យកថ្នាំញៀនពីភ្នំពេញទៅលក់នៅកំពង់ស្ពឺដូចបោះដុំអីវ៉ាន់
ខេត្តកំពង់ស្ពឺ ៖ មុខសញ្ញាជួញដូរថ្នាំញៀនដែលយកថ្នាំមកពីខណ្ឌពោធិសែនជ័យទៅលក់នៅភូមិសាស្ត្រស្រុកសំរោងទង
ខេត្តកំពង់ស្ពឺ ៖ មុខសញ្ញាជួញដូរថ្នាំញៀនដែលយកថ្នាំមកពីខណ្ឌពោធិសែនជ័យទៅលក់នៅភូមិសាស្ត្រស្រុកសំរោងទង
ខេត្តកំពង់ស្ពឺ ៖ មុខសញ្ញាជួញដូរថ្នាំញៀនដែលយកថ្នាំមកពីខណ្ឌពោធិសែនជ័យទៅលក់នៅភូមិសាស្ត្រស្រុកសំរោងទង ត្រូវបានសមត្ថកិច្ចជំនាញរួមនឹងប៉ុស្តិ៍រដ្ឋបាលធ្វើការឃាត់ខ្លួនជាក់ស្តែងរួមនឹងថ្នាំញៀនចំនួន20កញ្ចប់ ។ការឃាត់ខ្លួននេះធ្វើឡើងកាលពីវេលាម៉ោង4រសៀលនៅថ្ងៃទី23 ខែមីនា ឆ្នាំ2017 ចម្ងាយប្រមាណ500ម៉ែត្រ ស្ថិតក្នុងភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ។ ជនសង្ស័យឈ្មោះ បាន ដា ភេទប្រុស អាយុ១៨ឆ្នាំ រស់នៅភូមិសាមគ្គឺ សង្កាត់ត្រពាំងក្រសាំង ខណ្ឌពោធិសែនជយ័ ក្រុងភ្នំពេញ ។
លោកវរសេនីយ៍ទោ ឃុត សុផល អធិការនគរបាលសំរោងទងបានឲ្យដឹងថា ដោយអនុវត្តតាមទបញ្ជារបស់លោកស្នងការនគរបាលខេត្តរូបលោកបានសហការជាមួយកម្លាំងជំនាញប្រឆាំងគ្រឿងញៀនបានចុះធ្វើការស្រាវជ្រាវនៅភូមិសាស្ត្រស្រុកសំរោងទងដើម្បីបង្កា និងបង្ក្រាបមុខសញ្ញាជួញដូរថ្នាំញៀនស្របតាមយុទ្ធនាការប្រឆាំងគ្រឿងញៀនដែលប្រមុខថ្នាក់ដឹកនាំបានដាក់ចុះដើម្បីអនុវត្តនាពេលកន្លងមក ។
លោកអអិការបន្តថា ក្នុងពេលល្បាតកម្លាំងរបស់លោកបានប្រទះឃើញមុខសញ្ញាគួរឱ្យសង្ស័យក៏ធ្វើការឃាត់ខ្លួនដើម្បីឆែកឆេរ ក្រោយឃាត់ខ្លួនកម្លាំងរបស់លោកបានឆែករកឃើញថ្នាំញៀនចំនួន20កញ្ចប់នៅនឹងខ្លួនជនសង្ស័យបន្ទាប់ពីឆែករកឃើញមានថ្នាំញៀនហើយសមត្ថកិច្ចរបស់លោកបាននាំខ្លួនមុខសញ្ញាទៅកាន់អធិការដ្ឋាននគរបាលស្រុកដើម្បីធ្វើការសាកសួរ ។
នៅចំពោះមុខសមត្ថកិច្ចជនសង្ស័យបានឆ្លើយសារភាពថា ថ្នាំញៀនទាំងអស់នៅនឹងខ្លួនគេគឺគេទទួលយកមកពីបុរសម្នាក់ដើម្បីយកមកលក់ចែកចាយបន្ត ។ ជនសង្ស័យបន្តថា មុនពេលចាប់ខ្លួនគឺគេលក់ក្នុងភូមិសាស្ត្រខណ្ឌពោធិសែនជ័យហើយក៏មិនដែលមានសមត្ថកិច្ចណាចាប់ខ្លួនគេឡើយទើបតែម៉ូយថ្នាំខាងកំពង់ស្ពឺហៅឱ្យយកថ្នាំញៀនទាំងនេះមកឱ្យរូបគេក៏យកមក តែមិនទាន់ទៅដល់គោលដៅណាត់ដោះដូរថ្នាំផងក៏ត្រូវសមត្ថកិច្ចចាប់ខ្លួនតែម្តង ។ បច្ចុប្បន្នជនសង្ស័យរួមនឹងវត្ថុតាងសមត្ថកិច្ចបានធ្វើការឃុំខ្លួនបណ្តោះអាសន្ននៅអធិការស្រុកសំរោងទង ដើម្បីកសាងសំណុំរឿងបញ្ជូនទៅកាន់ការិយាល័យប្រឆាំងគ្រឿងញៀនដើម្បីចាត់ការតាមនីតិវិធី ៕
ចែករំលែកព័តមាននេះ