ខេត្តបាត់ដំបង ៖ ប្រភពបានឱ្យដឹងថា បនល្បែងស៊ីសងគ្រប់ប្រភេទ កំពុងបើកដំណើរការយ៉ាងរលូន និងកាន់តែគគ្រឹកគគ្រេង ក្រោមក្លៀកសមត្ថកិច្ចស្រុកថ្មគោល បន្ទាប់ពីវង់ល្បែងដ៏ធំនៅក្នុងក្រុងបាត់ដំបង ត្រូវបានផ្អាក់ជាបណ្ដោះអាសន្ន កាលពីជាង១
សបា្តហ៍មុន ។
ខេត្តបាត់ដំបង ៖ ប្រភពបានឱ្យដឹងថា បនល្បែងស៊ីសងគ្រប់ប្រភេទ កំពុងបើកដំណើរការយ៉ាងរលូន និងកាន់តែគគ្រឹកគគ្រេង ក្រោមក្លៀកសមត្ថកិច្ចស្រុកថ្មគោល បន្ទាប់ពីវង់ល្បែងដ៏ធំនៅក្នុងក្រុងបាត់ដំបង ត្រូវបានផ្អាក់ជាបណ្ដោះអាសន្ន កាលពីជាង១
សបា្តហ៍មុន ។
បើតាមសេចក្ដីរាយការណ៍បានឲ្យដឹងថា វង់ល្បែងនោះមានចំនួន២កន្លែង គឺមួយកន្លែងបើកលែងក្នុងរោងម៉ាស៊ីនកិនស្រូវ និងមួយកន្លែងទៀត បើកលេងក្នុងដីឡួត៍ ដែលស្ថិតក្នុងភូមិអូរញ ឃុំបឹងព្រីង ស្រុកថ្មគោល។
អ្នកភូមិអះអាងថា បានបើកដំណើរការច្រើនឆ្នាំហើយ មិនដែលឃើញសមត្ថកិច្ចចុះបង្ក្រាបទេ ដែលជាហេតុនាំឲ្យអ្នកភូមិសង្ស័យថា សមត្ថកិច្ចអាចជាប់ពាក់ព័ន្ធនឹងបនល្បែងស៊ីសងខុសច្បាប់នេះ ជាថ្នូរនឹងសំណែនប្រចាំខែ។ កាលពីពេលថ្មីៗកន្លងទៅនេះ សមត្ថកិច្ចបានបិទបនល្បែងដ៏ធំដុះស្លែមួយកន្លែង ដែលសំងំលេងនៅជាយក្រុងបាត់ដំបង ហើយក្រុមអ្មកលេងបានស្វះស្វែងរកទីតាំងថ្មីដែលអាចអំណោយផល ដើម្បីបើកលេង តែមិនទាន់ប្រាកដរហូតដល់ពេលនេះ។
ប៉ុន្តែបើតាមប្រភពពីអ្នកលេងល្បែងដែរបានប្រាប់ថា អ្នកលេងធំៗមួយចំនួនកុះពុងសម្រុកទៅលេងនៅទីតាំងភូមិអូរញ ឃុំបឹងព្រីង ស្រុកថ្មគោល ព្រោះនៅទីនោះមានអ្នកលេងធំៗ ហើយអ្នកធ្វើមេសុទ្ធតែអនិកជនខ្មែរមកពីអាមេរិកទៀតផង។
ប្រភពដដែលបញ្ជាក់ថា នៅទីនោះមិនត្រិមតែសំបូរទឹកប្រាក់លេងចាញ់ឈ្នះរាប់ម៉ឺនដុល្លារប៉ុណ្ណោះទេ ថែមទាំងធានាសុន្តិសុខល្អទៀតផង ព្រោះអ្នកដែលរំខានមានតែអ្នកសារព័ត៌មានទេ រីឯសមត្ថកិច្ចគ្រប់ស្ថាប័នត្រូវថ្នាំសណ្ដំដេកលក់អស់ហើយ ។
ដូច្នេះហើយ ទើបបនល្បែងទាំង២កន្លែងនេះ អាចបើកដំណើរការបានដោយសុវត្ថិភាពទាំងយប់ទាំងថ្ងៃ មិនរំខានដំណេកសមត្ថកិច្ចឡើយ ។
ចែករំលែកព័តមាននេះ