ខេត្តបន្ទាយមានជ័យ៖ ខេត្តបន្ទាយមានជ័យក្រោយទឹកជំនន់បានជន់លិចសាលារៀនជិត៧០នោះក៏ត្រូវបានបិទទ្វារប៉ុន្តែពេលនេះ បានបើកដំណើរការឡើងវិញមានចំនួនជាង២០សាលា គិតត្រឹមថ្ងៃទី១៧ តុលា ឆ្នាំ២០២២ ។ លោក ឈូ ប៊ុនរឿង…
ខេត្តបន្ទាយមានជ័យ៖ ខេត្តបន្ទាយមានជ័យក្រោយទឹកជំនន់បានជន់លិចសាលារៀនជិត៧០នោះក៏ត្រូវបានបិទទ្វារប៉ុន្តែពេលនេះ បានបើកដំណើរការឡើងវិញមានចំនួនជាង២០សាលា គិតត្រឹមថ្ងៃទី១៧ តុលា ឆ្នាំ២០២២ ។
លោក ឈូ ប៊ុនរឿង ប្រធានមន្ទីអប់រំយុវជន និងកីឡាខេត្តបន្ទាយមានជ័យបានប្រាប់ថា ខេត្តបន្ទាយមានជ័យមាន៩ស្រុក-ក្រុងដែលរងផលប៉ៈពាល់ ដោយសារទឹកជំនន់ជន់លិចសាលារៀន ។ ៨ស្រុក/ក្រុងចំនួន៦៩សាលា ត្រូវបានបិទទ្វារ តែពេលនេះដោយស្ថានភាពទឹកជំនន់បានស្រកជាបណ្តើៗហើយនោះ សាលាចំនួន២២ក៏ត្រូវបានបើកឱ្យដំណើរការសិក្សាឡើងវិញ ។
លោកបានបញ្ជាក់ថា សាលារៀនដែលត្រូវបានបិទទ្វារផ្អាកការសិក្សាដោយទឹកជំនន់ជន់លិចមានចំនួន៦៩សាលារៀន ក្នុងនោះ មានមតេយ្យ បឋមសិក្សា និងអនុវិទ្យាល័យ និងបានប៉ះពាល់សិស្ស១៦.៣២៨នាក់ស្រី៨.០៦២នាក់ខកខានមិនបានរៀនសូត្រ ។
លោក ឈូ ប៊ុនរឿង បានបញ្ជាក់ទៀតថា ទឹកជំនន់ដែលប៉ះពាល់សាលារៀន មាន១-ស្រុកព្រៈនេត្រព្រៈចំនួន២៣សាលារៀន មានមតេយ្យសាលា១, បឋមសិក្សា១, សាលារៀន អនុវិទ្យាល័យ១, សិស្សរងផលប៉ៈពាល់៥.៩២៦នាក់ ។ ២-ស្រុកភ្នំស្រុកមានចំនួន១៣សាលា, បឋមសិក្សា១២, អនុវិទ្យាល័យ១សាលា សិស្សរងផលប៉ៈពាល់១.៩៣៤នាក់, ។
៣-ស្រុកថ្មពួកមានចំនួន០៣សាលា បឋមសិក្សា៣សាលា សិស្សរងផលប៉ៈពាល់៨៣១នាក់ ៤-ស្រុកស្វាយចេកមាន២សាលា បឋមសិក្សា២សាលាសិស្សរងផលប៉ៈពាល់៣៦៦នាក់ ៥-ស្រុកម៉ាឡៃមាន៤សាលាបឋមសិក្សា៣សាលាអនុវិទ្យាល័យ១ សិស្សរងផលប៉ៈពាល់១.០៨៣នាក់ ។
៦-ស្រុកមង្គលបូរីមាន១៦សាលាបឋមសិក្សា១៣សាលាអនុវិទ្យាល័យ៣សាលាសិស្សរងផលប៉ៈពាល់៤.១១៩នាក់៧.ស្រុកអូរជ្រៅមាន៣សាលាបឋមសិក្សា២សាលាអនុវិទ្យាល័យ១សាលា សិស្សរងផលប៉ៈពាល់៩៥៨នាក់ និង៨-ក្រុងសិរីសោភ័ណមាន៥សាលាបឋមសិក្សា៥សាលាសិស្សរងផលប៉ៈពាល់១.១១១នាក់ ៕
ចែករំលែកព័តមាននេះ