រយៈពេល២ថ្ងៃខ្យល់កន្ត្រាក់បំផ្លាញផ្ទះប្រជាពលរដ្ឋ១២ខ្នង កម្លាំងនគរបាលបានចុះជួយអន្តរាគមន៍
បន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យបានប្រាប់ថាខេត្តបន្ទាយមានជ័យក្នុងរយៈពេល២ថ្ងៃ
បន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគបាលខេត្តបន្ទាយមានជ័យបានប្រាប់ថាខេត្តបន្ទាយមានជ័យក្នុងរយៈពេល២ថ្ងៃ មានខ្យល់កន្ត្រាក់បំផ្លាញផ្ទះបងប្អូនប្រជាពលរដ្ឋអស់១២ខ្នងប៉ះពាល់៤ស្រុក ក្នុងនោះកម្លាំងនគបាលខេត្ត ស្រុក ក្រុង និងកម្លាំងការពារព្រំដែនគោកបានចុះធ្វើអន្តរាគន៍ជួយដល់ប្រជាពលរដ្ឋ។
លោកបានបញ្ជាក់ថា នៅល្ងាចថ្ងៃទី១៥ ខែមីនា ឆ្នាំ២០១៧ ខ្យល់កន្ត្រាក់ប៉ះពាលដល់ផ្ទះប្រជាពលរដ្ឋចំនួន២ខ្នងបាក់ទាំងស្រុង១ខ្នង ទ្រេត១ខ្នង កម្លាំងនគរបាលវរៈការពារព្រំដែនគោកលេខ៨១៥ បានជួយដល់ប្រជាពលរដ្ឋ។ នៅល្ងាចថ្ងៃទី១៦ ខែមីនាឆ្នាំ២០១៧នេះ ខ្យល់កន្ត្រាក់ប៉ះពាល់៣ស្រុកមាន ១.ស្រុកស្វាយចេក៦ខ្នង ២.ស្រុកព្រះនេត្រព្រះចំនួន៣ខ្នង ៣.ស្រុកអូរជ្រៅចំនួន១ខ្នង។
លោកឧត្តមសេនីយ៍ទោ អាត់ ខែម បានបញ្ជាក់ថា ដោយមានការណែនាំខ្ពស់ពីលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ ហើយលោកបានដាក់វិធានការដល់កម្លាំងនគរបាលចុះអន្តរាគមន៍ជួយដល់ប្រជាពលរដ្ឋជួយធ្វើជម្រក និងរុះរើផ្ទះដែលរងការបំផ្លាញពីគ្រោះធម្មជាតិ៕
ចែករំលែកព័តមាននេះ