ខេត្តបន្ទាយមានជ័យ ៖ យោងតាមប្រភពព័ត៌មានពីតំបន់ជាយដែនខ្មែរសៀម ប៉ោយប៉ែតបានឲ្យដឹងថា កាស៊ីណូមួយចំនួន ទាំងស្របច្បាប់ និង មិនស្របច្បាប់ បានកំពុងនិងបើកឲ្យពលរដ្ឋខ្មែរចូលលេងយ៉ាងគគ្រឹកគគ្រេង
ខេត្តបន្ទាយមានជ័យ ៖ យោងតាមប្រភពព័ត៌មានពីតំបន់ជាយដែនខ្មែរសៀម ប៉ោយប៉ែតបានឲ្យដឹងថា កាស៊ីណូមួយចំនួន ទាំងស្របច្បាប់ និង មិនស្របច្បាប់ បានកំពុងនិងបើកឲ្យពលរដ្ឋខ្មែរចូលលេងយ៉ាងគគ្រឹកគគ្រេងរបៀបអនាធិបតេយ្យបំផុតបំពាននឹងអនុសាសន៍សម្តេចប្រមុខរាជរដ្ឋាភិបាល ។
ប្រភពបានបញ្ជាក់ទៀតថា កាស៊ីណូជាច្រើនកន្លែងនៅប៉ោយប៉ែតដែលបើកឲ្យពលរដ្ឋខ្មែរចូលលេងដោយសេរីនោះមាន ៖ឡាក់គី កាស៊ីណូ, ឡាហ្គ្រនកាស៊ីណូ , រិចកាស៊ីណូ , និង ប៉ោយប៉ែតភែលេសផ្លាសកាស៊ីណូ ។
សូមបញ្ជាក់ថា៖ កាស៊ីណូទាំង៤កន្លែងខាងលើនេះ មាន៣កន្លែងនៅចំណុចរង្វង់មូល និង១កន្លែងនៅខាងជើងវត្តបាលិលេយ្យ ស្ថិតក្នុងភូមិក្បាលស្ពាន១ សង្កាត់-ក្រុងប៉ោយប៉ែត ។ កាស៊ីណូខាងលើបានដាក់ ជាកន្លែងល្បែងស៊ីសងប្រភេទភ្នាល់បាល់ បើកសម្រាប់ឲ្យខ្មែរចូលលេងដោយសេរីយ៉ាងអនាធិតេយ្យតែម្តង។
តាមប្រភពព័ត៌មានពីតំបន់ជាយដែនកម្ពុជា ថៃ ប៉ោយប៉ែត បានឲ្យដឹងថា កាស៊ីណូទាំងនោះមានច្បាប់ ចេញពីក្រសួងពានិជ្ជកម្ម និង ហិរញ្ញវត្ថុ ត្រឹមត្រូវ ។ ក៏ប៉ុន្តែចំណុចដែលគួរឲ្យមានកត់សម្គាល់នោះ ច្បាប់កាស៊ីណូទូទាំងប្រទេស ដែលប្រមុខរាជរដ្ឋាភិបាល អនុញ្ញាតឲ្យមកហើយនោះគឺមិនអនុញ្ញាតឲ្យជនជាតិខ្មែរគ្រប់រូប ចូលលេងល្បែង ស៊ីសងជាដាច់ខាត ។ ចំណែកកាស៊ីណូទាំងនោះគេសង្កេតឃើញមានកម្លាំងសមត្ថកិច្ចនគរបាល ក្រសួងមហាផ្ទៃ បានដាក់កម្លាំងឈរជើង ប្រចាំការ ២៤លើ២៤ម៉ោង ដើម្បីការពារសន្តិសុខ និង ត្រួតពិនិត្យចំពោះប្រជាពលរដ្ឋខ្មែរគ្រប់រូប មិនឲ្យចូលលេងល្បែងស៊ីសង នៅក្នុងកាស៊ីណូនោះទេ ។ តែផ្ទុយទៅវិញ កាស៊ីណូ មួយចំនួន នៅក្រុងប៉ោយប៉ែត កំពុងតែបើកដំណើរការយ៉ាងរលូន សម្រាប់ឲ្យពលរដ្ឋខ្មែរ ចូលលេងយ៉ាងគគ្រឹកគគ្រេង របៀបអនាធិបតេយ្យបំផុត ផ្គើនទៅនឹងអនុសាសន៍ របស់ប្រមុខថ្នាក់ដឹកនាំ ជាពិសេសនោះ គឺកាស៊ីណូប៉ោយប៉ែតភែលេសផ្លាស នេះតែម្តង គេបានដាក់ជាកន្លែងភ្នាល់បាល់ សម្រាប់ឲ្យពលរដ្ឋខ្មែរចូលលេងដោយសេរីយ៉ាងអនាធិបតេយ្យបំផុត ដោយមិនខ្វល់ពីបញ្ហា ភូមិ ឃុំ មានសុវត្ថិភាព និង សន្តិសុខសង្គម ទៅថ្ងៃអនាគតរបស់ប្រមុខ ថ្នាក់ដឹកនាំ នោះឡើយ ។
ប្រជាពលរដ្ឋរស់នៅតំបន់ប៉ោយប៉ែត បានអំពាវនាវដល់ក្រសួងមានសមត្ថកិច្ចជំនាញ ក៏ដូចជាប្រមុខថ្នាក់ដឹកនាំ មេត្តាជួយចាត់វិធានការរឹតបន្តឹងដល់សមត្ថកិច្ចជំនាញឲ្យជួយយកចិត្តទុកដាក់ទប់ ស្កាត់កុំឲ្យពលរដ្ឋខ្មែរគ្រប់រូប ចូលលេងល្បែងស៊ីសង នៅក្នុងកាស៊ីណូរបៀបអនាធិបតេយ្យបែបនេះតទៅទៀត និង ចៀសវាងកុំឲ្យកើតមានអំពើចោរកម្ម ទៅថ្ងៃអនាគត ៕
ចែករំលែកព័តមាននេះ