មិនទាន់បានធ្វើសកម្មភាពផងស្រាប់តែសមត្ថកិច្ចវាយខ្នោះបាត់
រាជធានីភ្នំពេញ ៖ ជនសង្ស័យជាមុខសញ្ញាកាច់សោរ.កម៉ូតូ និងគាស់ផ្ទះ២នាក់ត្រូវបានកម្លាំងនគរបាលខណ្ឌជ្រោយចង្វារ
រាជធានីភ្នំពេញ ៖ ជនសង្ស័យជាមុខសញ្ញាកាច់សោរ.កម៉ូតូ និងគាស់ផ្ទះ២នាក់ត្រូវបានកម្លាំងនគរបាលខណ្ឌជ្រោយចង្វារ
រាជធានីភ្នំពេញ ៖ ជនសង្ស័យជាមុខសញ្ញាកាច់សោរ.កម៉ូតូ និងគាស់ផ្ទះ២នាក់ត្រូវបានកម្លាំងនគរបាលខណ្ឌជ្រោយចង្វារ ភ្ជង់ចាប់វាយខ្មោះឱ្យដេកនៅលើទ្រូងផ្លូវ ខណៈពេលដែលជនសង្ស័យជិះម៉ូតូមួយគ្រឿងដើរធ្វើសកម្មភាពពេលយប់ ។ ការឃាត់ខ្លួនជនសង្ស័យ កាលពីវេលាម៉ោង១១យប់ថ្ងៃទី២៣ ខែមិនា ឆ្នាំ២០១៧ នៅចំណុចក្បាលស្ពានជ្រោយចង្វារ ក្នុងភូមិទី១ សង្កាត់ជ្រោយចង្វារ ខណ្ឌជ្រោយចង្វារ ។
នៅពេលឃាត់ខ្លួននគរបាលបានដកហូតបានសម្ភារៈសម្រាប់ធ្វើសកម្មភាពគាស់ផ្ទះ ដែក ឆ្កឹះ និងដែកកាច់សោរម៉ូតូមួយចំនួន ។ ជនសង្ស័យដែលត្រូវឃាត់ខ្លួនទី១-ឈ្មោះ វិញ វិរៈ ភេទប្រុស អាយុ៣០ឆ្នាំ មានស្រុកកំណើតភូមិអូរអ៊ំលូង ឃុំប្រទង ស្រុងស្ទឹងត្រង់ ខេត្តកំពង់ចាម និងទី២-ឈ្មោះ ឃុំ សាក់ ភេទប្រុស អាយុ២៩ឆ្នាំ ស្នាក់នៅផ្ទះគ្មានលេខ សង្កាត់បឹងកក់១ ខណ្ឌទួលគោក ។
តាមនគរបាលបានឱ្យដឹងថា នៅយប់ថ្ងៃកើតហេតុកម្លាំងនគរបាលអន្តរាគមន៍ខណ្ឌជ្រោយចង្វារបានជិះល្បាតក្នុងមូលដ្ឋានសង្កាត់ជ្រោយចង្វារ ត្រង់ចំណុចក្បាលជ្រោយក្បែរ សណ្ឋាគារសុខាក៏បានប្រទះឃើញជនសង្ស័យ២នាក់ជិះម៉ូតូម៉ាកវីវ៉ាពណ៌ខ្មៅកញ្ចាស់មួយគ្រឿង ដោយមានការសង្ស័យកម្លាំងនគរបាលក៏បានហៅឱ្យឈប់ធ្វើការឆែកឆេរ ក៏បានប្រទះឃើញសម្ភារៈសម្រាប់លួច និងគាស់ផ្ទះក៏ភ្ជង់ចាប់វាយខ្នោះឱ្យដេកនៅម្តុំ ហើយរាយការណ៍មកកម្លាំងនគរបាលឱ្យជួយអន្តរាគមន៍ និងនាំខ្លួនទៅកាន់អធិការដ្ឋានខណ្ឌជ្រោយចង្វារដើម្បីសាកសួរ ។ នៅចំពោះមុខជនសង្ស័យបានសារភាពថា ខ្លួនបានចេញធ្វើសកម្មភាពដើរលួចតែមិនទាន់លួចបានផងត្រូវក៏ប្រទះនឹងកម្លាំងនគរបាលឃាត់ខ្លួនតែម្តង ៕
ចែករំលែកព័តមាននេះ