គួរសង្វេគកូនប្រុសស្រី2នាក់ស្លា.ប់ក្នុងអណ្តាតភ្លើង
ខេត្តមណ្ឌលគិរី ៖ កុមារពីរនាក់បងប្អូនបានស្លា.ប់ក្នុងអណ្តាតភ្លើង យ៉ាងអាណោចអាធ័មដូចដុតទាំងរស់ ខណៈពួកគេកំពុងលង់លក់ក្នុងដំណេក
ខេត្តមណ្ឌលគិរី ៖ កុមារពីរនាក់បងប្អូនបានស្លា.ប់ក្នុងអណ្តាតភ្លើង យ៉ាងអាណោចអាធ័មដូចដុតទាំងរស់ ខណៈពួកគេកំពុងលង់លក់ក្នុងដំណេក
ខេត្តមណ្ឌលគិរី ៖ កុមារពីរនាក់បងប្អូនបានស្លាប់ក្នុងអណ្តាតភ្លើង យ៉ាងអាណោចអាធ័មដូចដុតទាំងរស់ ខណៈពួកគេកំពុងលង់លក់ក្នុងដំណេក ហើយត្រូវអគ្គិភ័យឆេះផ្ទះកណ្តាលរាត្រី ។ ហេតុការណ៍ដ៏សោកសៅនេះ បានកើតឡើងកាលពីវេលាម៉ោង១០ និង១០នាទីយប់ ថ្ងៃទី២៣ មីនា នៅភូមិខ្ញែង ឃុំចុងផ្លាស់ ស្រុកកែវសីមា ។
នាយប៉ុស្តិ៍នគរបាលរដ្ឋបាលឃុំចុងផ្លាស់លោកឡេវ វិបុល បានឱ្យដឹងថា មុនពេលកើតហេតុឪពុក-ម្ដាយក្មេងរងគ្រោះ បានចេញទៅមើលទូរទស្សន៍នៅផ្ទះបងប្អូន ដែលមានចម្ងាយប្រមាណ៥០ម៉ែត្រពីផ្ទះរបស់ខ្លួន និងបានទុកឱ្យកូនទាំងពីរនាក់គេងក្នុងផ្ទះ ។ បន្តិចក្រោយមកក៏មានគេស្រែកប្រាប់ថា ភ្លើងឆេះផ្ទះ ទើបឪពុក-ម្ដាយក្មេងរងគ្រោះ រួមនិងអ្នកជិតខាងបាននាំគ្នាស្ទុះរត់មកជួយពន្លត់ភ្លើង ប៉ុន្តែមិនអាចពន្លត់បាននោះទេ ព្រោះភ្លើងបានឆេះពេញបន្ទុកទៅហើយ ។ អគ្គិភ័យនេះបានបណ្ដាលឱ្យក្មេងប្រុសឈ្មោះ យ៉ឹម ផល្លី អាយុ៤ឆ្នាំ និងក្មេងស្រីឈ្មោះ យ៉ឹម ផល្លា អាយុ២ឆ្នាំ បងប្អូនបង្កើតស្លាប់ក្នុងអណ្ដាតភ្លើងគួរឱ្យសង្វេគបំផុត ព្រោះគ្មានអ្នកណាមួយអាចជួយបានឡើយ។ ម្ចាស់ផ្ទះរងគ្រោះជាឪពុកឈ្មោះពាក យ៉ឹម អាយុ២៥ឆ្នាំ និងប្រពន្ឋឈ្មោះប៊ុន ភន អាយុ២៤ឆ្នាំ។ ទាំងឪពុកម្តាយនិងកូនតូចៗ ដែលស្លាប់ ជាជនជាតិភាគតិចព្នង ។
លោក ឡេវ វិបុល បានឱ្យដឹងទៀតថា នៅព្រឹកថ្ងៃទី ២៤ មីនា សមត្ថកិច្ច រួមជាមួយឪពុក-ម្ដាយក្មេងរងគ្រោះ បានកាយរកឃើញឆ្អឹងក្មេងទាំងពីរអ្នកហើយ ។ ចំណែកផ្ទះដែលត្រូវភ្លើងឆេះនេះមានទទឹង៦ម៉ែត្រ បណ្ដោយ៧ម៉ែត្រ ហើយក្នុងផ្ទះនេះក៏មានស្រូវ៤០បាវ ត្រូវភ្លើង ឆេះគ្មានសល់ផងដែរ ។ មូលហេតុនៃការឆេះផ្ទះស្លាប់កូនតូចៗទាំង២ សមត្ថកិច្ចសន្និដ្ឋានថា គឺបណ្ដាលមកពីភ្លើងទៀន ដែលឪពុកម្តាយក្មេងរងគ្រោះ ដុតទុកបំភ្លឺចោលក្នុងផ្ទះ ៕
ចែករំលែកព័តមាននេះ