៀមដាមជនរងគ្រោះដោយប្រើពាក្យថា «ឆ្កែ» ទើបជនរងគ្រោះដើរចេញមកមើល ក៏ត្រូវជនបង្កយកកាំបិ.តបុ័ងតោកា.ប់ទៅលើជនរងគ្រោះរងរបួសតែម្តង។
ប្រជាពលរដ្ឋនៅទីតាំងកន្លែងកើតហេតុបានបញ្ជាក់ទៀតថា ជនបង្កខាងលើ ធ្លាប់ផឹកស៊ីស្រវឹង រួចដេញកា.ប់បងប្អូនម្ចាស់ផ្ទះម្ដងរួចមកហើយតែមិនបានចំរេច ។
ក្រោយពេលកើតហេតុ សមត្ថកិច្ចនគរបាលប៉ុស្តិ៍បានកសាងសំណុំរឿងបញ្ជូនទៅផ្នែកជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធីបន្ត៕
ចែករំលែកព័តមាននេះ