សមត្ថកិច្ចមន្ទីរប្រឆាំងគ្រឿងបទល្មើសគ្រឿងញៀ.នក្រសួងមហាផ្ទៃ កាលពីព្រឹកថ្ងៃទី១៧ ខែតុលា ឆ្នាំ២០២២ ដោយបានសង្កេតឃើញរថយន្តស៊េរីទំនើប៣គ្រឿង បានដឹកជនជាតិចិនតៃវ៉ាន់ចំនួន៨នាក់ ចូលទៅក្នុងសាលាដំបូងរាជធានីភ្នំពេញ ដែលត្រូវបានគេរាយការណ៍មកថា
រាជធានីភ្នំពេញ ៖ សមត្ថកិច្ចមន្ទីរប្រឆាំងគ្រឿងបទល្មើសគ្រឿងញៀ.នក្រសួងមហាផ្ទៃ កាលពីព្រឹកថ្ងៃទី១៧ ខែតុលា ឆ្នាំ២០២២ ដោយបានសង្កេតឃើញរថយន្តស៊េរីទំនើប៣គ្រឿង បានដឹកជនជាតិចិនតៃវ៉ាន់ចំនួន៨នាក់ ចូលទៅក្នុងសាលាដំបូងរាជធានីភ្នំពេញ ដែលត្រូវបានគេរាយការណ៍មកថា ជនសង្ស័យទាំង៨នាក់នោះ ពាក់ពន្ធករណី.រក្សាទុក និងជួញដូរដោយខុសច្បាប់នូវសារធាតុញៀ.នជិត២តោន។
បើទោះបីជាសមត្ថកិច្ចមិនទាន់បង្ហើបព័ត៌មានជាផ្លូវការយ៉ាងក្តី ប៉ុន្តែករណីខាងលើនេះ ត្រូវបានគេដឹងថា កាលពីថ្ងៃទី៧ ខែតុលា ឆ្នាំ២០២២ កម្លាំងសមត្ថកិច្ចនគរបាលជំនាញការិយាល័យទី១ (ក១) នៃមន្ទីរប្រឆាំងបទល្មើសគ្រឿងញៀ.ន សហការជាមួយស្នងការដ្ឋាននគរបាលរាជធានីភ្នំពេញ ក្រោមការសម្របសម្រួលពីស្ថាប័នអយ្យការ បានចុះទៅបង្ក្រាប និងធ្វើការឃាត់ខ្លួនជនជាតិចិនតៃវ៉ាន់ជាបន្តបន្ទាប់ រហូតដល់ទៅចំនួន៨នាក់ រួមទាំងរឹបអូសវត្ថុតាងមាន គ្រឿងញៀ.នប្រមាណ ១ ៩៨៥ គីឡូក្រាម (ជិត២តោន) និងសារធាតុគីមីផ្សំគ្រឿងញៀ.នរាប់ពាន់គីឡូក្រាមទៀតផង។
ប្រភពដដែលបង្ហើបឲ្យដឹងទៀតថា ជាមួយនឹងការឃាត់ខ្លួនជនសង្ស័យទាំង៨នាក់នោះ សមត្ថកិច្ចបានធ្វើការដកហូតអាវុធខ្លីចំនួន៤ដើម គ្រាប់បែកចំនួន៥គ្រាប់ និងរថយន្ត៣គ្រឿងផងដែរ។
ក្រោយឃាត់ខ្លួនជនសង្ស័យ និងវត្ថុតាងគ្រឿងញៀ.នរាប់តោន សមត្ថកិច្ចបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដែលសំណុំរឿងនេះបានស្ថិតនៅលោក សិត វណ្ណៈ ព្រះរាជអាជ្ញារង អមសាលាដំបូងបើកការស៊ើបសួរ តាមរយៈអ្នកបកប្រែភាសាជនជាតិចិនតៃវ៉ាន់នោះ។ ការសាកសួរជនសង្ស័យរហូតដល់រសៀលថ្ងៃដដែលនេះ មិនទាន់ត្រូវបានបញ្ចប់នៅឡើងទេ ដូច្នោះតំណាងអយ្យការ អាចនឹងផ្ញើជនសង្ស័យទៅសមត្ថកិច្ច ដើម្បីយកទៅគ្រប់គ្រងវិញ ដោយរង់ចាំសាកសួរបន្តទៀត៕
ចែករំលែកព័តមាននេះ