ខេត្តសៀមរាប ៖ គិតមកទល់ចុងខែមីនា ឆ្នាំ២០១៧នេះ សំណុំរឿងឧក្រិដ្ឋកាប់រំលំដើមគ្រញូងយក្សដ៏ចម្រោងចម្រាសនៅមាត់កស្សិណ នៃអតីតរាជធានីអង្គរធំនៅបន្តស្ថិតនៅក្នុងដំណើរការស៊ើបអង្កេតនៅឡើយ ខណៈ
ខេត្តសៀមរាប ៖ គិតមកទល់ចុងខែមីនា ឆ្នាំ២០១៧នេះ សំណុំរឿងឧក្រិដ្ឋកាប់រំលំដើមគ្រញូងយក្សដ៏ចម្រោងចម្រាសនៅមាត់កស្សិណ នៃអតីតរាជធានីអង្គរធំនៅបន្តស្ថិតនៅក្នុងដំណើរការស៊ើបអង្កេតនៅឡើយ ខណៈជនត្រូវចោទចំនួន៥រូប ដែលសុទ្ធសឹងជាមន្ត្រីអាជ្ញាធរអប្សរា កំពុងបន្តឃុំខ្លួនជាបណ្តោះអាសន្នក្នុងពន្ធនាគារ អស់រយៈកាលជិត៥ខែមកហើយ។
លោក ឈ លីថៃ មេធាវីការពារក្តីឲ្យជនត្រូវចោទ២រូបក្នុងចំណោម៥រូប គឺលោក ឈរ ថាណាត អគ្គនាយករងទទួលបន្ទុកព្រៃឈើនៃអាជ្ញាធរអប្សារា និងលោក ចេវ ផល ប្រធានការិយាល័យគ្រប់គ្រងព្រៃឈើនៃអាជ្ញាធរអប្សរា បានថ្លែងឲ្យដឹងនៅព្រឹកថ្ងៃអង្គារ៍ ទី២៨ នេះថា រហូតមកទល់ពេលនេះលោកមិនទាន់បានទទួលលិខិតជូនដំណឹងពីតុលាការឲ្យចូលរួមសវនាការក្នុងសំណុំរឿងកាប់ដើមគ្រញូងខាងលើនៅឡើយទេ។
លោកបានអះអាងថា គិតមកត្រឹមថ្ងៃនេះ (ទី២៨ មីនា) សំណុំរឿងហ្នឹងបានអូសបន្លាយពេលជាង៤ខែ មកហើយ ប៉ុន្តែលោករំពឹងថា សវនាការជំនំជំរះរឿងក្តីហ្នឹងអាចនឹងត្រូវធ្វើឡើងនៅពេលឆាប់ៗខាងមុខ នេះបើយោងតាមនីតិវិធីនៃដំណើរការស៊ើបអង្កេតដំបូង អាចធ្វើឡើងមិនឲ្យលើសពីរយៈពេល៦ខែនោះឡើយ ចំពោះសំណុំរឿងព្រហ្មទណ្ឌ។
គួរបញ្ជាក់ថា សំណុំរឿងឧក្រិដ្ឋព្រៃឈើខាងលើ មានជនត្រូវចោទសរុបទាំងអស់ចំនួន៥នាក់ ក្នុងនោះរួមមាន ១-ឈ្មោះ ឈរ ថាណាត អគ្គនាយករងទទួលបន្ទុកព្រៃឈើនៃអាជ្ញាធរអប្សរា ២-ឈ្មោះ ចេវ ផល ប្រធានការិយាល័យគ្រប់គ្រងព្រៃឈើនៃអាជ្ញាធរអប្សរា ៣-ឈ្មោះ ទូច តេត្រា ជាមន្ត្រីកាន់ឃ្លាំង ៤-ឈ្មោះ ខាន ង៉ិក និង៥-ឈ្មោះ ឡឹ ជាតិ អ្នកទាំងពីរជាកម្មករ។ នេះបើតាមការបញ្ជាក់ប្រាប់របស់លោក ម៉ែន វុទ្ធី មន្ត្រីខណ្ឌរដ្ឋបាលព្រៃឈើសៀមរាបកាលពីពេលកន្លងទៅ។
ព័ត៌មានបន្ថែមនឹងផ្សាយជូននៅលើកាសែតកោះសន្តិភាព ។
ចែករំលែកព័តមាននេះ