ខេត្តរតនគិរី ៖ បើតាមប្រភពមន្ត្រីពន្ធនាគារភ្នំស្វាយបានឱ្យដឹងថា មានអ្នកទោស២នាក់បានរត់ចេញពីពន្ធនាគារ កាលពីវេលាម៉ោង០៥ល្ងាចថ្ងៃទី១៦ មីនា ដែលអ្នកទោសទាំង២នាក់ ម្នាក់-ឈ្មោះជា ប៊ុនថេង និងម្នាក់ទៀតឈ្មោះរាជ សុភ័ក្ត្រ (ជាប់ពីបទគ្រឿងញៀន និងជាប់ពីបទលួច) ។
ខេត្តរតនគិរី ៖ បើតាមប្រភពមន្ត្រីពន្ធនាគារភ្នំស្វាយបានឱ្យដឹងថា មានអ្នកទោស២នាក់បានរត់ចេញពីពន្ធនាគារ កាលពីវេលាម៉ោង០៥ល្ងាចថ្ងៃទី១៦ មីនា ដែលអ្នកទោសទាំង២នាក់ ម្នាក់-ឈ្មោះជា ប៊ុនថេង និងម្នាក់ទៀតឈ្មោះរាជ សុភ័ក្ត្រ (ជាប់ពីបទគ្រឿងញៀន និងជាប់ពីបទលួច) ។
ជុំវិញករណីខាងលើនេះដែរ ត្រូវលោកទិន សុវណ្ណី ប្រធានពន្ធនាគារភ្នំស្វាយប្រាប់ឱ្យដឹង កាលពីយប់ថ្ងៃទី១៦ មីនា ដដែលថា គឺពិតជាមានអ្នកទោស២នាក់ បានរត់គេចខ្លួនមែន ។ អ្នកទោសទាំង២នាក់នេះ គឺជិតមានសេរីភាពវិញហើយ ពោលគឺសល់តែ៥-៦ខែទៀតប៉ុណ្ណោះ ដែលពួកគេអាចចេញពីពន្ធនាគារបាន ។ ហើយសព្វដង ពួកគាត់ (អ្នកទោស) ត្រូវបានខាងមន្ត្រីពន្ធនាគារបញ្ចេញឱ្យមកធ្វើសិប្បកម្មកែច្នៃឈើ ធ្វើគ្រឿងសង្ហារឹមនៅខាងក្រៅរបងពន្ធនាគារ។
បច្ចុប្បន្ន កម្លាំងសមត្ថកិច្ចបានដាក់កម្លាំង ដើម្បីស្រាវជ្រាវរកជនល្មើសទាំង២នាក់នេះ មកដាក់ពន្ធនាគារវិញ ។ ករណីនេះ កងកម្លាំងប្រដាប់អាវុធក្នុងខេត្ត បានធ្វើការរិះគន់ទៅលើឆ្មាំយាមពន្ធនាគារថា មានការធូររលុងពីបញ្ហាអ្នកទោសរត់រួចនេះ ដែលពេលនេះ ទើបបញ្ជាឱ្យកម្លាំងស្រាវជ្រាវតាមចាប់អ្នកទោសវិញនោះ ។
ចែករំលែកព័តមាននេះ