ខេត្តក្រចេះ ៖ បុរសម្នាក់ក្នុងចំណោមពីរនាក់បានស្លាប់ បន្ទាប់ពីបុរសរងគ្រោះបានជួប ហេតុការណ៍បាក់រលំដើមឈើសុក្រំសង្កត់ពីលើ នៅពេលចូលទៅកាប់ឈើនៅក្នុងព្រៃឡង់ ខាងក្រោយស្រុកសំបូរ។
ខេត្តក្រចេះ ៖ បុរសម្នាក់ក្នុងចំណោមពីរនាក់បានស្លាប់ បន្ទាប់ពីបុរសរងគ្រោះបានជួប ហេតុការណ៍បាក់រលំដើមឈើសុក្រំសង្កត់ពីលើ នៅពេលចូលទៅកាប់ឈើនៅក្នុងព្រៃឡង់ ខាងក្រោយស្រុកសំបូរ។
បុរសរងគ្រោះឈ្មោះ ម៉េង ឈុនលេង អាយុ៣៤ឆ្នាំ រស់នៅឃុំកំពង់ចាម ស្រុកសំបូរ បានស្លាប់ បន្ទាប់ពីដឹកមកសង្គ្រោះដល់ផ្ទះកាលពីរសៀលថ្ងៃទី២៧ ខែមីនា ក្រោយពី រងគ្រោះឈើសុក្រំសង្កត់ពីលើដោយសាររត់គេចមិនទាន់។
បើតាមសេចក្តីរាយការណ៍បានឲ្យដឹងថា ជនរងគ្រោះពីរនាក់បានចូលទៅកាប់ឈើ សុក្រំ នៅក្នុងព្រៃឡង់ភូមិសាស្ត្រខាងក្រោយស្រុកសំបូរ ក៏ត្រូវដើមឈើសុក្រំធំ មួយដើមដួលរលំសង្កត់លើ បើទោះបីជាជនរងគ្រោះបានព្យាយាមរត់គេចចេញ តែគេចមិនទាន់ ។
គួរបញ្ជាក់ថា អ្នកភូមិរស់នៅខាងក្រោយស្រុកព្រែកប្រសព្វ ក៏ដូចជាស្រុកសំបូរ សព្វ ថ្ងៃក្រៅពីការធ្វើស្រែចម្ការ គឺពួកគាត់បានងាកមកចាប់យករបរកាប់អារឈើជាប្រភព ចំណូលបន្ថែម។ ហើយឈើទាំងនោះត្រូវបានពួកគាត់ភាគច្រើនបានចូលទៅកាប់ អារច្រៀកជាលក្ខណៈគ្រួសារទ្រង់ទ្រាយធំ ឬតូចនៅក្នុងភូមិសាស្ត្រព្រៃឡង់ និងព្រៃសហគមន៍អភិរក្សផ្សេងៗទៀតនៅតំបន់នោះ ដើម្បីលក់មកឲ្យឈ្មួញទិញសម្រាប់នាំចេញ។
បើតាមសេចក្តីរាយកាណ៍បានឲ្យដឹងទៀតថា បន្ទាប់ពីឈើសុក្រំកំពុងតែមានតម្លៃទី ផ្សារខ្ពស់ មិនចាញ់នឹងតម្លៃឈើប្រណីត។ ស្របជាមួយគ្នានោះទៅនិងស្ថានភាពបទល្មើស ឈើនៅតំបន់ព្រៃឡង់ និងព្រៃអភិរក្សរបស់សហគមន៍មួយចំនួន គឺកំពុងតែរងនូវការកាប់ បំផ្លាញយ៉ាងរង្គាល ក៏ព្រោះតែនៅតាមព្រៃក្នុងភូមិសាស្ត្រខាងលើ គឺនៅសម្បូរទៅដោយ ឈើធំៗត្រូវប៉ាន់។ មួយវិញទៀតក្រុមឈ្មួញក៏បានផ្តល់លុយជាសោហ៊ុយដល់អ្នកភូមិ ដើម្បី លួចចូលទៅកាប់អារ និងដឹកជញ្ជូនចេញតាមគោយន្ត ឬរទះគោ ដោយមិនខ្លាចរអារ និងទោសទណ្ឌផ្លូវច្បាប់នោះទេ។ ហើយឈើទាំងនោះក៏ត្រូវបានសម្រុកកាប់ និងដឹកជញ្ជូន ចេញពីព្រៃមកលក់ឲ្យគេដែលឈរចាំទិញលើកដាក់ឡាននៅក្បែរព្រៃនៅតំបន់នោះ និង បានដឹកនាំចេញបន្ត៕
ចែករំលែកព័តមាននេះ