ពាក្យចាស់ពោលថា «រពិសដៃផ្ទៃឆ្អែត» ! ចំណែកបុរសម្នាក់នេះរពិសដៃជាប់ខ្នោះ
ខេត្តបន្ទាយមានជ័យ ៖ បុរសម្នាក់ជាប់ចោទពីបទបំពានកេរ្តិ៍ខ្មាស់ត្រូវបានជនរងគ្រោះប្តឹងកម្លាំងសមត្ថកិច្ចកងរាជអាវុធហត្ថខេត្តចាប់ឃាត់ខ្លួន
ខេត្តបន្ទាយមានជ័យ ៖ បុរសម្នាក់ជាប់ចោទពីបទបំពានកេរ្តិ៍ខ្មាស់ត្រូវបានជនរងគ្រោះប្តឹងកម្លាំងសមត្ថកិច្ចកងរាជអាវុធហត្ថខេត្តចាប់ឃាត់ខ្លួន ដើម្បីកសាងសំណុំរឿងបញ្ជូនទៅសាលាដំបូងខេត្ត ។ លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបានឲ្យដឹងថា ជនសង្ស័យឈ្មោះ កេត សិលា ភេទប្រុស អាយុ២៩ឆ្នាំ នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ជននេះកាលពីវេលាម៉ោង៥និង៣០នាទីព្រឹកថ្ងៃទី១៨ មីនា បានប្រព្រឹត្តអំពើបំពានកេរ្តិ៍ខ្មាស់ទៅលើនារីម្នាក់ឈ្មោះ ធ.គ.ធ អាយុ២៣ឆ្នាំ ជាបុគ្គលិកគ្លីនិកឯកជនមួយកន្លែងខណៈពេលដែលជនជាប់ចោទនិងជនរងគ្រោះបានជិៈរថយន្តក្រុងដែលធ្វើដំណើរនៅពេលយប់តាមផ្លូវ ពីភ្នំពេញទៅប៉ោយប៉ែត ។
លោកមេបញ្ជាការរងបានបញ្ជាក់ថា បើតាមបណ្តឹងនារីរងគ្រោះបានរៀបរាប់ថា ចេញដំណើរពីភ្នំពេញ រូបនាងបានជិះកៅអី1Aជិតនារីម្នាក់ទៀតដែលអាយុប្រហាក់ប្រហែលនាង នៅវេលាម៉ោង៥ព្រឹកថ្ងៃទី១៨ មីនា នារីម្នាក់បានចុះនៅបេនឡានខេត្តបាត់ដំបង ដោយនៅតែនាងម្នាក់ឯងជិះបន្តមកខេត្តបន្ទាយមានជ័យ ដោយដេកលក់នៅលើកៅអី1A លុះដល់ម៉ោង៥និង៣០នាទីថ្ងៃដដែល ស្រាប់តែមានមនុស្សប្រុសម្នាក់ធ្វើសកម្មភាពយកដៃលូកចូលក្នុងអាវស្ទាបដើមទ្រូងរបស់នាង ធ្វើឲ្យភ្ញាក់ស្រែនឆោឡោ ទើបឈ្មោះ កេត សិលា រត់ទៅដេកនៅកៅអីក្រោយវិញ ។
ក្រោយពីទទួលបណ្តឹងរបស់ជនរងគ្រោះ និងដោយមានបទបញ្ជារបស់លោកឧត្តមសេនីយ៍ត្រី បូរិន្ទ មេបញ្ជាការកងរាជអាវុធហត្ថខេត្ត និងមានការសម្របសម្រួលពីលោក មាស ចាន់ពិសិដ្ឋ ព្រះរាជអាជ្ញាអមសាលាដំបូងខេត្ត កម្លាំងកងរាជអាវុធខេត្ត បានចាប់ឃាត់ខ្លួនជនជាប់ចោទឈ្មោះ កេត សិលា មកធ្វើការសាកសួរ ។ លោកមេបញ្ជាការរងបានបញ្ជាក់ទៀតថា ពេលដែលធ្វើការសាកសួរចម្លើយ នៅចំពោះមុខសមត្ថកិច្ចជនជាប់ចោទបានសារភាពពីសកម្មភាពរបស់ខ្លួនដែលប្រព្រឹត្តទៅលើរូបនារីរងគ្រោះ ដូចជាការចោទប្រកាន់នោះមែន ៕
ចែករំលែកព័តមាននេះ