រាជធានីភ្នំពេញ ៖ ទូរគមនាគមន៍កម្ពុជា បើកកិច្ចប្រជុំបូកសរុបលទ្ធផលការងារឆ្នាំ២០១៦ និងទិសដៅឆ្នាំ២០១៧ ដើម្បីត្រួតពិនិត្យ និងវាយតម្លៃ និងបង្ហាញឱ្យឃើញនូវការខិតខំរបស់ទូរគមនាគមន៍កម្ពុជា។ ពិធីនេះ
រាជធានីភ្នំពេញ ៖ ទូរគមនាគមន៍កម្ពុជា បើកកិច្ចប្រជុំបូកសរុបលទ្ធផលការងារឆ្នាំ២០១៦ និងទិសដៅឆ្នាំ២០១៧ ដើម្បីត្រួតពិនិត្យ និងវាយតម្លៃ និងបង្ហាញឱ្យឃើញនូវការខិតខំរបស់ទូរគមនាគមន៍កម្ពុជា។ ពិធីនេះប្រារព្ធធ្វើឡើងកាលពីថ្ងៃទី៣១ មីនា ដោយមានការអញ្ចើញចូលរួមជាកិត្តិយសពីលោក ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍។
លោក ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍មានប្រសាសន៍ថា កិច្ចប្រជុំថ្ងៃនេះរៀបចំឡើងក្នុងគោលបំណងអបអរសាទរ និងផ្សព្វផ្សាយឱ្យកាន់តែទូលំទូលាយអំពីលទ្ធផលដែលទូរគមនាគមន៍កម្ពុជាសម្រេចបានក្នុងឆ្នាំ២០១៦កន្លងមក លើសពីនេះ គឺជាឱកាសសម្រាប់ទាំងអស់គ្នាពិនិត្យ វិភាគ វាយតម្លៃឱ្យស៊ីជម្រៅ និងបង្ហាញឱ្យឃើញនូវការពិនិត្យនៃការខិតខំប្រឹងប្រែងរបស់និយោជិកទាំងអស់គ្នា ក៏ដូចជាបញ្ហាប្រឈម និងកាលុវត្តភាព ដើម្បីដាក់ចេញនូវទស្សនៈវិស័យ និងវិធានការណ៍ឱ្យបានសមស្រប សម្រាប់អនុវត្តនៅឆ្នាំ២០១៧ និងបណ្តាឆ្នាំខាងមុខក្នុងការឈានទៅសម្រេចឱ្យបានជោគជ័យថ្មីៗបន្ថែមទៀត ។
លោករដ្ឋមន្ត្រីបន្តថា ទូរគមនាគមន៍កម្ពុជា ត្រូវបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញា ស្មារតី និងមានការជួយជ្រោមជ្រែងពីក្រសួង អាណាព្យាបាល និងផ្នែកពាក់ព័ន្ធ ដើម្បីជម្នះនូវរាល់ឧបសគ្គ និងបញ្ហាប្រឈមនានាជាច្រើន ទើបទទួលបានលទ្ធផលល្អដូចថ្ងៃនេះ។ ការសម្រេចបាននូវគោលដៅ និងចក្ខុវិស័យស៊ីជម្រៅ គឺពិតជាបានមកពីការគាំទ្ររបស់រាជរដ្ឋាភិបាល ក្នុងការដាក់ចេញនូវគោលនយោបាយ និងយុទ្ធសាស្ត្រដ៏ត្រឹមត្រូវក្នុងការជំរុញកំណើនសេដ្ឋកិច្ច កាត់បន្ថយភាពក្រីក្រ និងការចូលរួមចំណែករបស់ដៃគូអភិវឌ្ឍវិស័យឯកជន និងភាគីពាក់ព័ន្ធនានា។
លោករដ្ឋមន្ត្រីបន្ថែមថា «ក្នុងនាមជាក្រសួងប្រៃសណីយ៍ និងទូរគមនាគមន៍ ខ្ញុំសូមថ្លែងអំណរគុណយ៉ាងជ្រាលជ្រៅចំពោះរាជរដ្ឋាភិបាលកម្ពុជា និងគ្រប់ផ្នែកពាក់ព័ន្ធទាំងអស់ដែលបានជួយឧបត្ថម្ភគាំទ្រ និងចូលរួមវិភាគទានដ៏ថ្លៃថ្លាក្នុងការលើកកម្ពស់ និងអភិវឌ្ឍន៍វិស័យទូរគមនាគមន៍ ក៏ដូចជាចូលរួមយ៉ាងសកម្មក្នុងការទប់ស្កាត់បទល្មើសផ្សេងៗដែលបានកើតឡើងដោយទទួលបានលទ្ធផលល្អប្រសើរកន្លងមក»៕
ចែករំលែកព័តមាននេះ