ខេត្តឧត្តរមានជ័យ ៖ នៅមាត់ច្រកទ្វារអន្តរជាតិជាំសាងាំ មន្ត្រីកាំកុងត្រូលបានធ្វើការត្រួតពិនិត្យ និងពិសោធន៍រាល់មុខទំនិញគ្រឿងឧបភោគ បរិភោគ ដើម្បីវិភាគរកសំណល់ថ្នាំកសិកម្ម និងសារធាតុគីមីហាមឃាត់ដែលនាំចេញ
ខេត្តឧត្តរមានជ័យ ៖ នៅមាត់ច្រកទ្វារអន្តរជាតិជាំសាងាំ មន្ត្រីកាំកុងត្រូលបានធ្វើការត្រួតពិនិត្យ និងពិសោធន៍រាល់មុខទំនិញគ្រឿងឧបភោគ បរិភោគ ដើម្បីវិភាគរកសំណល់ថ្នាំកសិកម្ម និងសារធាតុគីមីហាមឃាត់ដែលនាំចេញពីប្រទេសថៃមកកម្ពុជា កាលពីព្រឹកថ្ងៃទី១៩ មីនា ២០១៧ ស្ថិតនៅក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
លោក កើត ស៊ីណា ប្រធានស្នាក់ការកាំកុងត្រូលមាត់ច្រកទ្វារអន្តរជាតិជាំសាងាំ បានឱ្យដឹងថា លោកខាន់ រ៉ាត់ ប្រធានសាខាកាំកុងត្រូលខេត្តឧត្តរមានជ័យ បានជំរុញដល់មន្ត្រីកាំកុងត្រូលដែលកំពុងបម្រើការងារនៅតាមមាត់ច្រកទ្វារអន្តរជាតិនីមួយៗត្រូវខិតខំយកចិត្តទុក្ខដាក់ពិនិត្យពិសោធន៍ ដើម្បីវិភាគរកសំណល់ថ្នាំកសិកម្ម និងសារធាតុគីមីជាប្រចាំរាល់មុខទំនិញគ្រឿងឧបភោគ បរិភោគដែលនាំចូលពីប្រទេសជិតខាងមកកម្ពុជា បង្កឱ្យប៉ះពាល់សុខភាពដល់មន្ត្រីរាជការ និងប្រជាពលរដ្ឋ។
លោកបានបន្តថា កន្លងមក មន្ត្រីកាំកុងត្រូលមាត់ច្រកទ្វារអន្តរជាតិជាំសាងាំ តែងតែបានយកចិត្តទុក្ខដាក់ពិនិត្យរាល់មុខទំនិញដែលនាំចូល ជាពិសេសគ្រឿងឧបភោគ បរិភោគ ដូចជា ប្រហិត ឆ្អឹងមាន់ ជង្គង់មាន់ដែលខូចគុណភាព នំកូនក្មេងដែលគ្មានស្លាកសញ្ញាត្រឹមត្រូវនោះ មន្ត្រីកាំកុងត្រូលបានរុញឱ្យត្រឡប់ទៅក្នុងទឹកដីថៃវិញ តែមួយចំនួនមន្ត្រីកាំកុងត្រូលបានដកហូតយកមកកម្ទេចចោល និងធ្វើការអប់រំដល់ពួកគាត់ឈប់នាំចូលបន្តទៀត។
លោកបានបញ្ជាក់ថា នាព្រឹកថ្ងៃទី១៩ មីនា ២០១៧ នេះ លោកបានដឹកនាំមន្ត្រីកាំកុងត្រូលធ្វើការពិនិត្យ ពិសោធន៍ ដើម្បីរកថ្នាំកសិកម្ម និងសារធាតុគីមីរាល់មុខទំនិញ ពិសេសគ្រឿងឧបភោគ បរិភោគដែលបង្កផលប៉ះពាល់ដល់សុខភាពរបស់ពលរដ្ឋនោះពុំមានជាលទ្ធិផលនោះទេ៕
ចែករំលែកព័តមាននេះ