សម្តេចតេជោ ហ៊ុន សែន សរសើរទម្រង់លេងរបស់ក្រុមបាល់ទាត់កម្ពុជា
រាជធានីភ្នំពេញ ៖ បើទោះបីជាក្រុមបាល់ទាត់ជម្រើសជាតិកម្ពុជាចាញ់ក្រុមម្ចាស់ផ្ទះហ្សកដានី៧ទល់០ នៅកីឡដ្ឋាន King Abdullah II នៅក្នុងការប្រកួតវគ្គជម្រុះជុំចុង
រាជធានីភ្នំពេញ ៖ បើទោះបីជាក្រុមបាល់ទាត់ជម្រើសជាតិកម្ពុជាចាញ់ក្រុមម្ចាស់ផ្ទះហ្សកដានី៧ទល់០ នៅកីឡដ្ឋាន King Abdullah II នៅក្នុងការប្រកួតវគ្គជម្រុះជុំចុងក្រោយនៃពានរង្វាន់ជើងេកអាស៊ី២០១៩ (AFC Asian Cup 2019 Final Group Qualifiers ) កាលពីយប់មិញក៍ដោយ ក៍សម្តេចអគ្គមហាសេនាបតីតេជោ ហ៊ុន សែន បានសរសើរចំពោះសមត្ថភាពរបស់ក្រុមកីឡាករបាល់ទាត់ជម្រើសជាតិកម្ពុជាថាកំពុងមានការរីកចម្រើន ។
នៅលើបណ្តាញសង្គមហ្វេសប៊ុក សម្តេចតេជោនាយករដ្ឋមន្ត្រីបានសរសេរថា« សូមអបអរសាទរក្រុមកីឡាករបាល់ទាត់ជម្រើសជាតិកម្ពុជា ដែលបានខិតខំប្រកួតជាមួយក្រុមកីឡាបាល់ទាត់ ហ្ស៊កដានី(Cambodia -០ vs Jordan-7)ក្នុងការប្រកួតពានរង្វាន់ជើងឯកអាស៊ី២០១៩ វគ្គជម្រុះជុំចុងក្រោយ (AFC Asian Cup 2019 Final Group Qualifiers ) ដែលទើបបានបញ្ចប់ នៅពហុកីឡដ្ឋានអន្ដរជាតិ King Abdullah II នៅមុននេះបន្តិច»។
«ខ្ញុំសូមកោតសរសើរចំពោះសមត្ថភាពក្មួយៗកីឡាករជម្រើសជាតិកម្ពុជា ដែលបានខិតខំលេងបានយ៉ាងល្អក្នុលក្ខណៈមិត្តភាពអន្តរជាតិ ដែលបានបង្ហាញអោយឃើញពីការរីកចម្រើន វិស័យកីឡានៅក្នុងប្រទេសកម្ពុជាយើង។ ចាញ់ឈ្នះគឺជាការធម្មតា សង្ឃឹមថាក្មួយៗកីឡាករនឹងខិតខំ លេងអោយកាន់តែល្អដើម្បីទទួលជ័យជំនះនៅក្នុងការប្រកួតលើកក្រោយ។ អរគុណបងប្អូនប្រជាពលរដ្ឋដែលគាំទ្រវិស័យកីឡា និងសូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យជាបន្តបន្ទាប់នៅ ក្នុងការប្រកួតលក្ខណៈអន្តរជាតិខាងមុខទៀត»៕
ចែករំលែកព័តមាននេះ