រាជធានីភ្នំពេញ ៖ សាកសពរបស់ស្ត្រីមិនស្គាល់អត្តសញ្ញាណម្នាក់ដែលបានស្លាប់បាត់បង់ជីវិតច្រើនថ្ងៃមកហើយដែលត្រូវបានគេប្រទះឃើញអណ្តែតមកទើនៅមាត់ច្រាំងទន្លេ កាលពី៥ថ្ងៃមុននោះពេលនេះបានស្គាល់អត្តសញ្ញាណហើយដោយសារតែប្អូនប្រុស-ស្រីរបស់ជនរងគ្រោះចំនួនពីរនាក់បានមកសុំលិខិតមរណៈភាពពីនគរបាលប៉ុស្តិ៍ទន្លេបាសាក់នៅវេលាម៉ោង៣និង៣០នាទីរសៀល ថ្ងៃទី៣០ ខែមីនា ឆ្នាំ២០១៧ ។
ស្ត្រីម្នាក់ឈ្មោះ ឆាយ ស្រូយ អាយុ៤០ឆ្នាំ និងបុរសម្នាក់ឈ្មោះ ឆាយ ហៃ អាយុ៤៥ឆ្នាំ មានស្រុកកំនើតនៅភូមិសាឡូង ឃុំក្តឿងរាយ ស្រុកកញ្ជាក ខេត្តព្រៃវែង ដែលអះអាងថា ជាប្អូនរបស់ជនរងគ្រោះនោះបានរៀបរាប់ប្រាប់ថា បងស្រីរបស់គាត់មានឈ្មោះ ឡេខ សុខនាង អាយុ៤៧ឆ្នាំ មានប្តីឈ្មោះ សាំង ចន្ធូ អាយុជាង៥០ឆ្នាំ មានកូនប្រុស-ស្រីចំនួន៣នាក់នៅក្នុងបន្ទុកស្នាក់នៅផ្ទះលេខ៤៩៦ ផ្លូវលំ ភូមិទ្រា ក្នុងសង្កាត់ស្ទឹងមានជ័យ ខណ្ឌមានជ័យ និងមានស្រុកកំណើតនៅភូមិសាឡូង ឃុំក្តឿងរាយ ស្រុកកញ្ជាច ខេត្តព្រៃវែង ។ កាលពីល្ងាចថ្ងៃទី២៣ ខែមីនា ឆ្នាំ២០១៧ កន្លងមកនេះបងស្រីរបស់គាត់បានបាត់ចេញពីផ្ទះដោយសារតែមានវិបត្តិក្នុងគ្រួសារដោយសារតែប្តីរបស់គាត់លួចមានប្រពន្ធចុង និងបានប្រើអំពើហិង្សាទៅលើរូបគាត់នោះ បាត់ដំណឹងសូន្យឈឹង ដោយមិនមានអ្នកណាម្នាក់បានដឹងថា គាត់ទៅទីណាឡើយ ។
តាមប្រភពដដែលបានប្រាប់បន្តទៀតថា លុះដល់ថ្ងៃទី២៥ ខែមិនា ឆ្នាំ២០១៧ ពួកគាត់ជាប្អូនៗនៅឯស្រុកកំណើតក៏បានឭដំណឹងតាមរយៈការសែតថា មានសាកសពស្ត្រីម្នាក់ត្រូវបានគេប្រទះឃើញអណ្តែតទឹកនៅក្នុងសង្កាត់ទន្លេបាសាក់ភា្លមនោះរូបពួកគាត់ជាប្អូនៗមិនបានឡើងពីស្រុកមកមើលទេ ដោយប្រាប់ឱ្យក្មួយប្រុសម្នាក់ដែលកូនប្រុសរបស់បងស្រីគាត់ទៅមើលតែដោយសារតែសាកសពមានសភាពហើយស្អុយ និងមើលមុខលែងស្គាល់ទៅហើយនោះគេក៏បានប្រាប់ទៅឪពុករបស់គេ និងពួកគាត់ថា សាកសពនោះមិនមែនជាម្តាយរបស់គេទេ ។
ដោយឆ្លងកាត់តាមការស្រាវជ្រាវនេះដែរកម្លាំងនគរបាលជំនាញកោសល្យវិច្ច័យនៃស្នងការនគរបាលរាជធានីភ្នំពេញបានធ្វើការពិនិត្យទៅលើស្នាមមេដៃសាកសព និងស្នាមមេដៃនៅលើអត្តសញ្ញាណប័ណ្ណរបស់សាកសពនោះទៅឃើញថា គឺពិតជាស្នាមមេដៃរតែមួយ និងគាត់ចំណាំសម្លៀកបំពាក់របស់បងស្រីគាត់នោះទើបដឹងថា ពិតជាបងស្រីរបស់ពួកគាត់ពិតប្រកដមែន ៕
ចែករំលែកព័តមាននេះ