រាជធានីភ្នំពេញ ៖ សេចក្តីរាយការណ៍ឱ្យដឹងថា កម្លាំងអាជ្ញាធរជាច្រើននាក់ ដែលដឹកនាំដោយលោកប៉ិល កុសល អភិបាលខណ្ឌ, លោកជុំ សារ៉ាយ ចៅសង្កាត់ ព្រមទាំងមានលោកប្រធានសាធារណៈការ និងមានទាំងរថយន្តពន្លត់អគ្គិភ័យ និងគ្រឿងចក្រ ចុះទៅ
រាជធានីភ្នំពេញ ៖ សេចក្តីរាយការណ៍ឱ្យដឹងថា កម្លាំងអាជ្ញាធរជាច្រើននាក់ ដែលដឹកនាំដោយលោកប៉ិល កុសល អភិបាលខណ្ឌ, លោកជុំ សារ៉ាយ ចៅសង្កាត់ ព្រមទាំងមានលោកប្រធានសាធារណៈការ និងមានទាំងរថយន្តពន្លត់អគ្គិភ័យ និងគ្រឿងចក្រ ចុះទៅធ្វើការរៀបចំ និងបាញ់ទឹកសម្អាតតាមដងផ្លូវសម្តេចជា ស៊ីម នាព្រឹកថ្ងៃទី២៧ មីនា នេះ ស្ថិតក្នុងភូមិច្រែស សង្កាត់ភ្នំពេញថ្មី ខណ្ឌសែនសុខ ដើម្បីឱ្យមានសោភ័ណភាពឡើងវិញ ។
ការធ្វើបែបនេះ គឺដោយសារតែផ្លូវខាងលើ ត្រូវបានរថយន្តធុនធំៗដឹកខ្សាច់ធ្លាក់រាយ និងកកពេញផ្លូវ ដែលធ្វើឱ្យមានការលំបាកដល់ប្រជាពលរដ្ឋធ្វើដំណើរ នឹងអាចបង្កទៅជាគ្រោះថ្នាក់ដោយយថាហេតុណាមួយផងដែរ ។ អាជ្ញាធរបានប្រើគ្រឿងចក្រទៅកាយដីពំនូកនោះចេញ និងបាញ់ទឹកសម្អាត ។
មានការលើកឡើងថា បន្ទាប់ពីអាជ្ញាធរចុះរៀបចំសម្អាតបែបនេះហើយ ចាំមើលមានរថយន្តណា ដែលហ៊ានបំផ្លាញផ្លូវទៀត ហើយអាជ្ញាធរនឹងវិធានការបែបណាដែរ?
ចែករំលែកព័តមាននេះ