ហ្វីលីពីនប្រកាសចំនួនអត្តពលិកមកស៊ីហ្គេម ២០២៣ នៅកម្ពុជា មុនគេ
- ភ្នំពេញ
រាជធានីភ្នំពេញ ៖ ប្រធានគណៈកម្មាធិការអូឡាំពិកហ្វីលីពីន (POC) លោក Abraham «Bambol»
រាជធានីភ្នំពេញ ៖ ប្រធានគណៈកម្មាធិការអូឡាំពិកហ្វីលីពីន (POC) លោក Abraham «Bambol» Tolentino បាននិយាយកាលពីថ្ងៃអង្គារសប្ដាហ៍មុនថា ប្រទេសហ្វីលីពីន នឹងបញ្ជូនអត្តពលិកចំនួន ៨១៤ នាក់ មកចូលរួមព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ ២០២៣ នៅកម្ពុជា។
អត្តពលិកចំនួន ៨១៤ នាក់ ដែលមកចូលរួមព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ ២០២៣ នេះ នឹងចូលរួមគ្រប់ប្រភេទកីឡាទាំង ៣៨ នៅកម្ពុជា ។ លោក Tolentino បាននិយាយបន្ទាប់ពីកិច្ចប្រជុំពិគ្រោះយោបល់លើកទី២ជាមួយសហព័ន្ធកីឡាជាតិ (NSAs) របស់ SEAG-bound National Sports Association (NSAs) ក្នុងទីក្រុង Pasay ថា «នេះជាក្រុមប្រយុទ្ធ ហើយគោលដៅគឺដើម្បីបញ្ជូនក្រុមដែលល្អបំផុតតាមដែលអាចធ្វើទៅបាន»។
ក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២១ (លើកមកឆ្នាំ២០២២) នៅប្រទេសវៀតណាម កាលពីខែឧសភា ហ្វីលីពីន បានបញ្ជូនអត្តពលិក ៦៥៦ នាក់ ប្រកួតលើ ៣៨ ប្រភេទកីឡា ហើយបញ្ចប់ទៅដោយឈរនៅចំណាត់ថ្នាក់រួមលេខរៀងទី ៤ ទទួលបានមេដាយសរុប ២២៦គ្រឿង ក្នុងនោះមេដាយមាស ៥២ គ្រឿង, មេដាយប្រាក់ ៧០ គ្រឿង និងមេដាយសំរឹទ្ធ ១០៤ គ្រឿង៕
ចែករំលែកព័តមាននេះ