ខេត្តតាកែវ ៖ ករណីអាជ្ញាធខេត្ត និងជំនាញពេទ្យសត្វនៃមន្ទីរកសិកម្មខេត្ត បានឃុបឃិតគ្នាឱ្យឈ្មួញនាំចូលជ្រូករស់ ឬជ្រូកងាប់ពវៀតណាម ដោយមកដឹកចូលទីសត្វឃាត រួចកាប់សាច់លក់នៅតាមទីផ្សារនានាក្នុងខេត្តតាកែវ
ខេត្តតាកែវ ៖ ករណីអាជ្ញាធខេត្ត និងជំនាញពេទ្យសត្វនៃមន្ទីរកសិកម្មខេត្ត បានឃុបឃិតគ្នាឱ្យឈ្មួញនាំចូលជ្រូករស់ ឬជ្រូកងាប់ពវៀតណាម ដោយមកដឹកចូលទីសត្វឃាត រួចកាប់សាច់លក់នៅតាមទីផ្សារនានាក្នុងខេត្តតាកែវនោះមានច្រើនឆ្នាំមកហើយ អត់ដែលខ្វល់ពីផលប៉ះពាល់ដល់សុខភាពប្រជាពលរដ្ឋដែលទិញយកទៅទទួលទានឡើយ ហើយបញ្ហានេះបានធ្វើឱ្យប៉ះពាល់យ៉ាងធ្ងន់ធ្ងរដល់ការចិញ្ចឹមជ្រូករបស់ប្រជាពលរដ្ឋនៅក្នុងស្រុកមែនទែន។
មន្ត្រីពេទ្យសត្វខេត្តបានប្រាប់កោះសន្តិភាពយើងឱ្យដឹងថា រាល់ថ្ងៃនេះមានមេឈ្មួញម្នាក់ឈ្មោះ យឹម អេម បានទទួលសិទ្ធិផ្តាច់មុខពីអាជ្ញាធខេត្តឱ្យនាំចូលសត្វជ្រូកទាំងរស់ ទាំងឈឺ ងាប់ចូលពីវៀតណាមដោយខុសច្បាប់ ហើយដឹកដាក់តាមទីសត្វឃាត រួចកាប់សាច់លក់នៅតាមផ្សារនានាក្នុងតម្លែថោកឱ្យប្រជាពលរដ្ឋទិញយកទៅទទួលទាន ដោយអាជ្ញាធមិនបានខ្វល់ពីសុខភាពប្រជាពលរដ្ឋទេ ។
មន្ត្រីពេទ្យសត្វដដែលបានបន្តទៀតថា នៅរយៈពេល៤ទៅ៥ថ្ងៃមកនេះ នៅឯវៀតណាមបានផ្ទុះជំងឺទៅលើសត្វជ្រូកយ៉ាងធ្ងន់ធ្ងរធ្វើឱ្យអាជ្ញាធរបស់គេបានប្រមូលសត្វជ្រូកទាំងអស់យកទៅកម្ទេចចោលរាប់សែនក្បាល ដើម្បីកុំឱ្យឆ្លងរាលដាលដល់ប្រជាជនរបស់គេ តែដោយឡែកខេត្តតាកែវវិញនៅតែបន្តនាំជ្រូកទាំងអស់នោះពីវៀតណាមមកកាប់សាច់លក់ទៅឱ្យប្រជាពលរដ្ឋ ដោយមិនបានខ្វល់នឹងអ្វីទាំងអស់។ ចំពោះមេឈ្មួញនេះមានសិទ្ធិនាំជ្រូកខុសច្បាប់ចូលមកកាប់សាច់លក់នៅតាមផ្សារនានាក្នុងខេត្ត ចំណែកក្រុមហ៊ុនមួយទៀត នាំជ្រូកចូលមកពីវៀតណាមដូចគ្នា តែយកទៅលក់នៅភ្នំពេញ បើទោះបីជាមានករណីផ្ទុះជំងឺឆ្លងនៅឯវៀតណាមយ៉ាងណាក៏ដោយ ក៏ជ្រូកនៅតែនាំចូលមកកាប់សាច់លក់ជាធម្មតាអត់ខ្វល់ ។
លោក ថែ លី ក្រោមការណែនាំពីរដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ អំពីបញ្ហាកាផ្ទុះឆ្លងជំងឺជ្រូកនៅប្រទេសវៀតណាមនោះ លោកក៏បានធ្វើការឃាត់រថយន្តដឹកជ្រូកចំនួន១គ្រឿង ដឹកជ្រូកចំនួន៦ក្បាលយកមករក្សាទុកនៅការិយាល័យ ដើម្បីយកឈាមទៅពិនិត្យ ។ ហើយនៅព្រឹកថ្ងៃទី២៣ មីនា ២០១៧ លោកបានឃាត់រថយន្តដឹកជ្រូកបាន១គ្រឿងទៀត មានជ្រូកចំនួន១២ក្បាល យកទៅរក្សាទុកនៅការិយាល័យ បើពិនិត្យទៅថា បើមានមេរោគយើងនឹងធ្វើការកម្ទេចចោល តែបើអត់មានជំងឺទេ យើងនឹងធ្វើការពិន័យ ។ ចំពោះក្រុមហ៊ុនមានច្បាប់ត្រឹមត្រូវនោះ គេនៅតែនាំជ្រូកចូលមកជាធម្មតាទេ ។
ចែករំលែកព័តមាននេះ