ខេត្ដក្រចេះ ៖ ជនអន្ធពាលជាមុខសញ្ញាជួញដូរ និងប្រើប្រាស់គ្រឿងញៀនម្នាក់ ត្រូវនគរបាលស្រុកស្នួលចាប់ឃាត់ខ្លួន បន្ទាប់ពីជននេះបានសេពគ្រឿងញៀន រួចទៅចាប់រំលោភក្មេងស្រីអាយុ៤ឆ្នាំម្នាក់ រហូតបានសម្រេច ។
ខេត្ដក្រចេះ ៖ ជនអន្ធពាលជាមុខសញ្ញាជួញដូរ និងប្រើប្រាស់គ្រឿងញៀនម្នាក់ ត្រូវនគរបាលស្រុកស្នួលចាប់ឃាត់ខ្លួន បន្ទាប់ពីជននេះបានសេពគ្រឿងញៀន រួចទៅចាប់រំលោភក្មេងស្រីអាយុ៤ឆ្នាំម្នាក់ រហូតបានសម្រេច ។
ជនសង្ស័យឈ្មោះ ប៉ុន សុខជា អាយុ២៧ឆ្នាំ រស់នៅស្រុកស្នួល ត្រូវបាននគរបាលចាប់ខ្លួននៅថ្ងៃទី២៩ ខែមីនា ។ ការឃាត់ខ្លួនជនល្មើសរូបនេះ គឺធ្វើឡើងមួយថ្ងៃបន្ទាប់ពីជននេះបានរំលោភសេពសន្ថវៈក្មេងស្រីអាយុ៤ឆ្នាំម្នាក់ រហូតបានសម្រេច ។
អធិការរងនគបាលស្រុកស្នួល លោកវរសេនីយ៍ទោ ប៊ុត នឿន បានឲ្យដឹងថា ជនល្មើសរូបនេះជាមុខសញ្ញាជួញដូរនិងប្រើប្រាស់គ្រឿងញៀននៅស្រុកស្នួល ដែលនគរបាលកំពុងតាមប្រមាញ់ផងដែរ ។
លោកអធិការរងបានស្រង់ចម្លើយសារភាពរបស់ជនសង្ស័យថា នាព្រឹកថ្ងៃទី២៨ មីនា ជននេះ និងបក្សពួកបាននាំគ្នាជក់គ្រឿងញៀននៅក្នុងផ្ទះមួយ ។ បន្ទាប់ពីជក់រួច ក៏បានបែកគ្នារៀងៗខ្លួន នៅសល់តែជនល្មើសម្នាក់ឯង ដែលស្ថិតក្នុងអាការរវើរវាយដើរតាមភូមិ បានឃើញក្មេងស្រីអាយុ៤ឆ្នាំម្នាក់ ដែលនៅផ្ទះក្បែរគ្នា កំពុងនៅផ្ទះម្នាក់ឯង ខណៈម្តាយនាងទៅផ្សារ។ ពេលនោះ ជននេះបានល្បួងលេងជាមួយក្មេងស្រី និងបានចាប់រំលោភនាងរហូតបានសម្រេចម្តង ។
លោកវរសេនីយ៍ទោ ប៊ុត នឿន បានឲ្យដឹងថា ក្រោយពីប្រព្រឹត្តអំពើចាប់រំលោភហើយក៏បណ្តាលឲ្យក្មេងស្រីរងគ្រោះហូរឈាមយ៉ាងខ្លាំងទៀត ។ ឯជនសង្ស័យបានគំរាមនាងមិនឲ្យយំ និងគំរាមមួល.កសម្លាប់ទៀតផង ប្រសិនបើនាងប្រាប់រឿងនេះទៅ
ម្តាយ។
ចំណែកម្តាយពេលត្រឡប់ពីផ្សារវិញ ឃើញកូនស្រីមានហូរឈាម និងកំពុងយំក៏សាកសួរ ហើយនាងក៏បានរៀបរាប់ប្រាប់ពីសកម្មភាពរបស់ជនល្មើស ។ បន្ទាប់ពីរឿងនេះបែកធ្លាយ ជនល្មើសបានព្យាយាមគេចខ្លួន តែត្រូវនគរបាលព្រហ្មស្រុកស្រាវជ្រាវចាប់ខ្លួនបាន ៕
ចែករំលែកព័តមាននេះ