ង្គោលភ្លើងមួយកន្លែងបានឆ្លងចរន្តឆាបឆេះយ៉ាងសន្ធោសន្ធៅ ផ្អើលអស់ប្រជាពលរដ្ឋ និងរថយន្តពន្លត់អគ្គិភ័យចេញអន្តរាគមន៍បា.ញ់ទឹកពន្លត់ បង្កឱ្យមានការភ្ញាក់ផ្អើល
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បង្គោលភ្លើងមួយកន្លែងបានឆ្លងចរន្តឆាបឆេះយ៉ាងសន្ធោសន្ធៅ ផ្អើលអស់ប្រជាពលរដ្ឋ និងរថយន្តពន្លត់អគ្គិភ័យចេញអន្តរាគមន៍បាញ់ទឹកពន្លត់ បង្កឱ្យមានការភ្ញាក់ផ្អើលកាលពីវេលាម៉ោង៤និង៤០នាទីទៀបភ្លឺឈានចូលថ្ងៃទី២០ ខែតុលា ឆ្នាំ២០២២ នៅចំណុចជិតប៉ុស្តិ៍នគរបាលរដ្ឋបាលចាក់អង្រែលើ ផ្លូវជាតិលេខ២ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
បើតាមប្រភពព័ត៌មានពីបងប្អូនប្រជាពលរដ្ឋដែលរស់នៅជិតកន្លែងកើតហេតុ បានអោយដឹងថា មុនពេលកើតហេតុ គឺមានភ្លៀងធ្លាក់មួយមេធំ លុះពេលមេឃរាំងភ្លៀងបានបន្តិច ក៏ស្រាប់តែឮសំឡេងផ្ទុះចេញពីបង្គោលភ្លើងមួយកន្លែងបង្កអោយមានការឆាបឆេះខ្សែភ្លើង និងខ្សែអុបទិកឡើងសន្ធោសន្ធៅតែម្តង ហើយភ្លាមៗនោះបងប្អូនប្រជាពលរដ្ឋក៏បានភ្ញាក់ពីដំណេក ហើយនាំគ្នាយកបំពង់ពន្លត់អគ្គិភ័យមកបាញ់ពន្លត់អស់ជាច្រើនបំពង់ តែភ្លើងនៅតែមិនរលត់ គឺចេះតែឆេះរាលដាលទៅៗ ធ្វើអោយពួកគាត់ទប់ស្កាត់លែងបាន ហើយណាមួយពួកគាត់ភ័យខ្លាចឆ្លងចរន្តភ្លើងផងដែរ ទើបរាយការណ៍ជូនទៅសមត្ថកិច្ចមូលដ្ឋាន ដើម្បីសុំជំនួយរថយន្ដបង្ការ និងពន្លត់អគ្គិភ័យរបស់ស្នងការដ្ឋាន នគរបាលរាជធានីភ្នំពេញ ចេញអន្តរាគមន៍មួយគ្រឿង និងបានទាក់ទងទៅខាងជំនាញអគ្គិសនីអោយផ្តាច់ចរន្តភ្លើង ទើបធ្វើការបាញ់ទឹកពន្លត់ លុះរហូតដល់ម៉ោង៥និង១០យប់ថ្ងៃ ទើបធ្វើអោយភ្លើងរលត់ទៅវិញជាស្ថាពរ។
ពាក់ព័ន្ធក្នុងហេតុការណ៍នេះដែរ សមត្ថកិច្ចក៏បានអោយដឹងថា អគ្គិភ័យខាងលើនេះ មិនបានឆេះរាលដាលដល់ផ្ទះបងប្អូនប្រជាពលរដ្ឋនោះទេ ហើយក៏គ្មាននរណាម្នាក់រងរបួសអ្វីដែរ គឺគ្រាន់តែខូចខាតខ្សែភ្លើង ខ្សែអុបទិក និងប្រអប់ភ្លើងអស់មួយចំនួនធំតែប៉ុណ្ណោះ។
ចំពោះករណីខាងលើនេះដែរ បងប្អូនប្រជាពលរដ្ឋបានសំណូមពរដល់អាជ្ញាធរពាក់ព័ន្ធ មេតា្តជួយពិនិត្យមើលរឿងខ្សែភ្លើង និងខ្សែអុបទិក ដែលរញ៉េរញ៉ៃអូសកាត់គងលើគ្នា ដែលជាដើម ចមបង្កអោយបញ្ហាកើតឡើង ហើយមិនដឹងថា ឆេះចេញពីខ្សែភ្លើង ឬឆេះចេញពីខ្សែអុបទិកនោះទេ។
ចែករំលែកព័តមាននេះ