ជនសង្ស័យ២នាក់ត្រូវសមត្ថកិច្ចឃាត់ខ្លួន ពីបទចែកចាយ និងប្រើប្រាស់គ្រឿងញៀ.ន
ខេត្តឧត្តរមានជ័យ ៖ កម្លាំងនគរបាល នៃអធិការដ្ឋាននគរបាល ស្រុកត្រពាំងប្រាសាទ បានធ្វើការឃាត់ខ្លួនបុរស២នាក់ ដោយចោទពីបទចែកចាយ
ខេត្តឧត្តរមានជ័យ ៖ កម្លាំងនគរបាល នៃអធិការដ្ឋាននគរបាល ស្រុកត្រពាំងប្រាសាទ បានធ្វើការឃាត់ខ្លួនបុរស២នាក់ ដោយចោទពីបទចែកចាយ និងប្រើប្រាស់គ្រឿងញៀនកាលពីវេលាម៉ោង៦និង៣០នាទីព្រឹក ថ្ងៃទី២៥ មីនា ២០១៧។ ហេតុការណ៍នេះកើតឡើងនៅក្នុងភូមិថ្នល់កែង ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។ ជនសង្ស័យឈ្មោះ ជួន សុខ ភេទប្រុស អាយុ៣៣ឆ្នាំ នឹងម្នាក់ទៀតឈ្មោះ នួន វុធ ភេទប្រុស អាយុ១៩ឆ្នាំ ទាំង២នាក់នេះ រស់នៅក្នុងភូមិឃុំកើតហេតុខាងលើ។
នគរបាលអធិការស្រុកត្រពាំងប្រសាទបានឱ្យដឹងថា មុនពេលធ្វើការឃាត់ខ្លួនជនសង្ស័យទាំង២នាក់នេះ ដោយបានទទួលនៅព័ត៌មានរាយការណ៍ពីបណ្តាញមកថា ជនសង្ស័យកំពុងធ្វើការចែកចាយ និងប្រើប្រាស់ ខណៈនោះកម្លាំងសមត្ថកិច្ចបានចុះទៅធ្វើការបង្ក្រាបភ្លាមៗ ឃាត់ខ្លួននាំមកអធិការដើម្បីធ្វើការសាកសួរ។ នគរបាលដដែលបានបន្តថា យោងតាមការសាកសួរ ជនសង្ស័យបានឆ្លើយសារភាពថា ខ្លួនពិតជាបានចែកចាយ និងបានប្រើប្រាស់ពិតប្រាកដមែន។
យោងតាមចម្លើយរួមទាំងវត្ថុតាងថ្នាំញៀនប្រភេទម៉ាទឹកកក(lCE) ទូរស័ព្ទដៃចំនួន១គ្រឿងខូច លុយខ្មែរចំនួន៧,000រៀល សម្ភារសម្រាប់ជក់មួយចំនួនទៀត សមត្ថកិច្ចបានកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្តទៅតាមនីតិវិធី។ គួរំលឹកថា ការបង្ក្រាបគ្រឿងញៀននៅក្នុងខេត្តឧត្តរមានជ័យរបស់កងកម្លាំងសមត្ថកិច្ចហាក់បីដូចជាគ្មានប្រសិទ្ធភាព ខណៈក្រុមក្មេងទំនើងដែលប្រើប្រាស់នូវសារៈធាតុញៀននៅតែកើតមានដដែល និងអ្នកចែកចាយនៅតែកើតមានដដែលពុំមានការចុះថយនោះទេ៕
ចែករំលែកព័តមាននេះ