ខេត្តបន្ទាយមានជ័យ ៖ អាជ្ញាធរស្រុកបានដឹកនាំកម្លាំងចុះជួយអន្តរាគមន៍ជម្លៀសក្មេងចំនួន១១២នាក់ ដាក់ទីទួលសុវត្ថិភាពក្រោយទឹកជំនន់ជន់លិចក្នុងមណ្ឌល កាលពីយប់ថ្ងៃទី១១ តុលា នៅផ្សារចំការត្រដក ភូមិចំការត្រដក ឃុំឫស្សីក្រោក ស្រុកមង្គលបូរី…
ខេត្តបន្ទាយមានជ័យ ៖ អាជ្ញាធរស្រុកបានដឹកនាំកម្លាំងចុះជួយអន្តរាគមន៍ជម្លៀសក្មេងចំនួន១១២នាក់ ដាក់ទីទួលសុវត្ថិភាពក្រោយទឹកជំនន់ជន់លិចក្នុងមណ្ឌល កាលពីយប់ថ្ងៃទី១១ តុលា នៅផ្សារចំការត្រដក ភូមិចំការត្រដក ឃុំឫស្សីក្រោក ស្រុកមង្គលបូរី ។
លោក រ័ត្ន ដាស៊ីណង់ អភិបាលស្រុកមង្គលបូរីបានប្រាប់ថា ក្រោយទទួលព័ត៌មានទឹកជំនន់បានជន់លិចក្នុងមណ្ឌលសង្គ្រោះជនអស់សង្ឃឹមទី២ ស្រុកមង្គលបូរី មានចំនួន១១២នាក់ លោកបានដឹកនាំកម្លាំងមានកងរាជអាវុធហត្ថ នគរបាល យោធាស្រុកបានចុះជួយអន្តរាគមន៍ជម្លៀសរកទីទួលសុវត្ថិភាពដាក់នៅផ្សារចំការត្រដករបស់លោកឧញ៉ា អ៊ឹង ប៊ុនម៉ៅ ។
លោកបានបញ្ជាក់ថា នៅស្រុកមង្គលបូរីទឹកជំនន់នៅតែបន្តជន់ឡើងរាល់ថ្ងៃ បណ្តាលជម្លៀសប្រជាពលរដ្ឋរកទីទួលសុវត្ថិភាពមានចំនួន៤០១គ្រួសារ ស្មើមនុស្សរាយ១.៥៣៥នាក់(ស្រី៨១០នាក់ កុមារ២៣៩នាក់) និងពេលនេះ ជម្លៀសក្មេងក្នុងមណ្ឌល១១២នាក់ទៀត ដែលរងផលប៉ះពាល់មាន១៣ឃុំស្មើ១០២ភូមិ មាន៤.៦៧៨គ្រួសារ ស្មើមនុស្សរាយចំនួន១៨.០៨៣នាក់ ស្រី៩.៥៤៩នាក់ ស្លា.ប់ដោយលង់ទឹកជំនន់មានចំនួន៥នាក់ ។
លោកគ្រូគ្រប់គ្រងមណ្ឌលសង្គ្រោះជនអស់សង្ឃឹមទី២មង្គលបូរីបានប្រាប់ថា ក្មេងដែលត្រូវជម្លៀសមាន១១២នាក់ (ស្រី៣៩នាក់) មាននិសិត្សចំនួន៦នាក់ និងលោកគ្រូ-អ្នកគ្រូមើលថែចំនួន១៧នាក់ស្រី១១នាក់ ហើយមណ្ឌលបង្កើតឡើងជាង១០ឆ្នាំហើយត្រូវទឹកជំននជន់លិចកាលពីឆ្នាំ២០២០ ត្រូវបានជម្លៀស និងនៅឆ្នាំ២០២២នេះ ត្រូវបានទឹកជំនន់ជនលិចម្តងទៀតត្រូវបានជម្លៀសដាក់ទីទួលសុវត្ថិភាពផ្សារចំការត្រដក។
លោកគ្រូ-អ្នកគ្រូបានថ្លែងអំណរគុណចំពោះឯកឧត្តម កែ គឹមយ៉ាន ឧបនាយករដ្ឋមន្ត្រី និងលោកជំទាវ ម៉ៅ ម៉ាល័យ ដែលបានជួយ និងឯកឧត្តម អ៊ុ រាត្រី អភិបាលខេត្តបន្ទាយមានជ័យនិងលោកឧកញ៉ា អ៊ឹង ប៊ុនម៉ៅ ម្ចាស់ផ្សារដែលបានផ្តល់ទីតាំងជម្លៀងក្មេងមកស្នាក់នៅបណ្តុះអាសន្នមានអគ្គីសនី ទឹក ភ្លើង បង្គន់អនាម័យប្រើប្រាស់ ដែលបានរួចផុតពីទឹកជំនន់ជនលិចមណ្ឌលសង្គ្រោះជនអស់សង្ឃឹមទី២មង្គលបូរី ៕
ចែករំលែកព័តមាននេះ