រាជធានីភ្នំពេញ ៖ សាលាដំបូងរាជធានីភ្នំពេញ កាលព្រឹកថ្ងៃទី១៩ ខែតុលា ឆ្នាំ២០២២ បានប្រកាសសាលក្រមផ្តន្ទាទោសលើជនជាប់ចោទវ័យក្មេងម្នាក់ ជាចោរឆក់កាបូប ដាក់ពន្ធនាគារកំណត់១០ឆ្នាំ ពីបទលួចមានស្ថានទម្ងន់ទោស…
រាជធានីភ្នំពេញ ៖ សាលាដំបូងរាជធានីភ្នំពេញ កាលព្រឹកថ្ងៃទី១៩ ខែតុលា ឆ្នាំ២០២២ បានប្រកាសសាលក្រមផ្តន្ទាទោសលើជនជាប់ចោទវ័យក្មេងម្នាក់ ជាចោរឆក់កាបូប ដាក់ពន្ធនាគារកំណត់១០ឆ្នាំ ពីបទលួចមានស្ថានទម្ងន់ទោស បណ្តាលឲ្យមរណភាពដល់ជនរងគ្រោះ ។
ជនជាប់ចោទមានឈ្មោះ ជុំ សុខបញ្ញា ភេទប្រុស អាយុ១៨ឆ្នាំ មុខរបរជាសិស្ស មានទីលំនៅភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ។
សូមរម្លឹកឡើងវិញ លោកវរសេនីយ៍ឯក ម៉ន វុធី អធិការដ្ឋាននគរបាលខណ្ឌពោធិ៍សែនជ័យ បានឲ្យដឹថា បន្ទាប់ពីមានករណីជនសង្ស័យជិះម៉ូតូធ្វើសកម្មភាពឆក់កាបូបបណ្ដាលឲ្យស្ដ្រីម្នាក់ដួលស្លា.ប់បាត់បង់ជីវិតពេលដឹកដល់មន្ទីរពេទ្យ សមត្ថកិច្ចបានតាមស្រាវជ្រាវរកជនសង្ស័យ លុះដល់យប់ថ្ងៃទី២៨ ឈានចូលថ្ងៃទី២៩ ខែមករា ឆ្នាំ២០២២ វេលាម៉ោង០១និង៤០នាទី រំលងអាធ្រាត្រ កម្លាំងនគរបាល នៃអធិការដ្ឋាននគរបាលខណ្ឌពោធិ៍សែនជ័យ បានឃាត់ខ្លួនជនសង្ស័យឈ្មោះ ជុំ សុខបញ្ញា ភេទប្រុស អាយុ១៨ឆ្នាំ មុខរបរសិស្ស ស្នាក់នៅភូមិត្រពាំងគល់ សង្កាត់កន្ទោក ខណ្ឌកំបូល រាជធានីភ្នំពេញ ។
សូមបញ្ជាក់ថា កាលពីវេលាម៉ោង១៣និង៣០នាទីរសៀល ថ្ងៃទី១៥ ខែមករា ឆ្នាំ២០២២ ក៏មានករណីឆក់កាបូបមួយបានកើតឡើងនៅតាមបណ្ដោយផ្លូវសហព័ន្ធរុស្ស៊ី ក្នុងភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ ។ នៅក្នុងហេតុការនោះ បណ្តាលឱ្យជនរងគ្រោះឈ្មោះ អ៊ុក កន្និកា ភេទស្រី អាយុ៤០ឆ្នាំ មុខរបរលក់ដូរ ស្នាក់នៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ បានរងរបួសធ្ងន់ និងបានស្លាប់ពេលបញ្ជូនដល់មន្ទីរពេទ្យ ។
ក្រោយពីឃាត់ខ្លួន សមត្ថកិច្ចនគរបាលខណ្ឌពោធិសែនជ័យ បានកសាងសំណុំរឿងជនសង្ស័យវ័យក្មេងម្នាក់ដូចមានឈ្មោះខាងលើនេះ បញ្ជូនទៅតុលាការ ទើបមានការឃុំខ្លួនជនសង្ស័យចាប់ពីពេលនោះមក រហូតដល់ថ្ងៃបើកសវនាការ និងកាត់ទោសសម្រេចឲ្យជនជាប់ ចោទជាប់គុក១០ឆ្នាំ ពាក់ពន្ធមរណភាពជនរងគ្រោះ ៕
ចែករំលែកព័តមាននេះ