ខេត្តប៉ៃលិន ៖ នគរបាលបានចាប់ខ្លួន បុរសម្នាក់ ខណៈផឹកស្រាស្រវឹងប៉ងចាប់រំលោភស្ត្រីចំណាស់ម្នាក់នៅក្នុងផ្ទះ តែស្ត្រីចំណាស់រូបនេះដឹងខ្លួនក៏រត់គេច និងស្រែកឱ្យអ្នកជិតខាងជួយទាន់ពេលវេលា លុះក្រោយមកទើបដាក់ពាក្យបណ្តឹងទៅនគរបាល ។
ខេត្តប៉ៃលិន ៖ នគរបាលបានចាប់ខ្លួនបុរសម្នាក់ ខណៈផឹកស្រាស្រវឹងប៉ងចាប់រំលោភស្ត្រីចំណាស់ម្នាក់នៅក្នុងផ្ទះ តែស្ត្រីចំណាស់រូបនេះដឹងខ្លួនក៏រត់គេច និងស្រែកឱ្យអ្នកជិតខាងជួយទាន់ពេលវេលា លុះក្រោយមកទើបដាក់ពាក្យបណ្តឹងទៅនគរបាល ។
ករណីផឹកស្រាស្រវឹងហើយប៉ងរំលោភសេពសន្ថវៈនេះ បានកើតឡើងកាលពីវេលាម៉ោង៤ និង៤៦នាទីល្ងាចថ្ងៃទី២៧ ខែមីនា នៅឃុំស្ទឹងត្រង់ ស្រុកសាលាក្រៅ ។ ប្រភពព័ត៌មានបានឱ្យដឹងថា ជនជាប់ចោទឈ្មោះ ស សាន្ត អាយុ៣៦ឆ្នាំ ជាកសិករ ចំណែកស្ត្រីចំណាស់ដែលដាក់ពាក្យបណ្តឹង អាយុ៥៣ឆ្នាំ ទាំងពីរនាក់រស់នៅឃុំខាងលើ ។
ប្រភពព័ត៌មានបន្តថា ក្រោមការដឹកនាំរបស់លោកឧត្តមសេនីយ៍ត្រី ជា ចាន់ឌិន ស្នងការនគរបាលខេត្ត បានចាត់ឱ្យលោកវរសេនីយ៍ទោ អេង ភាវ នាយការិយាល័យនគរបាលប្រឆាំងការជួញដូរមនុស្សនិងការពារអនីតិជន ដឹកនាំកម្លាំងចុះសហការជាមួយនគរបាលស្រុកសាលាក្រៅ និងប៉ុស្តិ៍នគរបាលរដ្ឋបាលឃុំស្ទឹងត្រង់ ដើម្បីឃាត់ខ្លួនជនសង្ស័យឈ្មោះ ស សាន្ត ។
ជនជាប់ចោទបានសារភាពថា រូបគេមិនបានប៉ងចាប់រំលោភស្ត្រីចំណាស់នោះទេ ដោយពេលនោះស្រវឹងស្រាដើរទៅក្បែរគាត់ ហើយប្រឡែងលេងជាមួយក្មេងៗ ស្រាប់តែដួលទៅលើគាត់ដែលឈរនៅក្បែរនោះ ទើបក្រោយមកគាត់ក៏ដាក់ពាក្យបណ្តឹងឱ្យនគរបាលចាប់ឃាត់ខ្លួនរូបគេ ។
ទោះបីជាយ៉ាងណាក៏ដោយ ការស្រវឹងស្រាបង្កបញ្ហាដល់អ្នកដទៃមិនមែនជារឿងមួយល្អនោះទេ ។ ឯការពាក់ព័ន្ធនឹងករណីនេះ នគរបាលបានកសាងសំណុំរឿងបញ្ជូនជនសង្ស័យទៅសាលាដំបូងខេត្ត ៕
ចែករំលែកព័តមាននេះ