រាជធានីភ្នំពេញ ៖ អស់រយៈពេល២ថ្ងៃ ចាប់ពីថ្ងៃទី២៩ និង៣០ មីនា ស្ថិតនៅទីអារាមវត្តនាគវ័ន រាជធានីភ្នំពេញ ព្រះគ្រូនី សុវណ្ណមុនីរ៉េត បានប្រារព្ធពិធីបុណ្យស្រោចស្រព ព្រះសុគន្ធវារី ដែលចូលរួមសុទ្ធតែបណ្តាពុទ្ធបរិស័ទ និងមន្ត្រីរាជការ រហូតដល់ថ្នាក់អ្នក
រាជធានីភ្នំពេញ ៖ អស់រយៈពេល២ថ្ងៃ ចាប់ពីថ្ងៃទី២៩ និង៣០ មីនា ស្ថិតនៅទីអារាមវត្តនាគវ័ន រាជធានីភ្នំពេញ ព្រះគ្រូនី សុវណ្ណមុនីរ៉េត បានប្រារព្ធពិធីបុណ្យស្រោចស្រព ព្រះសុគន្ធវារី ដែលចូលរួមសុទ្ធតែបណ្តាពុទ្ធបរិស័ទ និងមន្ត្រីរាជការ រហូតដល់ថ្នាក់អ្នកដឹកនាំការងារប្រទេសជាតិមួយចំនួន បានបញ្ជើញចូលរួមពិធីបុណ្យមួយនេះ កាន់តែផុសឡើង ក្នុងភាពស្និទ្ធស្នាល សប្បាយ ទាំងអស់គ្នាផងដែរ ។
ព្រះគ្រូនាគ សត្ថាសុខមោននី សុវណ្ណមុនីរ៉េត កាលពីពេលកន្លងទៅ ព្រះអង្គត្រូវបានទទួលនូវព្រះគោរម្យងារថ្មី ព្រះធម្មវិជ្ជានី សុវណ្ណមុនីរ៉េត ព្រះរាជាគណៈថ្នាក់កិត្តិយស ក្រោមព្រះរាជាធិបតីភាព និងអធិបតីភាពដ៏ខ្ពង់ខ្ពស់ពីសំណាក់សម្តេចព្រះសុមេធាធីបតីឧទ្ទេសបណ្ឌិតនន្ទ ង៉ែត សម្តេចព្រះសង្ឃនាយកនៃព្រះរាជាណាចក្រកម្ពុជា សម្តេចព្រះពោធិវង្សកិត្តិបណ្ឌិតអំ លឹមហេង ព្រះសង្ឃនាយករងទី២នៃព្រះរាជាណាចក្រកម្ពុជា សម្តេចព្រះមហាអរិយវង្សបណ្ឌិតសៅ ចន្ទថុល្ល អនុប្រធានទី៣ ថេរសភាពព្រះពុទ្ធ សាសនានៃកម្ពុជា លោកជំទាវម៉ែន សំអន ឧបនាយករដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ច។
អ្នកផ្តើមបុណ្យ គឺលោកជំទាវឧបនាយករដ្ឋមន្ត្រីម៉ែន សំអន ព្រមទាំងបុត្រ លោកជំទាវ លោកជំទាវឧកញ៉ាសៀង ចាន់ហេងព្រមទាំងបុត្រ លោកជំទាវឧកញ៉ាស៊ុយ សុផាន ព្រមទាំងបុត្រ លោកជំទាវអ៊ឹង ស៊ីស្រ៊ន ព្រមទាំងបុត្រឯកឧត្តមហង្ស វិចិត្រ និងលោកជំទាវ ព្រមទាំងបុត្រ ។
ចែករំលែកព័តមាននេះ