រាជធានីភ្នំពេញ ៖ កាលពីថ្ងៃទី១៦ ខែតុលា ឆ្នាំ២០២២ គណៈមេធាវីនៃព្រះរាជាណាចក្រកម្ពុជា បានធ្វើពិធីបើកមហាសន្និបាតប្រចាំឆ្នាំលើកទី២៧ និងត្រូវបោះឆ្នោតជ្រើសរើសប្រធានគណៈមេធាវី ដើម្បីបន្តអាណត្តិទី១៤ (២០២២…
រាជធានីភ្នំពេញ ៖ កាលពីថ្ងៃទី១៦ ខែតុលា ឆ្នាំ២០២២ គណៈមេធាវីនៃព្រះរាជាណាចក្រកម្ពុជា បានធ្វើពិធីបើកមហាសន្និបាតប្រចាំឆ្នាំលើកទី២៧ និងត្រូវបោះឆ្នោតជ្រើសរើសប្រធានគណៈមេធាវី ដើម្បីបន្តអាណត្តិទី១៤ (២០២២ ដល់២០២៤) ពីលោក លី ច័ន្ទតុលា ដែលជាប្រធានគណៈមេធាវីបច្ចុប្បន្ន មហាសន្និបាតរបស់គណៈមេធាវី បានធ្វើឡើងនៅសណ្ឋាគារសុខសរ៉េស៊ីដង់ ភ្នំពេញ ដោយមានសមាជិក សមាជិកា មេធាវីប្រមាណ២០៤៥ រូបចូលរួម ។
មហាសន្និបាតគណៈមេធាវីប្រចាំឆ្នាំលើកទី២៧ សម្រាប់អាណត្តិទី១៤នេះ មានមេធាវីឈរឈ្មោះធ្វើជា«ប្រធានគណៈមេធាវី»តែម្នាក់គត់ គឺលោក លី ច័ន្ទតុលា ដែលគ្មានគូប្រជែង (មានន័យថា ដោយមើលឃើញសកម្មភាពរបស់លោក លី ច័ន្ទតុលា ជាប្រធានគណៈមេធាវីអាណត្តិទី១៣ ផុសផុល និងល្អឥតខ្ចោះ១អាណត្តិ២ឆ្នាំកន្លងមក ទើបមិនមានមេធាវីណាម្នាក់ហ៊ានឈរឈ្មោះជាបេកជន ដើម្បីប្រកួតប្រជែងយកតំណែងប្រធានគណៈមេធាវី ពីលោក លី ច័ន្ទតុលា នោះឡើយ) ។
ដូច្នោះ មហាសន្និបាតបានវិនិច្ឆ័យ ដោយមេធាវីចំនួន១៦៤០រូប បោះឆ្នោតប្រគល់សិទ្ធិជូនលោក លី ច័ន្ទតុលា ជាប្រធានគណៈមេធាវី បន្ត២ឆ្នាំទៀតក្នុងអាណត្តិទី១៤ ជាលទ្ទផលលោក លី ច័ន្ទតុលា ទទួលបានការគាំទ្រ២០១៦សំឡេង ស្មើនឹង៩៨.៥៨% ។
បន្ទាប់ពីមហាសន្និបាតដែល ចូលរួម បិទដោយ រដ្ឋមន្ត្រី ក្រសួងយុត្តិធម៌ លោក កើត រិទ្ធ គឺគណៈមេធាវី បានរៀបចំ កម្មវិធីជប់លៀងអបអរសាទរមហាសន្និបាតប្រចាំឆ្នាំលើកទី២៧ នារសៀលថ្ងៃដដែល ក្រោមអធិបតីភាពលោក ហ៊ុន ម៉ាណែត ។
សូមរម្លឹកថា មេធាវី លី ច័ន្ទតុលា អត្តលេខ ៥៨១ កើតនៅថ្ងៃទី១ ខែមករា ឆ្នាំ១៩៧៨ លោក ក្លាយជាមេធាវីពេញសិទ្ធិ នៅថ្ងៃទី៧ ខែកក្កដា ឆ្នាំ២០០៩ ។ លោកមេធាវី លី ច័ន្ទតុលា ក៏បាន បើកក្រុមហ៊ុនមេធាវី អេស វី ភី S.V.P. LAW FIRM ។ លោកមេធាវី លី ច័ន្ទតុលា បានឈ្នះការបោះឆ្នោត ក្នុងមហាសន្និបាត បោះ ឆ្នោត ជ្រើសរើស ប្រធាន គណៈមេធាវី អាណត្តិ ទី ១៣ កាលពី ថ្ងៃ ទី ១៦ ខែតុលា ឆ្នាំ ២០២០ បន្តពី លោក សួន វិសាល ប្រធាន គណៈ មេធាវី ផុត អាណត្តិ ។ កាលណោះមានបេក្ខជនប្រជែង តំណែងប្រធានគណៈមេធាវី ៥រូប រួមមាន ៖
១.លោក មេធាវី លី ច័ន្ទ តុលា មក ពី ក្រុមហ៊ុន មេធាវី អេស វី ភី
២.លោក មេធាវី កែ ត ឃី មក ពី ក្រុម មេធាវី ពន្លឺយុត្តិធម៌
៣.លោក មេធាវី សំ សុខ គង់ មក ពី ក្រុម មេធាវី ប៊ី ប៊ី ស៊ី
៤.លោក មេធាវី សូ សូ វាន និង៥.លោក មេធាវី សេក សោ ភ័ ណ្ឌ មក ពី ការិយាល័យ មេធាវី រ៉ៃ & ប៊ី ស៊ី នី ស ។ ប៉ុន្តែលើកនេះបេកជនដែលឈរឈ្មោះជាប្រធានគណៈមេធាវី គឺមានតែលោក លី ច័ន្ទតុលា ម្នាក់ឯងប៉ុណ្ណោះ ដោយគ្មានគូប្រកួតប្រជែង ។ ដែលមេធាវីម្នាក់ មានអាណត្តិក្លាយជាប្រធាន គណៈមេ ធាវី តាមរយៈការបោះឆ្នោតក្នុងមហាសន្និបាតត្រឹមតែ២អាណត្តិ ដែលក្នុង១អាណត្តិ មានរយៈពេល២ឆ្នាំ ។
ចែករំលែកព័តមាននេះ