ខេត្តត្បូងឃ្មុំ ៖ ទីតាំងបញ្ជល់មាន់២កន្លែងជ្រកក្រោមស្លាកកាស៊ីណូ ដែលត្រូវបានគេបង្កើតឡើងនៅកៀកវិទ្យាល័យសម្តេចហេង សំរិន អន្លង់ជ្រៃ ក្នុងភូមិអន្លង់ជ្រៃ ឃុំកក់ ស្រុកពញាក្រែក គេតែងតែឃើញ
ខេត្តត្បូងឃ្មុំ ៖ ទីតាំងបញ្ជល់មាន់២កន្លែងជ្រកក្រោមស្លាកកាស៊ីណូ ដែលត្រូវបានគេបង្កើតឡើងនៅកៀកវិទ្យាល័យសម្តេចហេង សំរិន អន្លង់ជ្រៃ ក្នុងភូមិអន្លង់ជ្រៃ ឃុំកក់ ស្រុកពញាក្រែក គេតែងតែឃើញមានខ្មែរនាំគ្នាចូលលេងយ៉ាងគគ្រឹតគគ្រេងតែម្តង។ ជាមួយគ្នានោះក៏ជាក្តីកង្វល់ដ៏ធំធេងដែលបង្កផលប៉ះពាល់ដល់សិស្សសាលា ស្រួលមិនស្រួលអាចគេចសាលារៀននាំគ្នាចូលមកលេងល្បែងផងដែរ។
លោក តា ម៉ៅ អាយុ៧២ឆ្នាំ ប្រជាពលរដ្ឋរស់នៅក្នុងស្រុកពញាក្រែក មានប្រសាសន៍ឲ្យដឹងនៅព្រឹកថ្ងៃទី៣១ មីនា ២០១៧ ថា សម្រាប់ចិត្តរបស់គាត់ គឺមិនចូលចិត្តទេ ល្បែងស៊ីសង ព្រោះនាំឲ្យខាតបង់ពលកម្ម និងពេលវេលាដែលត្រូវបានចាត់ទុកមាសប្រាក់ ។ ដើម្បីទប់ស្កាត់មិនឲ្យពលរដ្ឋខ្មែរចូលលេង មានសន្តិសុខដែលយាមប្រចាំការទីនោះ ត្រូវហាមឃាត់ខ្មែរមិនឲ្យចូលលេងទៅជាការស្រេច ។ បើអ្នកលេងល្បែងចាញ់ហើយនោះ គេនឹងប្រព្រឹត្តិនូវទង្វើផ្សេងៗដូចជា អំពើលួច ប្លន់ ធ្វើយ៉ាងណាឲ្យតែបាន
លុយមកលេងល្បែង ហើយមិនតែប៉ុណ្ណោះបានបង្កឲ្យមានអំពើហិង្សាក្នុងគ្រួសារថែមទៀត ។
លោក ឃុត ឃីម នាយករងវិទ្យាល័យសម្តេចហេង សំរិន អន្លង់ជ្រៃ មានប្រសាសន៍ឲ្យដឹងថា ដំបូងឡើងមានកាស៊ីណូចក្រវាឡជាយដែន ដែលបានកើតមុនគេ និងកំពុងតែដំណើរលេងរហូតមកដល់សព្វថ្ងៃ ។ ហើយចុងក្រោយមានកាស៊ីណូ ឃីងរូស្ទ័រ ដែលទើបនឹងត្រូវបានបង្កើតឡើង ដោយបានឃើញប្រជាពលរដ្ឋមកពីទីឆ្ងាយៗសុទ្ធសឹងតែមានរថយន្តទំនើបៗមកចូលលេងល្បែងបញ្ជល់មាន់ ដែលគេលេងចាប់ផ្តើមនៅម៉ោង១២ថ្ងៃត្រង់ដល់ពេលល្ងាច ។
សំណូមពរដល់អាជ្ញាធរគួរតែឲ្យកាស៊ីណូទៅនៅទីតាំងឆ្ងាយពីសាលារៀន៕
ចែករំលែកព័តមាននេះ