រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះ ឃើញដេកស្លា.ប់នៅមាត់ត្រពាំងឈូកនៅក្នុងភូមិឃ្មួញ សង្កាត់ឃ្មួញ ខណ្ឌសែនសុខ ដោយមានអាគុយ និងអាំងវទ័រនៅក្បែរខ្លួន ដែលសមត្ថកិច្ចមាន
រាជធានីភ្នំពេញ ៖ បុរសម្នាក់ត្រូវបានប្រជាពលរដ្ឋប្រទះ ឃើញដេកស្លាប់នៅមាត់ត្រពាំងឈូកនៅក្នុងភូមិឃ្មួញ សង្កាត់ឃ្មួញ ខណ្ឌសែនសុខ ដោយមានអាគុយ និងអាំងវទ័រនៅក្បែរខ្លួន ដែលសមត្ថកិច្ចមានការសង្ស័យ បុរសនោះដើរឆក់ត្រីក៏ឆក់ខ្លួនឯងស្លាប់។
ហេតុការណ៍នេះ បង្កឱ្យមានការភ្ញាក់ផ្អើកាលពីម៉ោង០៦និង៣០នាទីព្រឹក ថ្ងៃទី៣១ មីនា ឆ្នាំ២០១៧ ខណៈពេលដែលអ្នកភូមិទៅរកបេះត្រកួនក៏ប្រទះឃើញសព។
សពបុរសនោះត្រូវបានគេស្គាល់ឈ្មោះ ជា ចាន់ធឿន អាយុ៣២ឆ្នាំ មុខរបរកម្មករសំណង់បុរីហ្គ្រេនភ្នំពេញ ស្នាក់នៅភូមិឃ្មួញ សង្កាត់ឃ្មួញ ខណ្ឌសែនសុខ និងមានស្រុកកំណើតភូមិវាលស្បូវ ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង។
តាមនគរបាលមូលដ្ឋានបានឱ្យដឹងថា នៅព្រឹកថ្ងៃកើតហេតុ មានប្រជាពលរដ្ឋដែលដាំត្រកួនម្នាក់បានធ្វើដំណើរទៅមើល និងបេះត្រកួនក៏បានប្រទះឃើញសពបុរសម្នាក់នោះដេកស្លាប់ និងបានមករាយការណ៍ប្រាប់នគរបាលតែម្តង ។
តាមព័ត៌មានពីក្រុមគ្រួសារបានឱ្យដឹងថា បុរសជាកម្មកររូបនោះបានបាត់ខ្លួន តាំងពី ល្ងាចថ្ងៃទី២៩ មីនា ខណៈពេលដែលចេញមកឆក់ត្រី ។ លុះរំលងបាន២ថ្ងៃក៏ត្រូវបានគេប្រទះឃើញដេកស្លាប់ ។ បន្ទាប់ពីភ្ញាក់ផ្អើលនគរបាលជំនាញបានចុះទៅត្រួតពិនិត្យសព ដោយសពមានស្នាមឆក់ដៃ ដូច្នេះសមត្ថកិច្ចសន្និដ្ឋានថា បុរសរូបនេះត្រូវចរន្តភ្លើងដែលឆ្លងតាមឧបករណ៍ឆក់ត្រីឆក់ខ្លួនឯងស្លាប់។ សពត្រូវសមត្តថកិច្ចប្រគល់ឱ្យក្រុមគ្រួសារនាំទៅធ្វើបុណ្យតាមប្រពៃណី៕
ចែករំលែកព័តមាននេះ