កាស៊ីណូឡាក់គីប៉ោយប៉ែត បើកឲ្យខ្មែរចូលលេងដោយសេរី
ខេត្តបន្ទាយមានជ័យ ៖ ប្រភពបានឲ្យដឹងថា កាស៊ីណូឡាក់គីប៉ោយប៉ែត ដែលមានទីតាំងនៅចំណុចរង្វង់មូល ក្នុងភូមិ-សង្កាត់-ក្រុងប៉ោយប៉ែត
ខេត្តបន្ទាយមានជ័យ ៖ ប្រភពបានឲ្យដឹងថា កាស៊ីណូឡាក់គីប៉ោយប៉ែត ដែលមានទីតាំងនៅចំណុចរង្វង់មូល ក្នុងភូមិ-សង្កាត់-ក្រុងប៉ោយប៉ែត បានអនុញ្ញាតឲ្យប្រជាពលរដ្ឋខ្មែរមួយចំនួនដែលនិយមលេងល្បែងស៊ីសងចូលលេងដោយសេរី បំពានទៅនឹងបទបញ្ជារបស់សម្តេចតេជោ ហ៊ុន សែន ក៍ដូចជាច្បាប់ ។
តាមប្រភពបានឲ្យដឹងនៅថ្ងៃទី២៧ មីនា ២០១៧ថា កាស៊ីឡាក់គីប៉ោយប៉ែតនេះជាកម្មសិទ្ឋិផ្ទាល់របស់លោក ភួន ផេង អាយុជាង៤០ឆ្នាំ រស់នៅភូមិបាលិលេយ្យ១ សង្កាត់-ក្រុងប៉ោយប៉ែត បានជួលបន្តឲ្យទៅឈ្មោះ ហេ វិន ភេទប្រុស អាយុជាង ៤០ឆ្នាំជាជនជាតិថៃ ហើយថៅកែជនជាតិថៃរូបនោះ បានឲ្យឈ្មោះកែវ រតនា ភេទប្រុសអាយុប្រមាណ ៤០ ឆ្នាំម្នាក់ជាខ្មែរ មើលការខុសត្រូវ បានរយៈពេលជាង១ឆ្នាំកន្លងមកនេះ ក៏ត្រូវក្ស័យធនតែម្តង ។
សូមបញ្ជាក់ថា ក្រុមបុគ្គលិកកាស៊ីណូ ប្រុសស្រីជាង១០០នាក់ ក្រោយទទួលបានដំណឹងថា ថៅកែជនជាតិថៃរូបនោះក្ស័យធន រត់គេចខ្លួនបាត់ហើយនោះ ពួកគេបាននាំគ្នាប្រមូលផ្តុំ ចាប់តាំងពីថ្ងៃទី២៥ មីនា កន្លងមក នៅក្នុងកាស៊ីណូ ដើម្បីធ្វើការតវ៉ាដល់អ្នកទទួលខុសត្រូវឈ្មោះកែវ តនា និង លោកភួន ផេង ជាម្ចាស់កាស៊ីណូផ្ទាល់ ដើម្បីទាមទារបើកខែចុងក្រោយ និង ប្រាក់ខែលើកទឹកចិត្តចំនួន៣ខែតាមច្បាប់ស្តីពីការងារបន្ថែមទៀតផងដែរ ។
លោកភួន ផេង ជាម្ចាស់ទីតាំងកាស៊ីណូឡាក់គីប៉ោយប៉ែតបានឲ្យដឹងថា ថៅកែជនជាតិថៃនិងរូបលោក បានធ្វើកិច្ចសន្យាកុងត្រា បើកកាស៊ីណូនេះជាមួយគ្នា ក៏ប៉ុន្តែ ជនជាតិថៃ ជាថៅកែរូបនោះ បានក្ស័យធនរត់គេចខ្លួនបាត់ហើយ និង បានបន្សល់ទុកសម្ភារចោលនៅក្នុងកាស៊ីណូនេះឲ្យរូបលោកទទួលខុសត្រូវតែម្នាក់ឯង ។
លោកភួន ផេង បានបន្តថា ចំពោះបុគ្គលិកទាំងនោះវិញ គាត់បានាំគ្ន ប្រមូលផ្តុំគ្នា ធ្វើការតវ៉ាទាមទារបើកប្រាក់ខែចុងក្រោយគឺខែមីនានេះ បន្ទាប់មកពួកគាត់ទាមទារ បើកប្រាក់លើកទឹកចិត្តចំនួន៣ខែបន្ថែមទៀតផងដែរ ។ លោកបានបញ្ជាក់ប្រាប់ថា លោកអត់មានលទ្ឋភាព បើកប្រាក់លើកទឹកចិត្តបន្ថែមជូនដល់ទៅបុគ្គលិកទាំងនោះរហូត ដល់ទៅខែនោះឡើយ ។ ការតវ៉ាទាមទាររបស់ក្រុមបុគ្គលិករយៈពេល៣ថ្ងៃ រហូតដល់ថ្ងៃទី២៧ មីនានេះ លោកភួន ផេង ជាម្ចាស់កាស៊ីណូ បានឲ្យដឹងថា ការសម្របសម្រួលជាមួយបុគ្គលិក បានត្រូវរ៉ូវគ្នាហើយ ដោយលោកសម្រេចបើកប្រាក់ខែចុងក្រោយ និង ប្រាក់លើកទឹកចិត្តចំនួន១ខែបន្ថែមទៀត គឺសម្រេចបើកសរុបឲ្យទាំងអស់នៅថ្ងៃទី២៧ ខែមីនានេះតែម្តង ។ ថៅកែកាស៊ីណូឡាក់ប៉ោយប៉ែត លោកភួន ផេង បានបញ្ជាក់យ៉ាងច្បាស់ថា កាស៊ីណូនេះក្រោយពេលបើកប្រាក់ខែជូនដល់បុគ្គលិករួចរាល់ហើយនោះ និង ត្រូវបិទក្រុមហ៊ុនចោលជាបណ្តោះអាសន្ន រង់ចាំមានដៃគូថ្មីមកវិនិយោគបន្តទៀត ។
គួរកត់សម្គាល់ថា កាស៊ីណូឡាក់គីប៉ោយប៉ែតដែលមានលោកភួន ផេង ជាម្ចាស់នេះ បានបិទទ្វារក្រុមហ៊ុនតែមួយផ្នែកប៉ុណ្ណោះ ចំណែកផ្នែកក្រោមឈៀងខាងស្តាំ លោកបានជួលឲ្យថៅកែជនជាតិខ្មែរឈ្មោរតនា និង ឈ្មោះឡូត បើកល្បែងសម្រាប់ឲ្យពលរដ្ឋខ្មែរចូលលេងយ៉ាងគគ្រឹកគគ្រេងរបៀបអនាធិបតេយ្យបំផុត ទង្វើនេះបានផ្គើន ទៅនឹងបទបញ្ជារបស់សម្តេចតេជោ ហ៊ុន សែន ប្រមុខរាជរដ្ឋាភិបាល ដែលបានហាមដាច់ខាតមិនឲ្យពលរដ្ឋខ្មែរចូលលេងល្បែងដោយខុសច្បាប់នៅក្នុងកាស៊ីណូនោះឡើយ ៕
ចែករំលែកព័តមាននេះ