ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា កម្លាំងនគរបាលខេត្តកំពង់ស្ពឺ បានបំបែកសំណុំរឿងករណីបាញ់ប្លន់ទូមាស នៅផ្សារតាឡាត់ ស្ថិតក្នុងស្រុកភ្នំស្រួច ខេត្តកំពង់សឺ្ព ដែលបណ្តាលឱ្យបុរសស្មៀនឃុំម្នាក់ឈ្មោះអ៊ិន ធឿន ហៅប៉ោ អាយុ៤៨ឆ្នាំ ជាស្មៀន
ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា កម្លាំងនគរបាលខេត្តកំពង់ស្ពឺ បានបំបែកសំណុំរឿងករណីបាញ់ប្លន់ទូមាស នៅផ្សារតាឡាត់ ស្ថិតក្នុងស្រុកភ្នំស្រួច ខេត្តកំពង់សឺ្ព ដែលបណ្តាលឱ្យបុរសស្មៀនឃុំម្នាក់ឈ្មោះអ៊ិន ធឿន ហៅប៉ោ អាយុ៤៨ឆ្នាំ ជាស្មៀនឃុំជាំសង្កែស្លាប់យ៉ាងអាណោចអាធ័ម កើតឡើងកាលពីថៃ្ងទី១៩ ធ្នូ ២០១៥ កន្លងទៅ ដែលពេលនេះ ជនសង្ស័យត្រូវចាប់ខ្លួនបានទៀត ខណៈបក្សពួកមួយចំនួនបញ្ជូនដាក់ពន្ធនាគារហើយ ។
នៅចំពោះមុខសមត្ថកិច្ច ជនសង្ស័យឈ្មោះម៉ៅ គឹមអេង បានឆ្លើយសារភាពថា ក្នុងសកម្មភាពបាញ់ប្លន់ទូមាសនៅផ្សារតាឡាត់ គឺរូបគេ ព្រមទាំងបក្សពួកឈ្មោះរ័ត្ន ជាអ្នកប្លន់ ។ ជនសង្ស័យបន្តថា ពេលចូលទៅដល់កន្លែងទូមាស គេដកកាំភ្លើងអាកាភ្ជង់ម្ចាស់ ហើយឈ្មោះរ័ត្ន ជាអ្នកយកពូថៅវាយបំបែកទូកញ្ចក់ ។ ពេលនោះ គេឃើញបុរសម្នាក់ (ស្មៀន) ឈានជើងមក រូបគេក៏បាញ់១គ្រាប់ ហើយបានប្រមូលយកមាសដាក់ចូលហោប៉ៅរួចនាំគ្នាជិះម៉ូតូ យកទៅប្លុងចោលក្នុងព្រៃ ទើបដើរមកផ្លូវជាតិលេខ៤ ហើយហៅតាក់ស៊ី ជិះទៅកំពង់សោម ដេកនៅផ្ទះសំណាក់ដើមស្វាយជិតផ្សារលើ ។
ចំពោះគ្រឿងមាស ដែលប្លន់បាន គឺគេចែកគ្នាម្នាក់ពាក់កណ្តាល និងយកទៅលក់បានលុយ៣,០០០ដុល្លារ យកលុយដើរស៊ីចាយ នៅកំពង់សោម រហូតអស់ពីខ្លួន ។ ក្រោយៗមកទៀត បានចេញបាញ់ប្លន់ម៉ូតូ នៅស្រុកសំរោងទង បណ្តាលឱ្យជនរងគ្រោះរងរបួស យកបានម៉ូតូសេ១២៥មួយគ្រឿងយកទៅលក់ទៀត ។ លើកចុងក្រោយ នាំគ្នាមកភ្ជង់ប្លន់សេ១២៥ បានមួយគ្រឿងទៀត នៅភ្នំស្រួច ក៏ត្រូវសមត្ថកិច្ចស្ទាក់ចាប់បាន ខណៈពេលគេកំពុងជិះមូតូរត់គេចខ្លួន ។
ចែករំលែកព័តមាននេះ