ខេត្តបន្ទាយមានជ័យ ៖ គ្រោងឆ្អឹងមនុស្ស ត្រូវបានអ្នកដើរដាក់អង្គប់កណ្តុរ ប្រទះឃើញនៅក្បែរមាត់បឹងខ្លាឡាប់ខាងលិច ស្ថិតក្នុងភូមិទម្លាប់ ឃុំប្រាសាទ ស្រុកព្រះនេត្រព្រះ បង្កឱ្យមានការភ្ញាក់ផ្អើល កាលពីវេលាយប់ថ្ងៃទី២៤ មីនា ។
ខេត្តបន្ទាយមានជ័យ ៖ គ្រោងឆ្អឹងមនុស្ស ត្រូវបានអ្នកដើរដាក់អង្គប់កណ្តុរ ប្រទះឃើញនៅក្បែរមាត់បឹងខ្លាឡាប់ខាងលិច ស្ថិតក្នុងភូមិទម្លាប់ ឃុំប្រាសាទ ស្រុកព្រះនេត្រព្រះ បង្កឱ្យមានការភ្ញាក់ផ្អើល កាលពីវេលាយប់ថ្ងៃទី២៤ មីនា ។
ប្រភពឱ្យដឹងថា គ្រោងឆ្អឹងសព ពុំទាន់ត្រូវស្គាល់អត្តសញ្ញាណនៅឡើយទេ ឆ្អឹងស្ថិតក្នុងសម្លៀកបំពាក់ស្លាប់ជាយូរមកហើយ ។
លោកមាស រឹទ្ធី អធិការនគរបាលស្រុកព្រះនេត្រព្រះ មិនអាចទាក់ទងសុំការអត្ថាធិប្បាយបានទេ ដោយទូរស័ព្ទចុចមិនចូលជាច្រើនដង ។ យ៉ាងណាក៏ដោយ ជុំវិញករណីខាងលើ លោកប្រុក ឡែ ជាមេប៉ុស្តិរដ្ឋបាលនគរបាលឃុំប្រាសាទបានប្រាប់តាមទូរស័ព្ទថាគ្រោងឆ្អឹងសពខាងលើ ត្រូវបានប្រទះឃើញដោយអ្នកដើរដាក់អង្គប់កណ្តុរ កាលពីយប់ថ្ងៃទី២៤ មីនា ។ បន្ទាប់មក ក៏បានរាយការណ៍ដល់សមត្ថកិច្ចតែម្តង ។
នៅព្រឹកថ្ងៃទី២៥ មីនា នេះ សមត្ថកិច្ចជំនាញរបស់អធិការដ្ឋាននគរបាលស្រុកព្រះនេត្រព្រះ បានចុះដល់កន្លែងកើតហេតុ ហើយនិងកំពុងបើកការត្រួតពិនិត្យ ។ ប្រភពមួយទៀតបានឱ្យដឹងថា កាលពី៣ ទៅ៤ខែមុន បុរសម្នាក់មានទីលំនៅភូមិត្រឡោកឃុំភ្នំលាប ស្រុកព្រះនេត្រព្រះ បានបាត់ខ្លួនដោយមិនដឹងថាទៅណាទេ ដោយមកទល់ពេលនេះ ក្រុមគ្រួសារក៏នៅមិនទាន់ទទួលបានដំណឹងឡើយ ។
ចែករំលែកព័តមាននេះ