រាជធានីភ្នំពេញ ៖ សពសម្តេចវិបុលបញ្ញា សុខ អាន បានដឹកតាមជើងយន្តហោះពិសេសពីទីក្រុងប៉េកាំងប្រទេសចិន និង បានមកដល់ព្រលានយន្តហោះអន្តរជាតិភ្នំពេញនៅវេលាម៉ោងប្រមាណ៥ព្រឹកថ្ងៃទី១៦ មីនា និង
រាជធានីភ្នំពេញ ៖ សពសម្តេចវិបុលបញ្ញា សុខ អាន បានដឹកតាមជើងយន្តហោះពិសេសពីទីក្រុងប៉េកាំងប្រទេសចិន និង បានមកដល់ព្រលានយន្តហោះអន្តរជាតិភ្នំពេញនៅវេលាម៉ោងប្រមាណ៥ព្រឹកថ្ងៃទី១៦ មីនា និងបានមកដល់ភូមិគ្រឹះសម្តេចផ្ទះលេខ៧០ ផ្លូវ២១៤ សង្កាត់បឹងរាំង ខណ្ឌដូនពេញ នៅវេលាម៉ោង៦ ព្រឹកថ្ងៃព្រហស្បតិ៍ដដែលនេះ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងទៀតថា សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន និង មន្ត្រីជាន់ខ្ពស់រាជរដ្ឋាភិបាលមួយចំនួនទៀត ក៍បានចូលរួមដង្ហែសពសម្តេចវិបុលបញ្ញា សុខ អាន ពីព្រលានយន្តហោះមកកាន់ភូមិគ្រឹះសពផងដែរ ។
បើតាមសេចក្តីប្រកាសព័ត៌មានផ្លូវការរបស់រាជរដ្ឋាភិបាល សម្តេចវិបុលបញ្ញា សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលមរណភាពដោយរោគាពាធ ក្នុងជន្មាយុ៦៦ឆ្នាំនៅវេលាម៉ោង៦និង៣២ល្ងាចថ្ងៃទី១៥ មីនា២០១៧ នៅទីក្រុងប៉េកាំង សាធារណរដ្ឋប្រជាមានិតចិន ៕
ចែករំលែកព័តមាននេះ