ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹងថា ករណីយុវជនម្នាក់ ជាសិក្ខាកាមវរៈលេខ៦៣សាលាហ្វឹកហ្វឺនរថក្រោះ ដែលគេស្គាល់ថា ជាក្មួយរបស់លោកផ្កាយ៣ ដែលត្រូវក្រុមជនដៃដល់មិនស្គាល់មុខស្ទាក់កាប់ បណ្តាលឱ្យស្លាប់នោះ គិតមកដល់ថ្ងៃទី៣០ មីនា នេះ នៅតែមិនទាន់មានពន្លឺ ដឹងពីមុខសញ្ញាជនដៃដល់នៅឡើយ ។
ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹងថា ករណីយុវជនម្នាក់ ជាសិក្ខាកាមវរៈលេខ៦៣សាលាហ្វឹកហ្វឺនរថក្រោះ ដែលគេស្គាល់ថា ជាក្មួយរបស់លោកផ្កាយ៣ ដែលត្រូវក្រុមជនដៃដល់មិនស្គាល់មុខស្ទាក់កាប់ បណ្តាលឱ្យស្លាប់នោះ គិតមកដល់ថ្ងៃទី៣០ មីនា នេះ នៅតែមិនទាន់មានពន្លឺ ដឹងពីមុខសញ្ញាជនដៃដល់នៅឡើយ ។ ជនមិនស្គាល់មុខលួចឆ្មក់កាប់សម្លាប់ក្មួយឧត្តមសេនីយ៍ឯកផ្កាយ3ទម្លាក់ទឹកបឹង
តែអ្វីដែលកត់សម្គាល់នោះថា ក្រោយពេលកើតហេតុភ្លាមៗ សមត្ថកិច្ចបានឃាត់ខ្លួនប្រជាការពារដែលសង្ស័យ យកទៅសាកសួរ ។ តែក្រោយមក ក៏ត្រូវមេភូមិចេញមុខធានាឱ្យដោះលែងវិញ ។ ទន្ទឹមនឹងនោះ សមត្ថកិច្ចបានអះអាងថា សំណុំរឿងពិបាកធ្វើបន្តិច ព្រោះតែអ្នកពាក់ព័ន្ធគឺជាប់សឹងតែអស់មួយភូមិឯណោះ ។
គួរបញ្ជាក់ថា ហេតុការណ៍កាប់សម្លាប់មនុស្សដូចសត្វនេះ បានកើតឡើងកាលពីវេលាម៉ោង០៨ និង៤០នាទីយប់ថ្ងៃទី២៤ មីនា ស្ថិតនៅលើខ្នងទំនប់បឹងសំរោងបាក់ ក្នុងភូមិក្រាំងល្ហុង ឃុំមហាសាំង ស្រុកភ្នំស្រួច ។ ជនរងគ្រោះដែលស្លាប់ឈ្មោះ មុំ សារី ភេទប្រុស អាយុ៣០ឆ្នាំ ជាសិក្ខាកាមវរៈលេខ៦៣សាលាហ្វឹកហ្វឺនរថក្រោះ៨៦ ស្នាក់នៅជាមួយលោកផ្កាយ៣ (ជាឪពុកមា) ក្នុងឃុំមហាសាំង ស្រុកភ្នំស្រួច និងមានស្រុកកំណើតនៅឃុំកណ្ដៀងរាយ ស្រុកស្វាយទាប ខេត្តស្វាយរៀង ។
នៅមុនពេលកើតហេតុនោះ ជនរងគ្រោះនិងមិត្តភក្តិ២នាក់ទៀត ជិះម៉ូតូតាមភ្លឺទំនប់សំរោងបាក់ ភូមិក្រាំងល្ហុង ឃុំមហាសាំង ជាមួយឈ្មោះឡញ់ ពិនថុនា ភេទប្រុស អាយុ២២ឆ្នាំ និងឈ្មោះឆាយ សុខរី ភេទប្រុស អាយុ២៧ឆ្នាំ ជាសិក្ខាកាមសាលាហ្វឹកហ្វឺនរថក្រោះជាមួយគ្នា ។ ពេលទៅដល់ផ្លូវចូលសាលាហ្វឹកហ្វឺនចម្ងាយប្រហែល៣០ម៉ែត្រ ក៏មានជនសង្ស័យចំនួន៦នាក់មិនស្គាល់ឈ្មោះ និងមិនស្គាល់ទីលំនៅ ជិះម៉ូតូ២គ្រឿងបានហៅឈ្មោះមុំ សារី ឈ្មោះឡាញ់ ពិនថុនា និងឈ្មោះឆាយ សុខរី ឱ្យឈប់ និងបានវាយអ្នកទាំង៣នាក់ ។
ខណៈនោះ ឈ្មោះឆាយ សុខរី និងឈ្មោះឡាញ់ ពិនថុនា បានរត់ចូលក្នុងសាលា ចំណែកឈ្មោះមុំ សារី ក៏បានបាត់ខ្លួនរកមិនឃើញ ។ លុះមកដល់ថ្ងៃទី២៥ មីនា វេលាម៉ោង០៧និង៣០នាទីព្រឹក បងប្អូននិងសិក្ខាកាមយោធាសាលាហ្វឹកហ្វឺនរថក្រោះ៨៦ បាននាំគ្នាមុជទឹករាវរក ទើបឃើញសពឈ្មោះមុំ សារី នៅក្នុងទឹកទំនប់សំរោងបាក់ រួចក៏យកសពមករក្សាទុកក្នុងបន្ទាយ ដើម្បីឱ្យមន្ត្រីជំនាញធ្វើការត្រួតពិនិត្យ ។
ចែករំលែកព័តមាននេះ