សាហា.វខ្លាំងណាស់ ! ប្រើកាំបិតកៃចាក់ទម្លុះផ្តាច់បំពង់ក
ខេត្តបន្ទាយមានជ័យ ៖ នៅវេលាម៉ោង១និង២០នាទី ថ្ងៃទី១៧ មីនា ប៉ុស្តិ៍នគរបាលរដ្ឋបាលតាគង់បានទទួលព័ត៌មាន
ខេត្តបន្ទាយមានជ័យ ៖ នៅវេលាម៉ោង១និង២០នាទី ថ្ងៃទី១៧ មីនា ប៉ុស្តិ៍នគរបាលរដ្ឋបាលតាគង់បានទទួលព័ត៌មានពីលោក ឈឿន ថាន មេភូមិប្រាសាទរាំង ឃុំតាគង់ ស្រុកម៉ាឡៃបានរាយការណ៍ថា នៅភូមិប្រសាទរាំងមានករណីឃាតកម្មក្រោយទទួលបានព័ត៌មានកម្លាំងនគរបាលប៉ុស្តិ៍រដ្ដបាលតាគង់សហការជាមួយកម្លាំងអធិការដ្ឋាននគរបាលស្រុកម៉ាឡៃ ចុះដល់កន្លែងកើតហេតុហើយធ្វើការស្រាវជ្រាវជាលទ្ធផលទទួលបានគឺ ៖ ជនរងគ្រោះឈ្មោះ សុខ មុំ ភេទស្រី អាយុ៤៤ឆ្នាំ រស់នៅភូមិកើតហេតុខាងលើត្រូវបានជនសង្ស័យឈ្មោះ កន គិន ភេទប្រុស អាយុ៤៤ឆ្នាំ រស់នៅភូមិកើតហេតុប្រើកាំបិតកៃចាក់ទម្លុះផ្តាច់បំពង់កបណ្តាលឱ្យស្លាប់នៅចម្ងាយប្រមាណ៣ម៉ែត្រពីផ្ទះជនរងគ្រោះ ដោយឡែកជនសង្ស័យក្រោយសម្លាប់ជនរងគ្រោះហើយ ក៏បានទៅចង.កសម្លាប់ខ្លួននៅលើដើមម្កាក់ព្រៃ ដែលមានចម្ងាយប្រមាណ៣០០ម៉ែត្រពីផ្ទះជនរងគ្រោះ ។
តាមការសាកសួរបឋមពីលោកមេភូមិក៏ដូចជាអ្នកជិតខាងបានឱ្យដឹងថា មុនករណីឃាតកម្ម និងអត្តឃាតកើតឡើងអ្នកទាំង២ រស់នៅជាមួយគ្នាប៉ុន្តែតែងមានរឿងរកាំរកូសជាមួយគ្នាដោយសារឈ្មោះ កន គិន មានប្រពន្ធដើម ហើយម្តងរស់នៅជាមួយប្រពន្ធដើម ម្តងរស់នៅជាមួយឈ្មោះ សុខ មុំ ទើបបណ្តាលឱ្យមានទំនាស់រហូតឈានដល់ការសម្លាប់ហើយធ្វើអត្តឃាតខ្លួនឯង ៕
ចែករំលែកព័តមាននេះ