អុកចត្រង្គកម្ពុជា នឹងមានវត្តមាន ក្នុងស៊ីហ្គេមឆ្នាំ២០២៣
- ភ្នំពេញ
រាជធានីភ្នំពេញ ៖ ស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ កីឡាអុកចត្រង្គកម្ពុជានឹងបង្ហាញ
រាជធានីភ្នំពេញ ៖ ស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ កីឡាអុកចត្រង្គកម្ពុជានឹងបង្ហាញ
រាជធានីភ្នំពេញ ៖ ស៊ីហ្គេមឆ្នាំ២០២៣ដែលកម្ពុជាធ្វើជាម្ចាស់ផ្ទះ កីឡាអុកចត្រង្គកម្ពុជានឹងបង្ហាញខ្លួនជាលើកដំបូងក្នុងព្រឹត្តិការណ៍កីឡាថ្នាក់តំបន់នេះ ។ អុកចត្រង្គដែលជាកីឡាប្រពៃណីមួយរបស់កម្ពុជានឹងបង្ហាញខ្លួនលើកដំបូងក្នុងព្រឹត្តិការណ៍កីឡាស៊ីហ្គេមនៅក្នុងចំណោមប្រភេទកីឡាអុកដែលត្រូវបានបែងចែកជាពីរគឺអុកចត្រង្គ និងអុកចិន(Xiangqi)។ ស្របពេលជាមួយគ្នាសហព័ន្ធកីឡាអុកចត្រង្គកម្ពុជាកំពុងជ្រើសរើសកីឡាករ-កីឡាការិនីជម្រើសជាតិចំនួន១១នាក់ ដើម្បីត្រៀមប្រកួតលើ៦វិញ្ញាសា ស្មើនឹងការប្រជែងមេដាយមាសចំនួន៦គ្រឿងក្នុងព្រឹត្តិការណ៍ជាប្រវត្តិសាស្ត្រលើទឹកដីកម្ពុជា។
បើតាមការបញ្ជាក់ពី លោក ប៊ិន គាសេង ជើងឯករងស្តេចអុកអង្គរសង្ក្រាន្ត ឆ្នាំ២០១៧ និងជាអគ្គលេខាធិការរងសហព័ន្ធកីឡាអុកចត្រង្គកម្ពុជាទទួលបន្ទុកការងារបច្ចេកទេសបានឲ្យដឹងថា ការជ្រើសរើសកីឡាករកីឡាការិនីសម្រាប់ស៊ីហ្គេមឆ្នាំ២០២៣ខាងមុខនេះ គឺជារឿងសំខាន់របស់សហព័ន្ធកីឡាអុក ហើយត្រូវធ្វើឡើងដោយសម្រិតសម្រាំងតាមវិធីសាស្ត្រច្រើនដំណាក់កាល។
ដោយសារវិញ្ញាសាប្រភេទកីឡាអុក យើងមាន ៦វិញ្ញាសា ហើយត្រូវប្រើកីឡាករ-កីឡាការិនី១១
នាក់ ប៉ុន្តែដោយមានគោលការណ៍ កីឡាករម្នាក់អាចលេងបាន២វិញ្ញាសា អ៊ីចឹងយើងសម្រេចចិត្តជ្រើសរើសកីឡាករផ្នែកបុរស៩នាក់ និងកីឡាការិនី ២នាក់ ដើម្បីចូលរួមប្រកួតស៊ីហ្គេម ឆ្នាំ២០២៣។
បច្ចុប្បន្ន កីឡាករចំនួន ៨រូប ត្រូវបានជ្រើសរើសរួចរាល់ហើយនៅតែកីឡាករម្នាក់ទៀត ដែលត្រូវប្រកួតជម្រុះក្នុងចំណោមកីឡាករ៤នាក់(ជាជើងខ្លាំងលេខ៣ក្នុងពូល)ចំពោះកីឡាការិនីនឹងត្រៀមធ្វើការប្រកួតជម្រុះក្នុងពេលឆាប់ៗនេះផងដែរ។
ពេលនេះមានប្រទេសចំនួន៤ហើយបានបញ្ជាក់ជាផ្លូវការអំពីការចូលរួមប្រកួតក្នុងនោះរួមមានម្ចាស់ផ្ទះកម្ពុជា, ថៃ, មីយ៉ាន់ម៉ា និងវៀតណាមស្របពេលប្រទេសផ្សេងៗដទៃទៀត មិនទាន់មាន
ការបញ្ជាក់នៅឡើយទេ។
អតីតជើងឯករងស្តេចអុកអង្គរសង្ក្រាន្តឆ្នាំ២០១៧រូបនេះបានបន្តថា នៅក្នុងតំបន់អាស៊ីអាគ្នេយ៍ វប្បធម៌លេងអុកគឺស្រដៀងៗគ្នា ។ ថៃក៏លេងអុកដូចគ្នាជាមួយយើងដែរ គ្រាន់តែខុសលក្ខខណ្ឌតិចតួច ។ វៀតណាម ផ្នែកខាងក្រោមក៏មានលេងអុកដូចជាមួយយើង រីឯនៅភូមា (មីយ៉ាន់ម៉ា) ក៏គេលេងអុកភូមា ប៉ុន្តែប្រភេទដូចៗគ្នា គ្រាន់តែខុសគ្នាបន្តិចបន្តួច ហេតុនេះអាចលេងចូលគ្នាបាន ។ សម្រាប់ប្រទេសផ្សេងៗដូចជាសិង្ហបុរី ម៉ាឡេស៊ី ឥណ្ឌូណេស៊ី ហ្វីលីពីន ភាគច្រើនគាត់លេងអុកអន្តរជាតិ និងលេងអុកកូនកាត់អាស៊ីអាគ្នេយ៍ ។ អ៊ីចឹង ប្រទេសខ្លះគេអត់ទាន់យល់ច្បាស់ដែរ។
ក្នុងនាមជាម្ចាស់លើប្រភេទកីឡាអុកចត្រង្គអគ្គលេខាធិការរងរូបនេះបានមើលឃើញថា ៤ប្រទេសខាងលើ សុទ្ធតែមានវប្បធម៌ និងក្បួនខ្នាតនៃការលេងអុកប្រហាក់ប្រហែលគ្នា ។ យ៉ាងណាក៏ដោយ សហព័ន្ធបានដាក់ក្ដីរំពឹងឈ្នះមេដាយមាស យ៉ាងតិច ៣គ្រឿង ក្នុងចំណោម ៦មេដាយមាស។
នៅក្នុងប្រភេទកីឡាអុកចត្រង្គនេះមានមេដាយដល់ទៅ៦មេដាយមាស ហើយសមត្ថភាពកីឡាករកម្ពុជាយើង បច្ចេកទេស ទេពកោសល្យលេង ភាពប៉ិនប្រសប់ជាដើម គឺមិនចាញ់ប្រទេសជិតខាងនោះទេ ។ ថៃ ក៏ខ្លាំងផងដែរ ដោយសាររបៀបលេងអុករបស់គេ គឺស្រដៀងយើងខុសលក្ខខណ្ឌបន្តិចបន្តួចប៉ុណ្ណោះ ។ សហព័ន្ធបានប្តេជ្ញាចិត្តជំរុញកីឡាករកីឡាការិនីហ្វឹកហាត់ក្នុងកម្រិតមួយ
ដ៏ខ្ពស់ដើម្បីបង្កើនគុណភាពដោយសង្ឃឹមថា នឹងទទួលបានមេដាយមាសយ៉ាងតិច៣គ្រឿង៕
ចែករំលែកព័តមាននេះ